Daniel 12:10 - The Holy Bible In Alur (Lur) Revised Orthography

¹⁰ Dhanu dupa gibidwokri leng’, man gibidwokri tar, man jubimulo igi; ento judubo gibitimo dubo; man ng’atu moko mbe ma kind judubo ma bing’eyo thelembe; ento ju ma gi riek gibing’eyo thelembe.

Daniel 12:10 ပူးပေါင်းရင်းမြစ်များ

Zaburi 107:43

Ng’atu ma tek e riek ebiparu pi gin maeni; Man igi bipido pi mer mi bero pa Yehova.

Zaburi 51:7

Dwoka leng’ kud alagi, man abibedo leng’: Lwoka, man abibedo tar sagu pei.

Lembrieko 1:5

Kara jarieko winji, man emed ponjo lembe; Man kara won ng’eyothelembe utund kum lembapora ma cu

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Ezekiel 36:25

Man abikiro pi ma leng’ i kumwu, e wubibedo leng’: abidwokowu leng’ ni cilo mu ceke, man ni mungu m’araga mu ceke.

Ezekiel 47:11

Ento ka codhone, ku ka kutotolune, jubicangu ngo; jubimiogi mi kadu.

Daniel 11:33

Man ju ma riek i kind dhanu gibiponjo dhanu dupa; ento gibipodho ku palamularu man ku lebmac, ku ng’eca man kud ayeki, ceng’ dupa.

Daniel 11:35

Man jumoko mi kind ju ma riek bipodho, kara judwokgi leng’, man kara julonygi, man judwokgi tar, cil i nindo mi kajikne; kum fodi en e mi nindo ma jung’olo.

Daniel 12:3

Man ju ma gi riek gibirieny calu der mir apokapiny; man ju m’uloko dhanu dupa ba bedopwe ke calu cero rondo ku rondo.

Hoseya 14:9

Ng’a ma riek, kara eng’ei thelembe mi gin maeni? won pidoic, kara eng’eigi? kum yo pa Yehova en e atira, man won bedopwe biwotho i igi; ento weg kier bipodho i ie.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Malaki 3:3

man ebibedo calu jabodho ma wang’u man jadwok mola ma tar leng’, e ebidwoko wot Lawi leng’ man ebidwokogi leng’ calu judwoko mola ma kwar ku mola ma tar leng’; e gibithiero girathiera ni Yehova i bedopwe.

Marko 4:11

Man ewacu igi kumae, Giramung’a mi ker pa Mungu jumio iwu: ento ni ju ma gini woko, gin ceke timbre ku lembabola:

Luka 24:25

Man ewacu igi kumae, E wun ma wun adhura, ma adundewu galu ku yio lembe ceke ma jubila yero!

Yohana 18:37

Pilato lund uwacu ire kumae, Kara in i ubimo? Yesu loko lembe kumae, Iyero dhe nia an a ubimo. Junyola pi maeni, man abino i ng’om de pi maeni, kara anyuth pi lemandha. Ku ba dhanu ceke ma mi lemandha winjo dwanda.

Yohana 7:17

Tek ng’atu moko yenyo etim yeny ma ie yenyo, ebing’eyo pi ponjine, tek en e pa Mungu, kadi ayero gira.

Yohana 8:47

Ng’atu ma en e pa Mungu ewinjo lembe pa Mungu: kum lembe nini wuwinjo ngo, kum wu pa Mungu ngo.

1 Jukorinto 6:11

Jumoko m’i kindwu de naka gi wagi ju ma kumeni: ento julwokowu, ento judwokowu leng’, ento lembe m’i wiwu gonjre i nying Rwoth Yesu Kristu, man i Tipo pa Mungu mwa.

2 Jukorinto 7:1

Ka kumeno, jumer, wan ma wabedo ku lembang’ola maeni, dong’ walwokra giwa ni cilo ceke mi kum ku mi tipo, ma wadwok ko leng’cwiny udok ndhu cu i lworo pa Mungu.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 12:10

Kum gin andha giponjowa mi nindo moko calu ebedo ber i wang’gi; mana en re pi kuloka mwa, kara wabed jugam leng’cwiny pare.

1 Petro 1:22

Kum wudaru dwoko adundewu leng’ i woro mu ma ba lemandha ni mer mir umego ma abombi mbe i ie, dong’ wumeru k’amora ku i adunde:

1 Petro 1:7

kara mulo yioyic mu, ma pire tek ma sagu mola ma kwar ma nyothre kadok jumule ku mac, junwang’e ni pak ku dwong’ ku yung i nyuth pa Yesu Kristu:

1 Yohana 5:20

Wang’eyo de nia Wod Mungu bino, emio iwa ng’eyong’ec de, kara wang’ei ng’atu ma en e mandha, wabedo de i ng’atu ma en e mandha, ndhu i Wode Yesu Kristu. Maeni Mungu mandha, ku kwo ma rondo ku rondo.

Lembanyutha 16:11

man gicido Mungu m’i polo kum remokum migi ku vur migi; man giloko cwinygi de ngo kum tic migi.

Lembanyutha 19:14

Man njuru asikari m’i polo gilubo ng’eye ku wi riuni ma tar, ma gironjri ku bongru ma nwang’ ma nwe nwe, ma tar ma leng’ de.

Lembanyutha 19:8

Man emire ire nia eronjre gire ku bongu ma nwang’ ma nwe nwe, ma riang’ni, ma leng’ de: kum bongu ma nwang’ ma nwe nwe en e tic mi bedopwe mi jumaleng’.

Lembanyutha 22:11

Wek ng’atu m’ugondre, utim gin m’ugondre asu: ng’atu m’ucido de, wek juketh ecid asu: man ng’atu ma pwe, wek etim bedopwe asu: man ng’atu maleng’, wek juketh ebed leng’ asu.

Lembanyutha 3:18

amio iri rieko nia ing’ieu mola ma kwar i bang’a m’uwang’ i mac, kara idok m’i lony; ku kendi ma tar, kara ironjri, kara lewic mi muneru peri kud unen: man mo m’i wang’ de m’iwir ko weng’i, kara inen.

1 Samwil 24:13

Calu lembayera mi ju ma con uwacu kumae, Dubo wok woko ku i judubo; ento cinga bibedo i kumi ngo.