Daniel 2:37 - The Holy Bible In Alur (Lur) Revised Orthography

³⁷ In, E ubimo, in i ubimo mi ju m’ubimo, ma Mungu m’i polo mio iri ker, ku tego, man tek, ku dwong’;

Daniel 2:37 ပူးပေါင်းရင်းမြစ်များ

1 Ubimo 4:24

Kum ebimo wi ng’om ceke ma loka Kulo, ugambre Tifsa cil kum Gaza, wi ubimo ceke ma loka Kulo: man ng’om ukwio ire ng’ete ceke kun ku kun.

2 Ubimo 25:28

man giweco ber gikude, man eketho komker pare malu ma sagu komker mir ubimo ma gini kude i Babeli,

2 Lemkei 36:23

Kuro m’ubimo mir Ajemi wacu kumae, Ker ceke m’i ng’om Yehova, Mungu m’i polo, mio ira; man eng’olo ira ya agom ire ot i Yerusalem, ma ni i Yuda. Ng’atu ma tek ni i kindwu mi dhanu pare ceke, Yehova Mungu pare bed kude, man wek eidh malu.

Ezra 1:2

Kuro m’ubimo mir Ajemi wacu kumae, Yehova, Mungu m’i polo, mio ira ker ceke m’i ng’om; man eng’olo ira ya agom ire ot i Yerusalem, ma ni i Yuda.

Ezra 7:12

Artacacta, m’ubimo mir ubimo, ni Ezra ma jalam, ma jagorcik mi cik pa Mungu m’i polo, ndhu cu ku ma kumeno.

Zaburi 62:11

Mungu yero wang’ acel, Awinjo maeni wang’ ario, Nia tego en e pa Mungu.

Lembrieko 8:15

Ju m’ubimo gibimo ni kuma, Man judongomawijo gipoko lembe pwe.

Isaya 10:8

Kum ewacu kumae, Judongomawijo para ceke gin ubimo ngo?

Isaya 47:5

Bed ling’, man imond i mudho, E nya Jukaldayo; kum jubilwong’i mugole mi ker kendo ngo.

Yeremia 28:14

Kum Yehova mir udul, Mungu mir Israel, uwacu kumae: Aketho mberembere mi nyunyu i ng’ut thek maeni ceke, kara gitim ni Nebukadnezar m’ubimo mi Babeli; e gibitimo ire: man amio ire yedi m’i thim bende.

Yeremia 34:1

Lembe m’uai ba Yehova ubino ba Yeremia, kinde ma Nebukadnezar m’ubimo mi Babeli, ku njuru asikari pare ceke, ku thek ceke m’i ng’om ma ni the bim pare, ku kodhidhanu ceke, ubekiedo kum Yerusalem, man kum adhurane ceke, uwacu kumae:

Ezekiel 26:7

Kum Rwoth Yehova wacu kumae, Nen, abikelo Nebukadrezar m’ubimo mi Babeli, en e ubimo mir ubimo, ku yor ariwa ma malu, karacelo ku riuni, man ku magali, ku weg riuni, ku njuru dhanu, ku dhanu ma dit, wi Turo.

Daniel 1:2

Man Rwoth umio Yehoiakim m’ubimo mi Yuda i cinge, karacelo kud agulu moko mi ot pa Mungu; man eterogi i ng’om mi Cinar ba ot pa mungu pare; e ekelo agulu i ot kanpiny pa mungu pare.

Daniel 2:31

In, E ubimo, ineno, man, nen, ayi gin m’acwia ma dit. Ayi gin m’acwia maeni, ma en e dit, ma rienyne ber hai, ecungo i weng’i; man ayine en e gin ma ng’oyo ndiri.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 4:19

Daniel ma nyinge Beltecazar, dhoge tal nyangba, man pidoic pare ng’abu cwinye. Ubimo loko lembe man ewacu kumae, Beltecazar, kud iwek lek, kadi ewothere de, ung’ab cwinyi. Beltecazar uloko lembe man ewacu kumae, Rwoth para, lekne bed ni ju m’udegi, ewothere de ni jusendni.

Daniel 4:22

en e in, E ubimo, m’idongo idoko tek de; kum dwong’ peri dongo, man etundo cil i polo, man bim peri tundo i kajik mi ng’om.

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:3

Giranyutha pare dit mire ma! musana pare tek mire ma! ker pare en e ker mi nja, bimobim pare ugambre kum dhanum’utuk cil kum dhanum’utuk.

Daniel 4:32

man jubiriemi ku kind dhanu; man kabedo peri bibedo karacelo ku yedi m’i thim; jubiketho icamu lum calu koni dhiang’; e nindo abiro bikadhu i wii; maram ing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Hoseya 8:10

Eyo, kadok gilonyo i kind thek, kawono abicokogi; man gimaku jwik ni kum ter p’ubimo mi judongomawijo.

Matayo 6:13

Kud iterwa i abidhe, ento ilarwa ni ng’atu ma rac.

Yohana 19:11

Yesu loko lembe ire kumae, Tego peri mbe m’itimo ko gin moko i kuma, tek emire iri ku malu ngo: ka kumeno ng’atu m’uciba iri dubo pare sagu.

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 19:16

Man ebedo ku nyinge m’ugore wi kendi pare man wi bambe kumae, ubimo mir ubimo, man rwoth mi rwodhi.

Lembanyutha 4:11

Eromo kudi, Rwoth mwa man Mungu mwa, ya igam dwong’ man yung ku tego: kum icwio gin ceke, man gibedo nuti ni kum yeny m’iyenyo, gicwiri de.

Lembanyutha 5:12

ma giwacu kumae, ku dwal ma dit, Eromo ku Nyathi Rombo ma juthume ya egam tego, ku lonyo, man rieko, man tek, man yung, ku dwong’, man mugisa.