Daniel 12:3 - The Holy Bible In Alur (Lur) Revised Orthography

³ Man ju ma gi riek gibirieny calu der mir apokapiny; man ju m’uloko dhanu dupa ba bedopwe ke calu cero rondo ku rondo.

Daniel 12:3 ပူးပေါင်းရင်းမြစ်များ

Ai 34:35

E nyithindho mir Israel uneno wang’ Musa, nia dend wang’ Musa rieny; e Musa umo wang’e kendo ku bongu, maram emondo ko niweco kude.

Lembrieko 11:30

Nying’ ng’atu ma pwe en e yen mi kwo; Man ng’atu ma riek ketho dhanu both.

Lembrieko 3:35

Jurieko binwang’u dwong’ ni aba; Ento dodri mi jukusegu bibedo ni lewic.

Lembrieko 4:18

Ento yo mi ju ma pwe calu der mi rupiny, Ma cikusagre asaga ku rieny cil kum ceng’ ma cu.

Eklizia 12:9

Man kendo, kum Jayerlembe riek, eponjo dhanu asu ku ng’eyong’ec; eyo, ie pido, man eyenyo, man ethelo lembrieko dupa.

Isaya 53:11

Ebineno sendri mi ng’eyong’ec pare, e cwinye bikwio: ni kum ng’eyong’ec pare gire jatic para ma pwe bigonyo lembe ma wi dhanu dupa; man ebiyeyo kier migi.

Yeremia 23:22

Ento tek gicungo i lembapora para, kuno di giketho dhanu para winjo lembe para, man kuno di gilokogi kud i yo migi ma rac, man kud i dubo mi giratima migi.

Daniel 11:33

Man ju ma riek i kind dhanu gibiponjo dhanu dupa; ento gibipodho ku palamularu man ku lebmac, ku ng’eca man kud ayeki, ceng’ dupa.

Daniel 11:35

Man jumoko mi kind ju ma riek bipodho, kara judwokgi leng’, man kara julonygi, man judwokgi tar, cil i nindo mi kajikne; kum fodi en e mi nindo ma jung’olo.

Daniel 12:10

Dhanu dupa gibidwokri leng’, man gibidwokri tar, man jubimulo igi; ento judubo gibitimo dubo; man ng’atu moko mbe ma kind judubo ma bing’eyo thelembe; ento ju ma gi riek gibing’eyo thelembe.

Matayo 13:43

Weg bedopwe bilund rieny pami ceng’ i ker pa Weggi. Ng’atu ma ithe nuti wek ewinji.

Matayo 19:28

E Yesu wacu igi kumae, Andha awacu iwu, Nia wun ma wulubo ng’eya, i nyol ma nyen ka Wod dhanu bijany wi komker mi dwong’ pare, wun bende wubijany wi komker apar wi ario, ma wupoko ko lembe ni suru apar wi ario mir Israel.

Matayo 24:45

Ka kumeno ng’a ma jamiru mandha ma riek de, ma rwoth pare kethe wi juode, ya emi igi cemo migi i nindone?

Yohana 4:36

Ng’atu m’ukayu enwang’u sukulia, man ecoko nying’ ni kwo ma rondo ku rondo; kara ng’atu m’ucoyo ku ng’atu m’ukayu de anyong’a neggi karacelo.

Yohana 5:35

En e thala m’uliel m’urieny de; man wuyio ya anyong’a negwu mi nindo moko i der pare.

Tic Mi Jukwenda 13:1

Nwang’u i kanisa ma Antiokia, jubila pa Mungu ku juponji de ginuti, Barnaba, man Simeon ma julwong’o Niger, man Lukio ma Kurene, ku Manaen m’umin m’apidha pa Herode ma jabim, man Saul.

1 Jukorinto 3:10

Calku bero pa Mungu ma jumio ira, acaku there ve jabodho ma riek m’ugomo ot; ng’atu mange de begomo yor i wie. Ento wek ng’atuman unen cu ram ebegomo ko yor i wie.

Juefeso 4:11

Man emio jumoko ya gibed jukwenda; jumoko ke, jubila; jumoko ke, juyer lembanyong’a ma juboth ko; jumoko ke, jugwok kanisa man juponji;

Juebrania 5:12

Kum ni kum nindo emaku wubed juponji, ento wuyenyo ya ng’atu moko ponjwu kendo ku ponji ma kwong’a mi lembatheka mi wec pa Mungu; man wudoko ni wagi ju ma can cak negogi, man cam m’alili re ngo.

2 Petro 3:15

Man wukwan nia mwonyolembe ma Rwoth mwa mwonyo hai en e both; cil calu umegwa ma jamer Paolo bende, calku rieko m’umire ire, ugoro iwu;

Lembanyutha 1:20

giramung’a mi cero abiro m’ineno i cinga ma yor acwic, man mi thethala abiro mi mola ma kwar. Cero abirone gi malaika mi kanisa abiro: man thethala abirone gi kanisa abiro.

Jupoklembe 5:31

Dong’ judegi peri ceke ginyothri kumeca, E Yehova: Ento dong’ ju m’umare gibed calu ceng’ kan ewok i tego pare. Man ng’om ukwio rundi pier ang’wen.