Daniel 12:2 - The Holy Bible In Alur (Lur) Revised Orthography

² Man dupa mi ju m’unindo i utur mi ng’om gibiceu, jumoko mi kwo ma rondo ku rondo, man jumoko mi lewic ku cac ma rondo ku rondo.

Daniel 12:2 ပူးပေါင်းရင်းမြစ်များ

Lembrieko 12:8

Jubifoyo dhanu calku rieko pare; Ento jubicayu ng’atu ma kit adundene mbe.

Isaya 26:19

Avu peri bibedo kwo; avu para gibicer. Wuceu man wuwer wer, wu ju m’ubedo i utur; kum thoi peri en e calu thoi mir uboko, e ng’om biwodho avu.

Isaya 66:24

E gibiwok woko, man gibineno wi avu dhanu m’udubo ira: kum ukoko migi bitho ngo, kadok mac migi de binegre ngo; man gibibedo ni ginmajudagu ni weg kum ceke.

Yeremia 20:11

Ento Yehova ni karacelo kuda calu ng’atu ma jatego man jang’oindiri: ka kumeno jusendna bikier, e gibisagu ngo; e lewic bimakugi ma gwei, kum gitimo ku rieko ngo, en e ku jwigri mi nja ma wijo biwil pire Ici ngo.

Ezekiel 37:12

Ka kumeno cu lembe, man iwac igi kumae, Rwoth Yehova wacu kumae: Nen, abiyabu liel mu, man abiketho wuai malu kud i liel mu, E dhanu para; man abikelowu i ng’om mir Israel.

Hoseya 13:14

Abiwarugi kud i tego mi liel: abiwarugi kud i tho: E tho, masendi peri ni kani? E liel, nyoth peri ni kani? lokocwiny bibedo apana ni wang’a.

Matayo 25:46

E joni gibicidho migi i masendi ma rondo ku rondo: ento weg bedopwe i kwo ma rondo ku rondo.

Tic Mi Jukwenda 24:15

m’abedo ku genogen yo ba Mungu, ma gin gi joni bende gigeno, nia cer ma jucer ko bibedo nuti ni weg bedopwe ku ni weg bedopwe ngo de.

Tic Mi Jukwenda 7:60

E erum piny, man ekok ku dwande ma tek kumae, Rwoth, kud iketh dubo maeni i kumgi. E kinde m’eyero maeni, enindo.

Jurumi 9:21

Kadi jacwiagulu tego pare mbe kum ulobo, ma ku lungu ulobo acel ecwio ng’ete kucel ni agulu mi yung, ku ng’ete kucel ke agulu m’umbe yungi?

1 Jutesaloniki 4:14

Kum tek wayio nia Yesu tho man ecer kendo, kumeno ju ma ginindo i Yesu bende Mungu bikelogi gikugi.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.