Daniel 11:32 - The Holy Bible In Alur (Lur) Revised Orthography

³² Man ju ma gitimo rac kum lembariba ebiloko pidoigi ku dhok ma mit; ento dhanu m’ung’eyo Mungu migi gibibedo tek, man gibitimo gin ma dit.

Daniel 11:32 ပူးပေါင်းရင်းမြစ်များ

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

Nehemia 4:14

E aneno, man aai malu, e awacu ni weg yung’ man ni jubim, man ni dong’ dhanu m’udong’ kumae, Kud wulworgi: wupoi kum Rwoth, m’e dwong’ man jang’oi ndiri de, man wukied pi juwedu, man pi wotwu ku nyigwu, ku mondwu, man pi udi mu.

Zaburi 9:10

Man ju m’ung’eyo nyingi gibiketho genogen migi i kumi; Kum in, Yehova, iweko ju m’uyenyi ngo.

Lembrieko 19:5

Jamulembe mi ndra bibedo umbe send ungo; Man ng’atu ma cwayu ndra biboth ungo.

Lembrieko 26:28

Leb mi ndra dagu ju m’etimogi rac; Man dhok ma mit mananu rebo nyoth.

Yeremia 31:34

Man ku ba dhanu ku ba dhanu ng’atuman biponjo wagi kendo ngo, man ku ba dhanu ku ba dhanu ng’atuman biponjo umin ungo, ma nia giwac kumae, Ng’ei Yehova; kum gin ceke gibing’eya, ugambre kum ma nok m’i kindgi cil kum ma dit m’i kindgi, Yehova wacu: kum abiweko kier migi, man abipoi kendo ngo pi dubo migi.

Daniel 11:21

Man ng’atu acel m’uromo ku cac bicungo i kakare, ma gimio yung mi ker ire ngo: ento ebibino i nindo mi kwiocwiny, man ebinwang’u ker ku dhoge ma mit.

Daniel 11:34

Nie ka gibipodho, jubikonyogi ku kony ma nyanok; ento dhanu dupa bimoko i kumgi ku dhoggi ma mit.

Zekaria 10:12

E abimio tego igi i Yehova; man gibiwotho malu ku piny i nyinge, Yehova wacu.

Malaki 4:2

Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

Yohana 17:3

E kwo ma rondo ku rondone e eni, nia ging’ei in m’i Mungu mandha i kendi, ku ng’atu m’ioro, ma Yesu Kristu.

1 Yohana 5:20

Wang’eyo de nia Wod Mungu bino, emio iwa ng’eyong’ec de, kara wang’ei ng’atu ma en e mandha, wabedo de i ng’atu ma en e mandha, ndhu i Wode Yesu Kristu. Maeni Mungu mandha, ku kwo ma rondo ku rondo.

Lembanyutha 6:11

Man jumio igi kendi ma tar ma lot kubang’gi nzu; man juwacu igi, nia gikogiyom tundu nindo ma nyanok, cil m’ebitimbre kakare kum jutic wagi bende man kum wedigi, ma jubinegogi calu gin.