Daniel 2:30 - The Holy Bible In Alur (Lur) Revised Orthography

³⁰ Ento pira, lembamung’a maeni nyuthre ira ngo, kum rieko moko m’abedo ko ma sagu jumange ma kwo, ento kara there ng’eire ni ubimo, man kara ing’ei pidoic mir adundeni.

Daniel 2:30 ပူးပေါင်းရင်းမြစ်များ

Thangambere 41:16

Man Yusuf uloko lembe ni Farao, ewacu kumae, Embe i ia: Mungu bimio lokolembe mi kwiocwiny ni Farao.

Zaburi 139:2

Ing’eyo bedopiny para ku aimalu para; Man ing’eyo pidoic para ku bor.

Isaya 45:4

Ni kum Yakobo ma jatic para, man Israel m’afoyo, alwong’i ku nyingi: acaku nyingi mi pak, kadok fodi ing’eya ngo.

Daniel 1:17

Nie pir awobi ang’wen maeni, Mungu mio igi ng’eyong’ec ku bodho i ponji ku rieko ceke: man Daniel ubedo ku ng’eyothelembe mi ginmawokiwang’ ku lek de.

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 2:49

Man Daniel ukwayu ubimo, man eketho Cadrak, ku Mecak, man Abed-nego, wi tic mi ng’etker mi Babeli: ento Daniel ubedo dhugang’ p’ubimo.

Amos 4:13

Kum, nen, ng’atu m’ung’ino gudi, m’ucwio yamu de, man m’uyero ni dhanu maram pidoic pare bedo ko; m’uloko kugweno ni mudho, man m’unyono ka ma malu mi ng’om, Yehova, Mungu mir udul, en e nyinge.

Matayo 24:22

Man tek jukujwigo ceng’ maeno ngo, kuno di kum moko mbe m’ubin uboth: ento ni ju ma yang’ jugoyo nying’gi re ceng’ nino jubijwigo.

Marko 13:20

Man tek Rwoth kujwigo ceng’ne ngo, kuno di kum moko mbe m’uboth; ento kum ju ma jugoyo nying’gi, m’efoyo, ejwigo ceng’ne.

Tic Mi Jukwenda 3:12

Man ka Petro neno maeni, edwoko lembe ni dhanu kumae, Wu dhanu pa Israel, iwu wang’ lii kum ng’atuni nedi? kadi wutono weng’wu i kumwa nedi, calu ya waketho ewotho wan ku tego mwa giwa kadi ni kum bedo mwa ma ayi Mungu ni i kume?

Jurumi 8:28

Man wang’eyo nia gin ceke timbre karacelo mi bero ni ju ma gimaru Mungu, ni ju ma julwong’ogi calku yeny ma ie yenyo

2 Jukorinto 4:15

Kum gin ceke en e piwu, kara bero maeni, m’ucikumedre ni kum dhanu dupa, uketh foyofoc usagre ni dwong’ pa Mungu.