Daniel 11:36 - The Holy Bible In Alur (Lur) Revised Orthography

³⁶ Man ubimo bitimo calu ie yenyo; man ebiyungre gire, man ebikethre dwong’ wi mungu kubang’gi ceke, man ebiyero lembe ma wang’uic kum Mungu mi mungu; man lembe pare bibedo miero cil ma ng’ecwiny bithum ko; kum maeno m’ukethre ebitimbre.

Daniel 11:36 ပူးပေါင်းရင်းမြစ်များ

Zaburi 136:2

A wufoi Mungu mir udul mungu; Kum mer mi bero pare bedo mi nja.

Zaburi 33:10

Yehova thiro lembapora mi thek; Eketho pidoic mi kodhidhanu doko mananu.

Lembrieko 19:21

Lembapora dupa ni i adunde dhanu; Ento lembapora pa Yehova, e ma bicungo.

Isaya 10:23

Kum Rwoth, Yehova mir udul, bitimo kajik ma pong’, ma jukeco, i die ng’om ngung’.

Isaya 10:25

Kum fodi nindo dong’ nyandwikili, e kwinyo bitimbre kakare i kumi, man ng’ecwiny para kum nyoth pare.

Isaya 10:5

E Jaascuri, in i uluth mi ng’ecwiny para, in i dul ma kwinyo para ni i cingi!

Isaya 14:13

Man iwacu yor i adundeni kumae, Abiidho i polo, abidodo komker para wi cero pa Mungu; man abijany wi got mir udul, i ng’et kajik ma yor ariwa ma malu;

Isaya 14:14

abiidho wi landu afuru; abikethra gira calu Ng’atu ma Malu Ngbir.

Isaya 26:20

Wubin, dhanu para mond i kusika peri, man icik dhugola peri i wii: pond i nindo ma nyagwil, maram ng’ecwiny ukadh ko.

Isaya 30:33

Kum Kanyoth juyiko con; eyo, juyiko ni ubimo; etime thuth man lac; udhurune en e mac ku yen ma dit; yuyo pa Yehova, calu kulo mi muganga, ubecwinye.

Isaya 46:10

m’ubeyero kajik ugambre i thekri, man ugambre i nindo ma con gin ma fod’utimbre ngo; m’awacu kumae, Lembapora para bicungo, man abitimo gin m’amaru ceke;

Isaya 57:9

Man icidho bang’ ubimo ku mo, e imedo girang’wia peri, man ioro judhogi bor, man icidri giri cil i liel.

Ezekiel 28:2

Wod dhanu, wac ni jaditmawijo mi Turo kumae, Rwoth Yehova wacu kumae: Kum adundeni tingre malu, man iwacu kumae, An a mungu, abedo wi kom pa Mungu, i die nam; ento in i dhanu, man Mungu ngo, kadok iketho adundeni calu adunde Mungu;

Ezekiel 35:13

Man wutingru giwu i kuma ku dhogwu, man wumedo lembe mu i kuma: awinjo maeni.

Daniel 11:16

Ento ng’atu m’ubino i kume bitimo calu ie yenyo gire, e ng’atu moko mbe ma bicungo i wang’e; man ebicungo i ng’om ma ber, man nyoth bibedo i cinge.

Daniel 11:3

Man ubimo ma jatego bicungo, m’ebicamu ker ku bimobim ma dwong’, m’ebitimo de calu ie yenyo.

Daniel 11:37

Kadok, mungu pa weggi de ebiparu pigi ngo, kadi yeny mi mon de, kadi mungu moko de ebiparu pire ngo; kum ebidwokre gire dwong’ wi gin ceke.

Daniel 12:7

Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 4:35

man dhanu ceke m’ubedo wi ng’om jukwanugi calu gin moko ngo; man etimo calu ie yenyo i udul m’i polo, man kind ju m’ubedo i ng’om; man ng’atu moko mbe ma copo cero cinge, kadi ma wacu ire kumae, Itimo ang’o?

Daniel 5:19

man kum yung m’emio ire, kodhidhanu ceke, ku thek, man dhok, kumgi miel lworo de negogi i wang’e: m’eyenyo eneggi enego, m’eyenyo ewek ubed kwo eweko bedo kwo; ng’atu m’eyenyo edode edode, man ng’atu m’eyenyo ejwige ejwige.

