Daniel 11:35 - The Holy Bible In Alur (Lur) Revised Orthography

³⁵ Man jumoko mi kind ju ma riek bipodho, kara judwokgi leng’, man kara julonygi, man judwokgi tar, cil i nindo mi kajikne; kum fodi en e mi nindo ma jung’olo.

Daniel 11:35 ပူးပေါင်းရင်းမြစ်များ

2 Lemkei 32:31

Ento i lembe mi jukwenda mi judongomawijo mi Babeli, m’uoro kwenda i bang’e kara gipenj pi gin ma wang’uijo m’utimbre i ng’om, Mungu weke, kara emul ie, kara eng’ei gin ceke ma ni i adundene.

Lembrieko 17:3

Agulu mi dwoko piny leng’ en e pi mola ma tar, man uka pi mola ma kwar; Ento Yehova ponjo adunde.

Isaya 27:9

Ka kumeno ku maeni kier pa Yakobo biwekre woko, man maeni en e nying’ ceke mi kabu dubo pare cen: nia edwoko kidi ceke mi pemblam calu kidi mi nunu ma juturo, ketho nia mungu m’araga kud ayi gin m’acwia mi ceng’ biai kendo ngo.

Daniel 11:27

Man pir ubimo ario maeni, adundegi bibedo mi timo gondri, man gibicwayu ndra dhu mesa acel: ento lembene bibedo miero ngo; kum fodi kajikne bibedo i nindo ma jung’olo.

Daniel 11:29

I nindo ma jung’olo ebidwogo, man ebibino yor ariwa ma piny; ento ebibedo i nindo ma cen ungo calu i nindo ma kwong’a.

Daniel 11:33

Man ju ma riek i kind dhanu gibiponjo dhanu dupa; ento gibipodho ku palamularu man ku lebmac, ku ng’eca man kud ayeki, ceng’ dupa.

Daniel 11:40

Man i nindo mi kajikne ubimo ma yor ariwa ma piny bipiembre gikude; man ubimo ma yor ariwa ma malu bibino i kume calu vira, ku magali, man ku weg riuni, man ku combo dupa; man ebimondo i ng’om maeno, man ebiumo piny man ebikadhu kud i ie.

Daniel 12:3

Man ju ma gi riek gibirieny calu der mir apokapiny; man ju m’uloko dhanu dupa ba bedopwe ke calu cero rondo ku rondo.

Daniel 12:4

Ento in, E Daniel, cik dhu lembene, man imwon ayi kum kitabu, cil i nindo mi kajikne: dupa biringo kun ku kun, man ng’eyong’ec bimedre.

Daniel 8:10

Man edoko dit, cil kum udul m’i polo; man ebolo moko mi kind udul man mi cero i ng’om, man enyonogi.

Daniel 8:17

Kum kumeno ecoro ceng’ni ka m’acungo i ie; e kan etundo, lworo maka, man apodho arieba wang’a: ento ewacu ira kumae, Dong’ ing’ei, E wod dhanu; kum ginmawokiwang’ en e mi nindo mi kajikne.

Daniel 8:19

Man ewacu kumae, Nen, abiketho ing’ei gin ma biwok i nindo ma cen mi kwinyo; kum en e mi nindo ma juketho mi kajikne.

Daniel 9:27

Man ebitimo lembariba ma tek ku dupa mi yenga acel; man i die yenga ebijigo lam ku girathiera; man ng’atu m’utimo uvuru bibino wi bomb ginmajudagu; man cil kum kajikne m’upong’, man ma jukeco, jubikonjo kwinyo wi weg uvuru.

Habakuk 2:3

Kum ginmawokiwang’ fodi en e pi nindo ma juketho, man etimo pio i dhu kajikne, man ebicwayu ndra ngo: kadok egalu, kure; kum ebibino andha, ebigalu ngo.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Matayo 16:17

E Yesu loko lembe ewacu ire kumae, Mugisa iri, Simon Bar-Yona: kum kum ku rimo nyuthe iri en ungo, ento Vwa ma ni i polo re.

Matayo 26:56

Ento lembe nini ceke timbre, kara lembagora mi jubila timbre kakare. Julub ceke gilund giweke, giringo.

Yohana 15:2

Ku ba janga ceke ma ni i ia ma cego nyinge ngo, ekabe woko: man ku ba janga ceke ma cego nyinge, elonye, kara eceg nyinge ma sagu.

Yohana 20:25

Ka kumeno julub wadi giwacu ire kumae, Waneno Rwoth. Ento ewacu igi kumae, Tek aneno poyo musumali i cinge ngo, aroyo lweta de ngo i poyo musumali, aroyo cinga de ngo i wang’ ng’ete, abiyio ngo.

Tic Mi Jukwenda 13:13

Nie, Paolo giku juwagi gitugo woth kud i Pafo ku yo mi pi, giwok Perga i Pamfulia: e Yohana wekogi edok Yerusalem.

Poi Mi Cik 8:16

m’ukeki ku mana i langa, ma kwaru ng’eyo ngo: kara ejwigi, man kara emul ii, kara etimi ber i kajik peri ma cen:

Yakobo 1:2

Umego, tek wupodho i udul abidhe, wukwane ceke ni mutoro;

Lembanyutha 14:15

Man malaika mange ai i hekalu, ekok ku dwande ma dit ni ng’atu m’ubedo wi afuru kumae, Or uligu peri, man inyar: kum saa mi nyar uwok; kum mwoka mi ng’om ucek hai.

Lembanyutha 17:17

Kum Mungu ketho i adundegi nia gitim pidoie, man gidok ma pidoigi acel, man gimi ker migi ni yedi, cil ma lembe pa Mungu timbre ko kakare.

Lembanyutha 2:10

Lworo kud unegi kum gin ma fodi nyanok ibisendri kudo: nen, wonabali ni ceng’ni bayu kindwu moko i odkol, kara jumul ko iwu; man wubibedo ku masendi ceng’ apar. Dong’ ibed mandha cil i tho, man abimio iri jamkermiwic.

Lembanyutha 7:14

Man awacu ire kumae, Rwoth para, ing’eyo. Man ewacu ira kumae, Maeni gi ju m’uai i masendi ma dit, man gilwoko kendi migi, gidwokogi tar de i rimo pa Nyathi Rombo.