Daniel 12:4 - The Holy Bible In Alur (Lur) Revised Orthography

⁴ Ento in, E Daniel, cik dhu lembene, man imwon ayi kum kitabu, cil i nindo mi kajikne: dupa biringo kun ku kun, man ng’eyong’ec bimedre.

Daniel 12:4 ပူးပေါင်းရင်းမြစ်များ

Isaya 11:9

Gibitimo rac kadi nyotho de ngo kum got para ma leng’ ceke; kum ng’om bibedo pong’ ku ng’eyong’ec pa Yehova, calu pi umo ng’om.

Isaya 29:11

Man ginmawokiwang’ ceke doko iwu calu kitabu ma jumwono kud ayi, ma dhanu mio ni ng’atu m’ung’eyo lembagora, giwacu kumae, Akwei, som maeni; man ewacu kumae, Acopo ngo, kum jumwono ayi i kume:

Isaya 30:26

Mange ke der mi dwi bibedo calu der mi ceng’, man der mi ceng’ jubimedo wang’ abiro, calu der mi ceng’ abiro, i ceng’ ma Yehova twio ie wang’ lero mi dhanu pare, man m’ecangu ie goc mi rem migi.

Isaya 32:3

E wang’ ju m’uneno bibedo via via ngo, man ith ju m’uwinjo biwinjo.

Isaya 8:16

Twi lembatuca, mwon ayi kum cik kind julubna.

Yeremia 5:1

Wuring kun ku kun kud i gengi mi Yerusalem, man wunen kawono, wung’ei de, man wuyeny i ka ma lacne, tek wucopo nwang’u dhanu, tek ng’atu moko nuti ma timo pwe, m’uyenyo lemandha; e abiweko ire woko.

Daniel 10:1

I rundi mir adege pa Kuro m’ubimo mir Ajemi gin moko nyuthre ni Daniel, ma julwong’o nyinge Beltecazar; ginduni en e andha, en e ali ma dit: man eng’eyo ginduni, man eng’eyo ginmawokiwang’.

Daniel 10:14

Kawono abino kara aketh ing’ei gin ma biwok ma cen kum juthu; kum ginmawokiwang’ne fodi en e mi nindo dupa.

Daniel 10:21

Ento abiyero iri maeno m’ukieure i lembagora mi lemandha: man ng’atu moko mbe m’ubedo ku tegocwiny karacelo kuda kum ju maeni ndhu Mikael ma jaditmawijo mu.

Daniel 11:33

Man ju ma riek i kind dhanu gibiponjo dhanu dupa; ento gibipodho ku palamularu man ku lebmac, ku ng’eca man kud ayeki, ceng’ dupa.

Daniel 11:40

Man i nindo mi kajikne ubimo ma yor ariwa ma piny bipiembre gikude; man ubimo ma yor ariwa ma malu bibino i kume calu vira, ku magali, man ku weg riuni, man ku combo dupa; man ebimondo i ng’om maeno, man ebiumo piny man ebikadhu kud i ie.

Daniel 12:13

Ento cidh peri cil i kajikne; kum ibiyom, man ibicungo, i makapiny peri, i kajik mi ceng’.

Daniel 12:5

E an a Daniel, alund aneno, man, nen, ju ario mange cungo, ng’atu acel dhu kulo ma yo kuni, ng’atu mange ke dhu kulo ma yo kuca.

Daniel 12:9

Man ewacu kumae, Cidh i yo peri, Daniel; kum lembene juciko dhoge man jumwono ayi i kume cil i nindo mi kajikne.

Daniel 8:17

Kum kumeno ecoro ceng’ni ka m’acungo i ie; e kan etundo, lworo maka, man apodho arieba wang’a: ento ewacu ira kumae, Dong’ ing’ei, E wod dhanu; kum ginmawokiwang’ en e mi nindo mi kajikne.

Daniel 8:19

Man ewacu kumae, Nen, abiketho ing’ei gin ma biwok i nindo ma cen mi kwinyo; kum en e mi nindo ma juketho mi kajikne.

Daniel 8:26

Man ginmawokiwang’ mir uthieno ku kugweno ma juyero en e andha: ento cik ginmawokiwang’; kum en e mi ceng’ dupa ma bibino.

Matayo 24:14

Man lembanyong’a maeni mi ker jubiyero i ng’om ngung’ ni lembatuca ni thek ceke; e kajik bilund wok.

Jurumi 10:18

Ento awacu kumae, Giwinjo ngo? Eyo, andha, Dwandgi meny i ng’om ceke, Lembe migi de tundo cil i kajik mi ng’om.

Lembanyutha 10:4

Man ka morpolo abiro weco ku dwandgi, ayenyo nik agor: man awinjo dwal uai i polo wacu kumae, Mwon ayi kum lembe ma morpolo abiro wacu, kud igorgi agora.

Lembanyutha 22:10

Man ewacu ira kumae, Kud imwon ayi kum lembe mi lembila mi kitabu maeni; kum nindo dhingo.

Lembanyutha 5:1

Man aneno kitabu, ma jugoro ie ku yor i ng’eye de, m’emwondre ki kud ayi abiro, i cing’ ng’atu m’ujany wi komker ca ma yor acwic.