Daniel 2:11 - The Holy Bible In Alur (Lur) Revised Orthography

¹¹ Man en e gin m’umbe mi ceng’ ceke ma ubimo kwayu, man ng’atu mange mbe ma copo nyutho lembene wang’ ubimo, ndhu mungu re, kabedo migi ni karacelo ku weg kum ungo.

Daniel 2:11 ပူးပေါင်းရင်းမြစ်များ

Thangambere 41:39

Man Farao wacu ni Yusuf kumae, Kum Mungu nyutho maeni ceke iri, ng’atu moko mbe ma pidoie cu ma riek de calu in:

Thangambere 41:8

Man etimbre kugweno nia cwinye ng’abre; e eoro elwong’o weg ajoga ceke mi Misiri, ku dhanu ma jurieko ceke m’i ng’ombe: e Farao yero lek pare igi; ento ng’atu moko mbe ma copo ewo there ni Farao.

1 Ubimo 8:27

Ento Mungu bibedo wi ng’om andha? nen, polo man polo m’i polo copo romi ngo; e ka ot maeni m’agomo biromi nenedi!

2 Lemkei 6:18

Ento Mungu bibedo karacelo ku dhanu mi ng’om andha? nen, polo ku polo m’i polo copo romi ngo; e ka ot m’agomo ke biromi kani!

Zaburi 132:14

Maeni kayom para mi nja: Abibedo kakeni; kum ayenye.

Zaburi 68:18

Iidho malu, itelo wi ng’eca; Ijolo giramia i kind dhanu, Eyo, kind juco bende, kara Yehova Mungu bed kugi.

Ai 29:45

Man abibedo i kind nyithindho mir Israel, man abibedo Mungu migi.

Ai 8:19

Weg ajoga lund uwacu ni Farao kumae, Maeni lwet Mungu: e adunde Farao doko nwang’, man ewinjogi ngo; calu Yehova yero.

Isaya 47:12

Cung kawono kud ajoga peri, man kud udul lamu bila peri, m’imuli i ie ugambre i aradu peri; tek lembe bibedo miero iri, tek icopo dwoko dhanu tipo.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 8:18

Nen, an ku nyithindho ma Yehova mio ira wan wa mi giranyutha ku musana i Israel m’uai ba Yehova mir udul, m’ubedo wi got Sayuni.

Daniel 4:4

An, a Nebukadnezar, abeyom i ot para, man lembe bedo ira miero i odker para.

Daniel 5:11

Ng’atu moko nuti i ker peri, ma tipo mi mungu ma leng’ ni i ie; man i nindo pa wuru der ku ng’eyothelembe ku rieko, calu rieko mi mungu, unwangre i ie; man ubimo ma Nebukadnezar ma wuru, ubimo, awacu, ma wuru, ekethe ni jadit mi weg ajoga, ku juwodhtho, ku Jukaldayo, man jubila;

Yoel 3:21

Man abilonyo rimo migi, ma fodi alonyo ngo: kum Yehova bedo i Sayuni.

Kitabu Mir Ang’wende Pa Musa Wel 35:34

Man ibicido ng’om ma wubedo i ie ngo, m’abedo i kinde: kum an, an a Yehova, abedo i dier nyithindho mir Israel.

Matayo 19:26

Yesu neno bang’gi ewacu igi kumae, Maeni copre ngo ku dhanu; ento gin ceke copre ku Mungu.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 14:17

en e Tipo mi lemandha: ma ng’om copo jolo ngo; kum enene ngo, kadok ang’eya de eng’eye ngo; wun re wung’eye; kum ebedo i beng’wu, man ebibedo i iwu.

Yohana 14:23

Yesu loko lembe ewacu ire kumae, Tek ng’atu moko mara, ebiworo lem para: Vwa de bimare, man wabibino i bang’e wabitimo kabedo mwa de i bang’e.

2 Jukorinto 6:16

Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para.

Lembanyutha 21:3

Man awinjo dwal ma dit uai i komker uwacu kumae, Nen, hema pa Mungu ni karacelo ku dhanu, man ebibedo kugi, man gibibedo dhanu pare man Mungu ku kite bibedo karacelo kugi, ni Mungu migi: