Daniel 11:11 - The Holy Bible In Alur (Lur) Revised Orthography

¹¹ E ubimo ma yor ariwa ma piny ng’ecwiny bimake, man ebiwok woko e gibikiedo gikude, en e kud ubimo ma yor ariwa ma malu; man ebiwodho udul ma dit, man udulne bimire i cinge.

Daniel 11:11 ပူးပေါင်းရင်းမြစ်များ

1 Ubimo 20:13

Man, nen, jabila moko bino ceng’ni bang’ Ahab m’ubimo mir Israel, man ewacu kumae, Yehova wacu kumae, Ineno udul ma dit maeni ceke? nen, abimie i cingi tin; e ibing’eyo nia an a Yehova.

1 Ubimo 20:28

Man dhanu pa Mungu bino ceng’ni eyero de ni ubimo mir Israel, man ewacu kumae, Yehova wacu kumae, Kum Jucami wacu kumae, Yehova en e mungu mir ungulu gudi, ento en e mungu mi poga ngo; ka kumeno abimio udul ma dit maeni ceke i cingi, man wubing’eyo nia an a Yehova.

Zaburi 76:10

Andha kwinyo mi dhanu bipeki: Man dong’ kwinyo m’udong’ ibitwiri ko:

Yeremia 27:6

E kawono amio ng’om maeni ceke i cing’ Nebukadnezar m’ubimo mi Babeli, ma jatic para; e yedi m’i thim bende amio ire kara utim ire.

Daniel 11:12

Man jubiting’o udulne malu, man adundene bitingre; man ebiredho rubanga apar bang’ apar piny, ento ebiloyo ngo.

Daniel 11:40

Man i nindo mi kajikne ubimo ma yor ariwa ma piny bipiembre gikude; man ubimo ma yor ariwa ma malu bibino i kume calu vira, ku magali, man ku weg riuni, man ku combo dupa; man ebimondo i ng’om maeno, man ebiumo piny man ebikadhu kud i ie.

Daniel 11:44

Ento rwonglembe m’uai yo nyangu ku yor ariwa ma malu bing’abu cwinye; man ebiwok ku kwinyo ma dit kara enyoth man ekab dhanu dupa woko.

Daniel 11:5

Man ubimo ma yor ariwa ma yo piny bibedo jatego, man ng’atu acel ma kind judongomawijo pare; man ebibedo jatego i wie, man ebibedo ku bimobim; bimobim pare de bibedo ni bimobim ma dit.

Daniel 2:38

man ka ceke ma tek nyithindho mi dhanu bedo i ie, yedi m’i thim ku winyo m’i polo emio i cingi, man eketho icamu ker i wigi ceke: in i wie mi mola ma kwar.

Daniel 8:7

E aneno ecoro ceng’ni nyog rombone, e ng’ecwiny unege i kume, e egudo nyog rombone, man eturo tunge ario; man tego mbe i nyog rombone m’ecung ko i wang’e; ento eredhe i ng’om, man enyone; e moko mbe ma copo bodho nyog rombone kud i cinge.