Daniel 12:1 - The Holy Bible In Alur (Lur) Revised Orthography

¹ Man i nindo maeca Mikael bicungo, jaditmawijo ma dwong’ m’ucungo kum juthu; man nindo mi masendi bibedo nuti, ma fokuwok ungo ugambre i thekri mi thek cil i nindo nino m’ubino: man i nindo maeca jubibodho juthu, ku ba dhanu ceke ma junwang’u egore i kitabu.

Daniel 12:1 ပူးပေါင်းရင်းမြစ်များ

Zaburi 56:8

Ikwanu tagu para: Keth piwang’ para i cupa peri; Gini i kitabu peri ngo

Zaburi 69:28

Wek juyweigi woko ku i kitabu mi kwo, Man ku jugorgi karacelo ku weg bedopwe.

Isaya 4:3

Man ebitimbre, nia ng’atu m’udong’ i Sayuni, ku ng’atu m’udong’ i Yerusalem, jubilwong’o leng’, en e ku ba dhanu ceke ma jukiewoi kind ju ma kwo i Yerusalem;

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 30:10

Ka kumeno kud ilwor, E Yakobo ma jatic para, Yehova wacu; kadok cwinyi de kud ung’abre, E Israel: kum, nen, abibodhi ku bor, man kodhini kud i ng’om mi ng’eca migi; e Yakobo bidwogo, man ebibedo museme man yo, man ng’atu moko mbe ma binyayu lworo i ie.

Yeremia 30:7

Akayo! kum ceng’ maeca e dit, ketho nia moko mbe ma calu en: en e nindo mi sendri pa Yakobo; ento ebiboth kud i ie.

Ezekiel 13:9

Man cinga bibedo kum jubila m’uneno ginmawokiwang’ mi ndra, man m’ung’eyo ndra: gibibedo i kind juporlembe mi dhanu para ngo, kadi jubikiewogi de ngo i lembakiewa mi ot mir Israel, kadi gibimondo i ng’om Israel de ngo; e gibing’eyo nia an a Rwoth Yehova.

Ezekiel 34:24

E an, an a Yehova, abibedo Mungu migi, man jatic para Daudi bibedo jaditmawijo i kindgi; an, an a Yehova, ayero maeni.

Ezekiel 5:9

Man abitimo i kumi gin ma fodi atimo ngo, man wadi m’abitimo kendo ngo, kum ginmajudagu peri ceke.

Daniel 10:13

Ento jaditmawijo mi ker mir Ajemi jai ira ceng’ pier ario wi acel; ento, nen, Mikael, ng’atu acel ma kind judongomawijo ma gi judongo, ebino kara ekonya: man adong’ keca kud ubimo mir Ajemi.

Daniel 10:21

Ento abiyero iri maeno m’ukieure i lembagora mi lemandha: man ng’atu moko mbe m’ubedo ku tegocwiny karacelo kuda kum ju maeni ndhu Mikael ma jaditmawijo mu.

Daniel 11:45

Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Daniel 7:10

Kulo mi mac ukadhu uai i wang’e: rubanga mi rubanga gitimo ire, man rubanga apar bang’ rubanga apar gicungo i wang’e: e juketho pokolembe, man juyabu kitabu.

Daniel 9:12

Man etimo lembe pare kakare, m’eyero i kumwa, man i kum jupoklembe mwa ma gipoko lembe i wiwa, ku kelo lembe ma’rac dit i wiwa; kum the polo ceke gin moko mbe m’utimbre calu m’utimbre kum Yerusalem.

Yoel 2:2

ceng’ mi mudho man mi piny ma gbuku, ceng’ mir afuru man mi mudho ma mbitu, calu piny ma ru moire wi gudi; dhanu ma dongo ma jutego de; fodi gibedo calu maeni ngo, kadok yo ng’eigi de bibedo kumeni ngo cil i rundi mi dhanum’utuk dupa.

Malaki 3:16

Ju ma lworo Yehova gilund giwecri i kindgi; e Yehova ciko ithe, man ewinjo, e kitabu mi poi ukieure i wang’e, pi ju ma lworo Yehova, man pia igi pido pi nyinge.

Matayo 24:21

kum i nindo maeno masendi ma dit bibedo nuti, ma wagi maeno fokuwok ungo ugambre i thekri mi ng’om cil ku kawono de, ungo, kadi cil rondo ku rondo de biwok ungo.

Marko 13:19

Kum masendi bibedo nuti i ceng’ maeno, ma wagi maeno ubedo umbe ugambre i thangambere mi giracwia ma Mungu cwio cil ku kawono nini de, man ebibedo nuti kendo de ngo.

Luka 10:20

Ento anyong’a kud unegwu kum maeni, nia tipo gibedo wor iwu; ento anyong’a negwu kum nyingwu gore i polo.

Jurumi 11:15

Kum tek cor ma jucoro kogi cen en e pot ma jupoto ko ng’om, joi ma jujolo kogi ke bibedo girang’o, ndhu kwo ngo m’uai ba ju m’utho?

Jurumi 11:26

man ku meno Israel ceke biboth: cil calu egore kumae, Jagony bibino m’ebiai i Sayuni; Ebikabu gin ma ayi Mungu mbe i kume kum Yakobo:

Juefeso 1:21

malu ngbir wi bimobim, ku ng’ol, man tego, ku kero, man wi nying’ ceke kubang’gi kubang’gi ma jucaku, i ng’om maeni kende ngo, ento i maeno ma bibino bende;

Jufilipi 4:3

Eyo, akwei ma tek bende, jatic ma ku mberembere andha, kony mon maeni, kum wamula ku tic wakugi i lembanyong’a ma juboth ko, ku Klement bende, man jutic wada m’udong’ de, ma nying’gi ni i kitabu mi kwo.

Yuda 1:9

Ento Mikael ma en e malaika ma jadit, kinde ma gi-ii giku wonabau epiemo pi kum Musa, cwinye tek ungo m’ekelo ko lembapoka mi cac i wie, ento ewacu kumae, Dong’ Rwoth ujuki.

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 12:7

Man ali ni i polo: Mikael ku malaika pare gibecitimo ali ku ng’ec; ng’ec de gikiedo man malaika pare;

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.

Lembanyutha 20:15

Man tek ng’atu moko junwang’u nyinge kugore i kitabu mi kwo ngo, jubaye i nammac.

Lembanyutha 3:5

Ng’atu m’uloyo bironyo kendi ma tar kumeni; man abiruco nyinge woko kud i kitabu mi kwo ki ngo, man abituco nyinge i wang’ Vwa, kud i wang’ malaika pare.

Lembanyutha 7:14

Man awacu ire kumae, Rwoth para, ing’eyo. Man ewacu ira kumae, Maeni gi ju m’uai i masendi ma dit, man gilwoko kendi migi, gidwokogi tar de i rimo pa Nyathi Rombo.