Daniel 10:21 - The Holy Bible In Alur (Lur) Revised Orthography

²¹ Ento abiyero iri maeno m’ukieure i lembagora mi lemandha: man ng’atu moko mbe m’ubedo ku tegocwiny karacelo kuda kum ju maeni ndhu Mikael ma jaditmawijo mu.

Daniel 10:21 ပူးပေါင်းရင်းမြစ်များ

Daniel 10:13

Ento jaditmawijo mi ker mir Ajemi jai ira ceng’ pier ario wi acel; ento, nen, Mikael, ng’atu acel ma kind judongomawijo ma gi judongo, ebino kara ekonya: man adong’ keca kud ubimo mir Ajemi.

Daniel 12:1

Man i nindo maeca Mikael bicungo, jaditmawijo ma dwong’ m’ucungo kum juthu; man nindo mi masendi bibedo nuti, ma fokuwok ungo ugambre i thekri mi thek cil i nindo nino m’ubino: man i nindo maeca jubibodho juthu, ku ba dhanu ceke ma junwang’u egore i kitabu.

Daniel 12:4

Ento in, E Daniel, cik dhu lembene, man imwon ayi kum kitabu, cil i nindo mi kajikne: dupa biringo kun ku kun, man ng’eyong’ec bimedre.

Daniel 8:26

Man ginmawokiwang’ mir uthieno ku kugweno ma juyero en e andha: ento cik ginmawokiwang’; kum en e mi ceng’ dupa ma bibino.

Daniel 9:22

E eponja, man waweco wakude, ewacu kumae, E Daniel, awok woko kawono kara ami iri rieko ku ng’eyothelembe.

Daniel 9:25

Ka kumeno ing’ei man inen, nia ugambre kum lembang’ola ma juketho ya juyik man jugom Yerusalem cil kum ng’atu ma juwiro, en e jaditmawijo, bibedo yenga abiro, man yenga pier abusiel wi ario: ebigombre kendo, ku gengi man ora m’atong’a, cil i nindo m’arida.

Amos 3:7

Andha Rwoth Yehova bitimo gin moko ngo, tek k’enyutho lembamung’a pare ngo ni jutic pare ma jubila.

Tic Mi Jukwenda 15:15

E lembe nini ripo gbe ku lembe mi jubila; calu egore kumae,

Tic Mi Jukwenda 15:18

Rwoth uwacu en, m’eketho gin maeni ng’eire ugambre por yang’ con.

Yuda 1:9

Ento Mikael ma en e malaika ma jadit, kinde ma gi-ii giku wonabau epiemo pi kum Musa, cwinye tek ungo m’ekelo ko lembapoka mi cac i wie, ento ewacu kumae, Dong’ Rwoth ujuki.

Lembanyutha 12:7

Man ali ni i polo: Mikael ku malaika pare gibecitimo ali ku ng’ec; ng’ec de gikiedo man malaika pare;