Daniel 2:38 - The Holy Bible In Alur (Lur) Revised Orthography

³⁸ man ka ceke ma tek nyithindho mi dhanu bedo i ie, yedi m’i thim ku winyo m’i polo emio i cingi, man eketho icamu ker i wigi ceke: in i wie mi mola ma kwar.

Daniel 2:38 ပူးပေါင်းရင်းမြစ်များ

Yeremia 34:1

Lembe m’uai ba Yehova ubino ba Yeremia, kinde ma Nebukadnezar m’ubimo mi Babeli, ku njuru asikari pare ceke, ku thek ceke m’i ng’om ma ni the bim pare, ku kodhidhanu ceke, ubekiedo kum Yerusalem, man kum adhurane ceke, uwacu kumae:

Daniel 1:2

Man Rwoth umio Yehoiakim m’ubimo mi Yuda i cinge, karacelo kud agulu moko mi ot pa Mungu; man eterogi i ng’om mi Cinar ba ot pa mungu pare; e ekelo agulu i ot kanpiny pa mungu pare.

Daniel 2:32

Pir ayi m’acwia maeni, wie en e mi mola ma kwar ma leng’, kore man bote en e mi mola ma tar, ie man bambe en e mi mola,

Daniel 2:39

Man yo ng’ei ker mange biwok ma rom kudi ngo; ku ker mange mir adege mi mola, ma bibimo wi ng’om yu.

Daniel 4:18

Lek maeni, an a ubimo ma Nebukadnezar, aneno; man in, E Beltecazar cu there, kum jurieko ceke mi ker para gicopo ketho ang’ei there ngo; ento icopo; kum tipo mi mungu ma leng’ ni ii.

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Daniel 7:4

Ma kwong’ane calu umvor, man ebedo ku bomb acur: aneno maram bombe luny ko, man juting’e malu kud i ng’om, juketho ecungo wi tiende ario de calu dhanu; man maram jumio ko ire adunde dhanu.