Daniel 10:16 - The Holy Bible In Alur (Lur) Revised Orthography

¹⁶ Man, nen, ng’atu acel ma calu wod dhanu emulo dendhoga: e alund aalu dhoga, man ayero awacu ni ng’atu m’ucungo i wang’a kumae, E rwoth para, ni kum ginmawokiwang’ can para dwog i wia, man tego dong’ umbe kuda.

Daniel 10:16 ပူးပေါင်းရင်းမြစ်များ

Ai 4:10

E Musa wacu ni Yehova kumae, A, Rwoth, dwanda leng’ ungo, ugambre con, kadok yo ng’ei lembe m’iyero ni jatic peri; kum an a ming’ mi wec, man leba de pek.

Ai 4:13

Man ewacu kumae, A, Rwoth, akwei, or ku cing’ ng’atu m’ibioro.

Eklizia 1:18

Kum can ma dit ni i rieko ma dit; man ng’atu ma medo ng’eyong’ec emedo can.

Isaya 6:7

man emulo ko dhoga, e ewacu kumae, Nen, maeni mulo dendhogi; e kier peri kabre woko, man juweko dubo peri.

Yeremia 1:9

Yehova lund urieyo cinge, man emulo dhoga; man Yehova wacu ira kumae, Nen, aketho lembe para i dhogi:

Ezekiel 1:26

Man ayi komker ma ni wi apokapiny ma ni wi ka wigi ku malu, calu nen mi kidi ma tek ma ie nen uluga; man ayi nuti wi ayi mi komker calu nen mi dhanu i wie ku malu.

Ezekiel 3:27

Ento kinde ma waweco wakudi abiyabu dhogi, man ibiwacu igi kumae, Rwoth Yehova wacu kumae, Ng’atu m’uwinjo, wek ewinji; man ng’atu m’uwinjo ngo, kud ewinji; kum gin gi ot mi jai.

Ezekiel 33:22

Nie cing’ Yehova bedo i kuma uthieno, ma fodi ng’atu m’uboth ku bino ngo; man eyabu dhoga, maram ebino ko i bang’a kugweno; e dhoga yabre, man abedo ajuba kendo ngo.

Daniel 12:8

Man awinjo, ento ang’eyo ngo: alund awacu kumae, E rwoth para, kajik mi gin maeni bibedo ang’o?

Daniel 4:19

Daniel ma nyinge Beltecazar, dhoge tal nyangba, man pidoic pare ng’abu cwinye. Ubimo loko lembe man ewacu kumae, Beltecazar, kud iwek lek, kadi ewothere de, ung’ab cwinyi. Beltecazar uloko lembe man ewacu kumae, Rwoth para, lekne bed ni ju m’udegi, ewothere de ni jusendni.

Daniel 7:15

An a Daniel, can unega i tipona i kuma, man ginmawokiwang’ mi wia ng’abu cwinya.

Daniel 7:28

Maeni kajik mi lembene. An a Daniel, pidoic para ng’abu cwinya dit, man wang’a lokre i ia; ento akanu lembene i adundena.

Daniel 8:15

Man etimbre, ka an, cil an a Daniel, aneno ginmawokiwang’, nia ayenyo ang’ei there: man, nen, gin moko cungo i wang’a calu ayi dhanu.

Daniel 8:17

Kum kumeno ecoro ceng’ni ka m’acungo i ie; e kan etundo, lworo maka, man apodho arieba wang’a: ento ewacu ira kumae, Dong’ ing’ei, E wod dhanu; kum ginmawokiwang’ en e mi nindo mi kajikne.

Daniel 8:18

Nie ka wabeweco wakude, nindo ma pek umaka ma wang’a ni yo ba ng’om; ento emulo kuma, man eketho acungo.

Daniel 8:27

Man, an a Daniel, cwinya kadhu, man kuma bedo lith ceng’ moko; alund aai malu, man atimo tic p’ubimo: man ia pido kum ginmawokiwang’, ento ng’atu moko mbe m’ung’eyo there.

Daniel 9:21

eyo, kinde m’abeweco i rwo, ng’atu ma Gabriel, m’aneno ku kwong’a i ginmawokiwang’, ma juketho eringo pio, emulo kuma calu nindo mi lam mir uthieno.

Luka 1:64

Ndhu ndhu nica dhoge yabre, lebe de gonjre, man eyero, ku mio mugisa ni Mungu de.

Luka 21:15

kum abimio iwu dhok man rieko, ma judegi mu ceke bicopo piemo ngo kadi ajaya de.

Yohana 20:28

Thoma loko lembe ewacu ire kumae, Rwodha ku Munguna.

Yocuwa 5:14

Man ewacu kumae, Ungo; ento abino kawono calu jaditmawijo mir udul pa Yehova. Man Yocuwa podho arieba wang’e i ng’om, man erwo, epenje kumae, Rwoth para wacu ang’o ni jatic pare?

Lembanyutha 1:13

man i kind thethala ng’atu acel ma calu wod dhanu, m’eronyo bongu lot wi tiende, ma kore de bedo atwia ku foto mola ma kwar.

Jupoklembe 13:8

Manoa lund ukwayu Yehova, man ewacu kumae, A, Rwoth, akwei, wek dhanu pa Mungu m’ioro ubin kendo i bang’wa, man eponjwa maram wabitimo ko kum nyathin ma jubinyolo.

Jupoklembe 6:13

Man Gideon uwacu ire kumae, Ei, rwoth para, tek Yehova ni kudwa, nedi gin maeni ceke wok i kumwa? man tic pare ceke ma wang’u ijo ma kwaruwa yero iwa pire ni kani, ma giwacu kumae, Yehova kelowa malu kud i Misiri ngo? ento kawono Yehova bayuwa woko, man ekethowa i cing’ Midian.

Jupoklembe 6:15

Man ewacu ire kumae, Ei, Rwoth, abibodho Israel kud ang’o? nen, wat para gi jucan m’usagu i Manase, an de a nok m’usagu i ot pa vwa.