Daniel 11:16 - The Holy Bible In Alur (Lur) Revised Orthography

¹⁶ Ento ng’atu m’ubino i kume bitimo calu ie yenyo gire, e ng’atu moko mbe ma bicungo i wang’e; man ebicungo i ng’om ma ber, man nyoth bibedo i cinge.

Daniel 11:16 ပူးပေါင်းရင်းမြစ်များ

Isaya 8:8

man ebicore i Yuda; ebimwonye man ebikadhu kud i ie; ebitundo cil kum ng’ut; e riec mi bombe bipong’o kalac mi ng’om peri, E Imanuel.

Yeremia 3:19

Ento awacu kumae, Abikethi nenedi i kind nyithindho, m’ami ko iri ng’om ma ber, aba ma ber mir udul mi thek mire! man awacu kumae, Wubilwong’a Vwa, man wubilokru cen kum luba ngo.

Daniel 11:3

Man ubimo ma jatego bicungo, m’ebicamu ker ku bimobim ma dwong’, m’ebitimo de calu ie yenyo.

Daniel 11:36

Man ubimo bitimo calu ie yenyo; man ebiyungre gire, man ebikethre dwong’ wi mungu kubang’gi ceke, man ebiyero lembe ma wang’uic kum Mungu mi mungu; man lembe pare bibedo miero cil ma ng’ecwiny bithum ko; kum maeno m’ukethre ebitimbre.

Daniel 11:41

Ebimondo bende i ng’om ma ber, man ng’om dupa biredhre; ento jubibodho maeni kud i cinge: Edom, ku Moab, man nyithindho pa Amon ma dongo.

Daniel 11:45

Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Daniel 5:19

man kum yung m’emio ire, kodhidhanu ceke, ku thek, man dhok, kumgi miel lworo de negogi i wang’e: m’eyenyo eneggi enego, m’eyenyo ewek ubed kwo eweko bedo kwo; ng’atu m’eyenyo edode edode, man ng’atu m’eyenyo ejwige ejwige.

Daniel 8:4

Aneno nyog rombone ubegudo yo reto, man yor ariwa ma malu, ku yor ariwa ma piny; man yedi moko mbe ma copo cungo i wang’e, kadok gin moko de mbe ma copo bodho piny kud i cinge; ento etimo calu ie yenyo, man eyungre gire.

Daniel 8:7

E aneno ecoro ceng’ni nyog rombone, e ng’ecwiny unege i kume, e egudo nyog rombone, man eturo tunge ario; man tego mbe i nyog rombone m’ecung ko i wang’e; ento eredhe i ng’om, man enyone; e moko mbe ma copo bodho nyog rombone kud i cinge.

Daniel 8:9

Man tunge ma nok utwi kud i tunge acel mi kindgi, m’uwobo dit apila, yor ariwa ma piny, man yo nyangu, man yo ba ng’om ma ber hai.

Yocuwa 1:5

Ng’atu moko mbe ma bicopo cungo i weng’i i nindo ceke m’ibedo ie kwo: calu abedo ku Musa, abibedo kudi de kumeca; abirem iri ngo, kadi abikuni de ngo.