Daniel 2:2 - The Holy Bible In Alur (Lur) Revised Orthography

² E ubimo lund ung’olo ya julwong’ weg ajoga, man juwodhtho, ku jubila, man Jukaldayo, kara giyer the lekne ni ubimo. Ka kumeno gimondo man gicungo i wang’ ubimo.

Daniel 2:2 ပူးပေါင်းရင်းမြစ်များ

Thangambere 41:8

Man etimbre kugweno nia cwinye ng’abre; e eoro elwong’o weg ajoga ceke mi Misiri, ku dhanu ma jurieko ceke m’i ng’ombe: e Farao yero lek pare igi; ento ng’atu moko mbe ma copo ewo there ni Farao.

Ester 1:13

Ubimo lund uwacu ni jurieko, ma ging’eyo nindo (kum kura p’ubimo bedo kumeno yo ba dhanu ceke m’ung’eyo cik ku lembapoka;

Ai 7:11

Farac lund ulwong’o jurieko ku weg ajoga bende: e gin bende, gi weg ajoga mi Misiri, gitimo kumeca kud ajoga migi.

Isaya 19:3

E cwiny Misiri bijik i diere; man abinyotho lembaporane: e gibiyenyo ba mungu m’araga man bang’ ajoga, man ba ju ma weg tipo, man ba jucwitho.

Isaya 8:19

Man kinde ma gibiwacu iwu kumae, Wuyeny ba ju ma weg tipo man bang’ ajoga, ma kok man ma weco mung’ mung’: maku dhanu yeny ba Mungu migi ngo? maku giyeny pi ju ma kwo ba ju m’utho?

Daniel 1:20

Man ku ba lembe ceke mi rieko ku ng’eyothelembe, m’ubimo penjo kogi, enwang’u nia gisagu weg ajoga ku juwodhtho ma ni i ker pare ceke wang’ apar.

Daniel 1:4

awobi ma poyo mbe i kumgi, ento ma cu, man ma riu i rieko ceke, ma ng’eyong’ec de ni kugi, ma ng’eyo girang’eya de, man wagi dhanu ma copo cungo i odker p’ubimo; man kara eponjgi ponji ku dhu Jukaldayo.

Daniel 2:10

Jukaldayo giloko lembe i wang’ ubimo, man giwacu kumae, Ng’atu moko mbe wi ng’om ma copo nyutho lembe p’ubimo, kum ubimo moko mbe, kadi rwoth, kadi jabim, ma penjo lembe ma kumeni bang’ ajoga moko kadi ba jawodhtho kadi ba Jakaldayo de.

Daniel 2:27

Daniel uloko lembe i wang’ ubimo, man ewacu kumae, Lembamung’a m’ubimo kwayu, jurieko, kadi weg ajoga, kadi juwodhtho, kadi jueulembe de, copo ewo ngo ni ubimo;

Daniel 3:8

Kum kumeno i nindo maeca Jukaldayo moko gibino ceng’ni, man gikelo i agobe kum Juyahudi.

Daniel 4:3

Giranyutha pare dit mire ma! musana pare tek mire ma! ker pare en e ker mi nja, bimobim pare ugambre kum dhanum’utuk cil kum dhanum’utuk.

Daniel 4:6

Ka kumeno atimo cik kara akel jurieko ceke mi Babeli i bang’a, kara giketh ang’ei the lekne.

Daniel 5:7

Ubimo kok ma tek ya jukel juwodhtho, ku Jukaldayo, man jubila. Ubimo yero man ewacu ni jurieko mi Babeli kumae, Ng’atu ma tek bisomo lembagora maeni, man eewo ira there de, ebironjre kud uluga, man ebibedo ku thondh mola ma kwar i ng’ute, man ebibedo jabim mir adege i ker.

1 Samwil 6:2

E Jufilisti lwong’o julam ku jubila, giwacu kumae, Wabitimo ang’o ku sanduk pa Yehova? wunyuth iwa maram wabiore ko i kakare.