Daniel 10:6 - The Holy Bible In Alur (Lur) Revised Orthography

⁶ kume bende e calu kidi ma mar mar, man wang’e calu lukoth, man tong’ wang’e calu thala m’uliel, bote ku tiende ke calu mola m’urieny, man dwand lembe pare calu dwand udul dhanu.

Daniel 10:6 ပူးပေါင်းရင်းမြစ်များ

Ai 28:20

man wang’e mir ang’wende kidi ma col calu nam, man kidi ma tek ma ju kite, man kidi ma ju kite ma pii pii: jubimwonogi i mola ma kwar i jambgwokne.

Wer Pa Suleman 5:14

Cinge calu lagith mi mola ma kwar ma jumwono ie kidi ma ie nen ma calu lum: Kume calu tic mi lakliec ma jufuyo ku kidi ma tek ma ie nen uluga.

Ezekiel 1:14

Man gin ma kwone giringo gi dwogo de calu nen mi lukoth.

Ezekiel 1:16

Nen mir ukobrene ku tic migi e calu kidi ma col calu nam: man gin ang’wen ayigi acel; man nen migi ku tic migi bedo calu ukobre yo i ukobre.

Ezekiel 1:24

Man kinde ma gicidho, awinjo badwand bombgi calu badwand pi ma dit, calu dwand Ng’atu ma Jategokpo, badwal mi yakni calu badwal mir udul: kinde ma gicungo, gikonjo bombgi piny.

Ezekiel 1:7

Man tiendgi en e tielo m’atira; man tiendgi ma nyono ng’om e calu tiend nyathi dhiang’; man girieny calu mola ma jurudo.

Ezekiel 10:9

Man aneno, man nen, ukobre ang’wen ni i ng’et kerubi, ukobre acel i ng’et kerubi acel, man ukobre mucelo i ng’et kerubi mucelo; man nen mir ukobrene e calu kidi ma col ma calu nam.

Ezekiel 40:3

Man etera kuca; man, nen, dhanu nuti, ma nenne calu nen mi mola, ku thol mi pamba i cinge, ku bol mi poropiny; man ecungo i dhugang’.

Ezekiel 8:2

Alund aneno, man, nen, ayi unen calu giranena mi mac; ugambre kum giranena mi piere ma yo piny, mac; man ugambre kum piere ma ku malu, calu giranena mi rienypiny, calu mola m’urieny.

Matayo 17:2

e kite lokre i wang’gi; wang’e de rieny pami ceng’, kendi pare de doko tar calu der.

Matayo 28:3

Malaikane ayine ve lukoth, kendi pare de bedo tar calu vuru:

Luka 9:29

Kinde m’eberwo, ayi wang’e lokre tung’, kendi pare de doko tar erieny de.

Lembanyutha 10:1

Man aneno malaika mange ma tek uloro kud i polo, m’eronjre kud afuru; man dhanyu ni i wie, wang’e de calu ceng’, man tiende va mbegi mi mac;

Lembanyutha 19:12

Man wang’e calu lebmac, man jamkermiwic dupa ni i wie; man ebedo ku nyinge m’ugore ma ng’atu moko mbe m’ung’eyo ndhu en gire.

Lembanyutha 2:18

Man ni malaika mi kanisa ma ni i Thuatera kieu kumae: Wod Mungu, ma nying wang’e va lebmac, tiende de calu mola m’urieny, uwacu gin maeni kumae:

Lembanyutha 21:20

mir abije, kidi ma foo; mir abusiende, kidi ma kwar ngbo; mir abirone, kidi ma ie nen ma rieny calu mola ma kwar; mir aboxane, kidi ma col calu nam; mir abung’wende, kidi ma ie nen ma calu lum; mir apaje, kidi m’uluga ma fraa; mir apar wi acende, kidi m’uluga ma furafura; mir apar wi arionde, kidi ma pilipili.