Daniel 11:45 - The Holy Bible In Alur (Lur) Revised Orthography

⁴⁵ Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Daniel 11:45 ပူးပေါင်းရင်းမြစ်များ

Zaburi 48:2

Leng’ i kadongone, mutoro mi ng’om yu, En e got Sayuni, i ng’ete ma yor ariwa ma malu, Adhura p’Ubimo ma dwong’.

Isaya 10:12

Kum kumeno ebitimbre, nia, kinde ma Rwoth utimo tic pare ceke wi got Sayuni man kum Yerusalem, e abisendo nying adunde ma tek mir ubimo mir Ascur, man dwong’ mi nen pare ma malu.

Isaya 11:9

Gibitimo rac kadi nyotho de ngo kum got para ma leng’ ceke; kum ng’om bibedo pong’ ku ng’eyong’ec pa Yehova, calu pi umo ng’om.

Isaya 14:13

Man iwacu yor i adundeni kumae, Abiidho i polo, abidodo komker para wi cero pa Mungu; man abijany wi got mir udul, i ng’et kajik ma yor ariwa ma malu;

Isaya 2:2

Man ebitimbre i nindo ma cen, nia got mi ot pa Yehova bicungo wi usimbru gudi, man jubidode wi ungulu gudi; e thek ceke bicidho i bang’e.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Isaya 65:25

Urudi ku nyathi rombo bicamu karacelo, man umvor bicamu soka calu koni dhiang’; e utur bibedo cemo mi thwol. Gibitimo rac ungo kadi nyotho de ngo wi got ma leng’ para ceke, Yehova wacu.

Isaya 66:20

E gibikelo utumegwu ceke kud i thek ceke ni girathiera ni Yehova, wi riuni, man i magali, man i Icipoi, man wi kana, man wi ngamia, ba got para ma leng’ Yerusalem. Yehova wacu, calu nyithindho mir Israel ukelo girathiera migi i agulu ma leng’ i ot pa Yehova.

Ezekiel 39:2

man abiloki cen, man abitelo wii, man abiketho iidh malu ku ba ng’et ng’om ma wi tung’ mi yor ariwa ma malu; man abikeli wi gudi mir Israel;

Daniel 11:16

Ento ng’atu m’ubino i kume bitimo calu ie yenyo gire, e ng’atu moko mbe ma bicungo i wang’e; man ebicungo i ng’om ma ber, man nyoth bibedo i cinge.

Daniel 11:41

Ebimondo bende i ng’om ma ber, man ng’om dupa biredhre; ento jubibodho maeni kud i cinge: Edom, ku Moab, man nyithindho pa Amon ma dongo.

Daniel 11:44

Ento rwonglembe m’uai yo nyangu ku yor ariwa ma malu bing’abu cwinye; man ebiwok ku kwinyo ma dit kara enyoth man ekab dhanu dupa woko.

Daniel 2:35

E nyunyu, kud ulobo, ku mola, man mola ma tar, ku mola ma kwar, ulund ung’eny nziki nziki karacelo, man edoko calu cung’ ma wi lelacam mi dwij lietho; e yamu dunye ceke, ketho kakagi nwangre ngo igi: man kidi m’ugoyo ayi gin m’acwiane doko ni got ma dit, man epong’o ng’om yu.

Daniel 7:26

Ento jubiketho pokolembe, man jubikabu bimobim pare woko, kara girwinye ginyothe cil i kajikne.

Daniel 8:25

Man ni kum lembapida pare ebiketho abombi bed miero i cinge; man ebiyungre gire i adundene, man ebinyotho dupa i bedo migi ma museme: man ebicungo bende kum jaditmawijo mi judongomawijo; ento ebitur ma ku cing’ ungo.

Daniel 9:16

E Rwoth, calku bedopwe peri ceke, akwei, dong’ iwek ng’ecwiny peri ku kwinyo peri lokre woko ku kum adhura peri Yerusalem, got peri ma leng’; kum ni kum dubo mwa, man ni kum dubo pa wegwa, Yerusalem ku dhanu peri gidoko ni cac ni dhanu ceke m’utiekowa gbur.

Daniel 9:20

Man kinde m’abeweco, man aberwo, abetuco dubo para ku dubo mi juthuwa Israel, ku wodho kwac para i wang’ Yehova Mungu para pi got ma leng’ pa Mungu para;

Yoel 2:20

ento abicoro njuru asikari ma yor ariwa ma malu cen kud i kumwu, man abirieme i ng’om ngele man uvuru, kume m’utelo yo i nam ma yo nyangu, man kume m’udong’ cen i nam ma yo reto; e ng’wice ma rac biduny, man ng’wice ma rac biidho malu, kum etimo gin ma dit.

Mika 4:2

Man thek dupa bicidho man gibiwacu kumae, Wubin, wacidhu waidhu ba got pa Yehova, man ba ot pa Mungu pa Yakobo; e ebiponjo wa ku yo pare, man wabiwotho i yo pare. Kum cik biwok kud i Sayuni, man lembe pa Yehova kud i Yerusalem;

Zekaria 14:8

E ebitimbre i ceng’ maeca, nia pi mi kwo biai kud i Yerusalem: ng’ete kucel yo ba nam ma yo nyangu, ng’ete mucelo ke yo ba nam ma yo reto: ebibedo i nindo mi lietho man i nindo mi koyo.

Kitabu Mir Ang’wende Pa Musa Wel 34:5

man kieu bilokre ku ba Azmon tundo ba kulo mi Misiri, man kawokne bibedo dhu nam.

2 Jutesaloniki 2:4

en m’ejai etingre gire kum gin ceke ma julwong’o ya Mungu kadi ma jurwo i bang’gi de; ketho ebedo i hekalu pa Mungu, m’ekethre gire ya en e Mungu.

2 Jutesaloniki 2:8

E jaco nino bilund nyuthre, ma Rwoth Yesu binege ku lietho m’i dhoge, man ebidwoke mananu ku nyuth mi bino pare:

Lembanyutha 13:10

Tek ng’atu moko en e jathebkol, e ecidho i kol: tek ng’atu moko binego ku palamularu, en de jubikonege be ku palamularu. Twiocwiny ku yioyic mi jumaleng’ ni keni.

Lembanyutha 20:2

Man emaku ng’ec, ma thwol ma con, ma en e Wonabali ku Jok, man etwie mi rundi rubanga acel,

Lembanyutha 20:9

Man giidho malu gicori wi kalac mi ng’om, man gitieko kagonjo mi jumaleng’, kud adhura ma jumaru de: e mac uai i polo loro piny, man ecamugi.