Daniel 5:20

Ento kan adundene tingre malu, man cwinye doko tek ketho etimo ku kuhaya, jukabe ku wi komker mir ubimo, man jukabu dwong’ i bang’e:

Daniel 7:8

Ia pido pi tunge, man, nen, tunge mange ma nok uidho malu i kindgi, i wang’e tunge adek ma kwong’a jufudho kud ulaggi: man, nen, i tunge maeni wang’e nuti calu wang’ dhanu, man dhoge ubeyero gin ma dit.

Daniel 8:19

Man ewacu kumae, Nen, abiketho ing’ei gin ma biwok i nindo ma cen mi kwinyo; kum en e mi nindo ma juketho mi kajikne.

Daniel 8:4

Aneno nyog rombone ubegudo yo reto, man yor ariwa ma malu, ku yor ariwa ma piny; man yedi moko mbe ma copo cungo i wang’e, kadok gin moko de mbe ma copo bodho piny kud i cinge; ento etimo calu ie yenyo, man eyungre gire.

Zekaria 11:16

Kum, nen, abiting’o jakwac i ng’om, m’ebiliewo ju m’uthumbri woko ngo, kadok ayenya de abiyenyo maeno ma julalugi ngo, kadi ebicangu maeno m’utur de ngo, kadi ebikwayu maeno m’ubedo bo de ngo; ento ebicamu ring rombo m’ucwe, man ebiyeco kind tiendgi tung’ tung’.

Yohana 5:30

Acopo timo gin moko gira ngo: calu awinjo, e apoko lembe: man pokolembe para de pwe; kum asayu yeny ma ia yenyo ngo, ento yeny ma i ng’atu m’uora yenyo re.

Yohana 6:38

Kum aloro kud i polo piny, nitimo yeny ma ia yenyo an ungo, ento yeny ma i ng’atu m’uora yenyo re.

Tic Mi Jukwenda 4:28

ya gitim gin ma yang’ cingi ku lembapora peri gilar giketho ya bitimbre.

Poi Mi Cik 10:17

Kum Yehova Mungu mu, en e Mungu mi mungu, man Rwoth mi rwodhi, Mungu ma dwong’, ma jatego, man jang’oindiri, ma lworo wang’ dhanu ngo, kadi ma gamu jambng’om de ngo.

2 Jutesaloniki 2:3

kud wuyi ng’atu moko bombwu i yo moko ki: kum ceng’ nino biwok ungo, tek wingri kularuwok ungo, man ng’atu mi dubo de fokunyuthre ngo, ma en e wod nyoth,

2 Jutesaloniki 2:4

en m’ejai etingre gire kum gin ceke ma julwong’o ya Mungu kadi ma jurwo i bang’gi de; ketho ebedo i hekalu pa Mungu, m’ekethre gire ya en e Mungu.

2 Jutesaloniki 2:8

E jaco nino bilund nyuthre, ma Rwoth Yesu binege ku lietho m’i dhoge, man ebidwoke mananu ku nyuth mi bino pare:

Yocuwa 22:22

Ng’atu ma Jatego, Mungu, Yehova, Ng’atu ma Jatego, Mungu, Yehova, eng’eyo; e Israel ebing’eyo: tek en e i jai, kadi tek en e i kier kum Yehova (kud ilarwa i ceng’ maeni),

Lembanyutha 10:7

ento i ceng’ mi dwand malaika mir abirone, kinde m’eyenyo ekudh agwara, e giramung’a pa Mungu lund uthum, calku lembanyong’a m’eyero ni jumiru pare ma jubila.

Lembanyutha 12:14

Man jumio bomb acur ma dongo ario ni dhakune, kara ering i yamba i kakare, ka ma jugwoke i ie pi nindo, man ungu nindo, man ng’et nindo, kud i wang’ thwol.

Lembanyutha 13:1

Man ecungo wi kwio ma dhu nam. Man aneno yedi ai i nam, ma tunge apar wie ke abiro, man jamkermiwic apar ni wi tunge, man nying’ mir acidi ni i wie.

Lembanyutha 17:17

Kum Mungu ketho i adundegi nia gitim pidoie, man gidok ma pidoigi acel, man gimi ker migi ni yedi, cil ma lembe pa Mungu timbre ko kakare.

Lembanyutha 17:3

Man etera cen i Tipo cil i yamba: man aneno dhaku m’ubedo wi yedi ma kwar ngbo, m’epong’ ku nying’ mir acidi, ma wie abiro tunge ke apar.