Daniel 2:28 - The Holy Bible In Alur (Lur) Revised Orthography

²⁸ ento Mungu nuti i polo ma ewo lembamung’a, man eketho ubimo ma Nebukadnezar ung’ei gin ma biwok i acoka nindo. Lek peri, ku ginmawokiwang’ mi wii wi kavuto peri, gi eni:

Daniel 2:28 ပူးပေါင်းရင်းမြစ်များ

Thangambere 40:8

E giwacu ire kumae, Waleko lek, man ng’atu moko mbe ma copo ewo there. Man Yusuf uwacu igi kumae, Ewo there ni ba Mungu ngo? yere ira, akwayuwu.

Thangambere 41:16

Man Yusuf uloko lembe ni Farao, ewacu kumae, Embe i ia: Mungu bimio lokolembe mi kwiocwiny ni Farao.

Thangambere 41:25

E Yusuf uwacu ni Farao kumae, Lek pa Farao en e acel: gin ma Mungu ni ceng’ni kutimo enyutho ni Farao.

Thangambere 49:1

Man Yakobo lwong’o wote, man ewacu kumae: Wucokru giwu karacelo, kara ayer iwu pi gin ma bitimbre iwu i ceng’ ma cen.

Zaburi 115:3

Ento Mungu mwa ni i polo: Etimo gin ma nyayu mutoro i ie.

Isaya 2:2

Man ebitimbre i nindo ma cen, nia got mi ot pa Yehova bicungo wi usimbru gudi, man jubidode wi ungulu gudi; e thek ceke bicidho i bang’e.

Yeremia 10:7

Ng’a ma kulwori ngo, E Ubimo mi theki? kum maeni maku in; kum i kind jurieko ceke mi thek, man i bedo migi ceke mi ker, ng’atu moko mbe ma calu in.

Yeremia 30:24

Ng’ecwiny pa Yehova ma lake tek bidwogo ngo, maram etimo ko, man maram edaru ko lembakeca mir adundene: i nindo ma cen wubing’eyo maeni.

Yeremia 48:47

Ento abidwoko ng’eca mi Moab i nindo ma cen, Yehova wacu. Lembapoka mi Moab en e kumeni.

Ezekiel 28:3

nen, i riek ma sagu Daniel; lembamung’a moko mbe m’upandre iri;

Ezekiel 38:16

man ibibino malu kum dhanu para Israel, calu afuru m’uumo ng’om: ebitimbre i nindo ma cen, nia abikeli kum ng’om para, kara thek ung’eya, kinde m’adwokra leng’ ni kumi, E Gog, i wang’gi.

Ezekiel 38:8

Yo ng’ei nindo dupa jubiliewi: i rundi ma cen ibibino i ng’om ma judwoko ku ba palamularu, ma jucoko ku kind kodhidhanu dupa, wi gudi mir Israel, ma bedo ni uvuru thiri thiri; ento juwodhe woko ku kind kodhidhanu, man gibibedo museme, kagi ceke.

Daniel 1:20

Man ku ba lembe ceke mi rieko ku ng’eyothelembe, m’ubimo penjo kogi, enwang’u nia gisagu weg ajoga ku juwodhtho ma ni i ker pare ceke wang’ apar.

Daniel 10:14

Kawono abino kara aketh ing’ei gin ma biwok ma cen kum juthu; kum ginmawokiwang’ne fodi en e mi nindo dupa.

Daniel 2:18

kara giyeny kisa ba Mungu m’i polo kum lembamung’a maeni; kara Daniel ku juwagi ku ginyothri ku jurieko wagi mi Babeli.

Daniel 2:22

enyutho gin ma thuth ku gin m’amung’a; eng’eyo gin ma ni i mudho, man der ubedo kude.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 2:45

Kum calu ineno ya kidi tongre kud i got ma ku cing’ ungo, man nia eturo nyunyu nziki nziki, man mola, kud ulobo, ku mola ma tar, man mola ma kwar; Mungu ma dwong’ uketho ubimo ng’ei gin ma bitimbre ma cen: man lekne en e andha, man tuco there de andha.

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 4:5

Aneno lek m’unega ku lworo; man pidoic wi kavuto para ku ginmawokiwang’ mi wia ung’abu cwinya.

Hoseya 3:5

yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.

Amos 4:13

Kum, nen, ng’atu m’ung’ino gudi, m’ucwio yamu de, man m’uyero ni dhanu maram pidoic pare bedo ko; m’uloko kugweno ni mudho, man m’unyono ka ma malu mi ng’om, Yehova, Mungu mir udul, en e nyinge.

Kitabu Mir Ang’wende Pa Musa Wel 24:14

Man kawono, nen, adok ba dhanu para: koibin, man abiewo iri gin ma dhanu maeni bitimo kum dhanu peri i ceng’ ma cen.

Matayo 6:9

Ka kumeno wurwo kumae, Wegwa ma ni i polo, Nyingi bed leng’.

Poi Mi Cik 31:19

Ka kumeno nie wugor wer maeni iwu, man wuponj nyithindho mir Israel kude; kethe i dhoggi, kara wer maeni bed ira ni jamulembe kum nyithindho mir Israel.

Poi Mi Cik 4:30

Kinde m’ini i masendi, man gin maeni ceke wok i kumi, i ceng’ ma cen ibidwogo ba Yehova Mungu peri, e ibiwinjo dwande:

2 Timoteo 3:1

Endre ing’ei mae, nia i ceng’ mi kajik rundi nindo mi can biwok.

Juebrania 1:1

Mungu, ma yang’ ubeduyero kwond lembe ni wego ku yo ma tung’ tung’ de ni kum jubila,

2 Petro 3:3

ma wung’eyo ko maeni, nia jucac gibibino ku cac i acokaceng’, ma gibelubo tok awanya migi ma rac,

Lembanyutha 1:1

Lembanyutha pa Yesu Kristu, ma Mungu mio ire enyuth ni jumiru pare, cil gin ma fodi nyanok bikotimbre be: man eoro enyuthe ku malaika pare ni jatic pare Yohana;