Daniel 12:7 - The Holy Bible In Alur (Lur) Revised Orthography

⁷ Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Daniel 12:7 ပူးပေါင်းရင်းမြစ်များ

Kitabu Pa Yob 27:2

Calu Mungu bedo kwo, m’ukabu ng’ol para woko, Man Jategokpo, m’udwoko ng’eyong’ec para kec,

Isaya 62:12

Man gibilwong’ogi kumae, Dhanu ma leng’, man, Ju ma juwaru pa Yehova: e jubilwong’i kumae, Ng’atu ma juyenyo, man, Adhura ma juweko ngo.

Yeremia 4:2

man ibikwong’o kwong’ kumae, Calu Yehova bedo kwo, i lemandha, i pokolembe, man i bedopwe; man thek bimio mugisa igi gigi ni kume, man gibiluli ni kume.

Ezekiel 20:5

man iwac igi kumae, Rwoth Yehova wacu kumae: I nindo m’agoyo ie wi Israel, man akwong’o ni kodhi mi ot pa Yakobo, man ang’eira igi i ng’om Misiri, kinde m’akwong’o igi, m’awacu kumae, An a Yehova Mungu mu;

Daniel 10:5

Ating’o wang’a malu, man aneno, man, nen, ng’atu moko m’uronyo bongu ma nwang’, ma piere bedo atwia ku mola ma kwar ma leng’ mir Ufaz:

Daniel 11:13

E ubimo ma yor ariwa ma malu bidok, man ebiwodho udul ma dit ma sagu ma kwong’a; man ebibino i kajik mi nindo, en e rundi, ku njuru asikari ma dit man ku lonyo ma dit.

Daniel 12:6

Man ng’atu acel uwacu ni ng’atu m’uronyo bongu ma nwang’, ma ni wi pi mi kulo kumae, Kajik mi musana maeni bibedo rokani?

Daniel 12:8

Man awinjo, ento ang’eyo ngo: alund awacu kumae, E rwoth para, kajik mi gin maeni bibedo ang’o?

Daniel 4:31

Kinde ma lembe ni i dhu ubimo, dwal upodho kud i polo, uwacu kumae, E ubimo Nebukadnezar, eyere iri kumae: Ker uai kud i beng’i:

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Daniel 7:21

Aneno, e tung maeno timo ali ku jumaleng’, man esagugi;

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Daniel 8:14

Man ewacu ira kumae, Cil i nindo mir uthieno ku kugweno rubanga ario ku dak adek; ka jubilund lonyo kamaleng’.

Daniel 8:24

Man tego pare bibedo tek, ento ku tego pare gire ngo; man ebinyotho piny ma wang’u ijo, e lembe bibedo miero ire man ebitimo kayeny pare; man ebinyotho jutego ku dhanu ma leng’.

Luka 21:14

Ka kumeno wuketh adundewu cungi, nia iwu bilar pido ngo maram wulok ko lembe:

Luka 21:24

Man gibipodho ku lak palamularu, jubipeyogi de ni ayeki i thek ceke: Yerusalem de Thekdhanumange binyone, maram nindo mi Thekdhanumange bitimbre ko kakare.

Poi Mi Cik 26:19

man kara edodi malu wi thek ceke m’etimo, ni pak, man ni nying’, man ni yung: man kara ibed dhanu ma leng’ ni Yehova Mungu peri, calu eyero.

Poi Mi Cik 32:36

Kum Yehova bipoko lembe mi dhanu pare, Man ebiloko cwinye gire kum jutic pare; Kinde m’eneno nia tego migi rwinyo, Man moko mbe m’udong’, ma juciko bang’e kadi ma bang’e thwolo.

Poi Mi Cik 32:40

Kum ating’o cinga yor i polo, Man awacu kumae, Calu abedo kwo mi nja,

Poi Mi Cik 7:6

Kum in i dhanu ma leng’ ni Yehova Mungu peri: Yehova Mungu peri goyo wii kara ibed dhanu ni piny pare gire, ma sagu kodhidhanu ceke ma gini i wang’ ng’om.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

Lembanyutha 12:14

Man jumio bomb acur ma dongo ario ni dhakune, kara ering i yamba i kakare, ka ma jugwoke i ie pi nindo, man ungu nindo, man ng’et nindo, kud i wang’ thwol.

Lembanyutha 12:6

Man dhakune ringo i yamba, ka ma kaka ma Mungu yiko ire ni i ie, kara jugwoke kuca ceng’ rubanga acel ku dak ario ku pier abusiel.

Lembanyutha 13:5

man jumio ire dhok ma yero gin ma dit ku lembacidi; jumio ng’ol de ire m’etim ko tic pare dwi pier ang’wen wi ario.

Lembanyutha 4:10

judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,

Lembanyutha 4:9

Man ka yedi ma kwo bimio dwong’ ku yung ku foyofoc ni ng’atu m’ujany wi komker, ni ng’atu m’ubedo kwo rondo ku rondo,