Daniel 10:8 - The Holy Bible In Alur (Lur) Revised Orthography

⁸ Ka kumeno juweka adong’ a kenda, man aneno ginmawokiwang’ ma dit maeni, man tego moko mbe m’udong’ i ia; kum bero para lokre i ia ni nyoth, man tego moko mbe m’udong’ i ia.

Daniel 10:8 ပူးပေါင်းရင်းမြစ်များ

Thangambere 32:31

Man ceng’ udongo i wie kan ekadhu Penuel, man ekomo akoma ni bambe.

Ai 3:3

E Musa wacu kumae, Abilokra cen kawono, man abineno giranena ma dit maeni, nedi yen m’udinyo wang’ ungo.

Daniel 10:16

Man, nen, ng’atu acel ma calu wod dhanu emulo dendhoga: e alund aalu dhoga, man ayero awacu ni ng’atu m’ucungo i wang’a kumae, E rwoth para, ni kum ginmawokiwang’ can para dwog i wia, man tego dong’ umbe kuda.

Daniel 10:17

Kum jatic pa rwoth para maeni copo weco ku rwoth para maeni nenedi? kum pira, aruca ruca tego moko mbe m’udong’ i ia, kadok yuyo de mbe m’udong’ i ia.

Daniel 7:28

Maeni kajik mi lembene. An a Daniel, pidoic para ng’abu cwinya dit, man wang’a lokre i ia; ento akanu lembene i adundena.

Daniel 8:27

Man, an a Daniel, cwinya kadhu, man kuma bedo lith ceng’ moko; alund aai malu, man atimo tic p’ubimo: man ia pido kum ginmawokiwang’, ento ng’atu moko mbe m’ung’eyo there.

Daniel 8:7

E aneno ecoro ceng’ni nyog rombone, e ng’ecwiny unege i kume, e egudo nyog rombone, man eturo tunge ario; man tego mbe i nyog rombone m’ecung ko i wang’e; ento eredhe i ng’om, man enyone; e moko mbe ma copo bodho nyog rombone kud i cinge.

Habakuk 3:16

Awinjo, man kuma miel, Dendhoga miel kum dwalne; Top umondo i cogona, man amiel i kakara; Kum akoakur be ceng’ mi can ling’ ling’, Kum bino mi dhanu ma gibino mwonyowa.

Matayo 17:6

Ka julubne giwinjo maeni, gipodho arieba wang’gi, lworo de makugi dit.

Marko 9:6

Kum eng’eyo ngo lem m’eloki, kum lworo benegogi dit.

Yohana 16:32

Nen, saa bebino, eyo, edaru wok, ma jubilaluwu i ie, ng’atuman thugi man thugi, man wubiweka dong’ kenda; ere abedo kenda ngo, kum Wego ni i bang’a.

2 Jukorinto 12:7

Man kara kud atingra malu ma sagu ni kum giranyutha ma dit apila, ukudho ma i ring’kum umire ira, jakwenda pa Jok kara epada, kara kud atingra ma sagu.

Lembanyutha 1:17

E kan anene, apodho the tiende pami ng’atu m’utho. Man eketho cinge ma yor acwic i kuma, ewacu kumae, Lworo kud unegi; an a ma kwong’a ku ma cen de,