Daniel 10:1 - The Holy Bible In Alur (Lur) Revised Orthography

¹ I rundi mir adege pa Kuro m’ubimo mir Ajemi gin moko nyuthre ni Daniel, ma julwong’o nyinge Beltecazar; ginduni en e andha, en e ali ma dit: man eng’eyo ginduni, man eng’eyo ginmawokiwang’.

Daniel 10:1 ပူးပေါင်းရင်းမြစ်များ

Thangambere 41:32

Man kum lek pa Farao dwogo wang’ ario, en e kum Mungu ketho ginduni cungo, man fodi nyanok Mungu biketho etimbre.

2 Lemkei 36:22

Nie i rundi ma kwong’ane pa Kuro m’ubimo mir Ajemi, kara lembe pa Yehova ma ku dhu Yeremia utimbre kakare, Yehova ting’o tipo pa Kuro m’ubimo mir Ajemi, ketho nia etimo lembang’ola i ker pare mba mba, man ekethe i lembagora bende, m’uwacu kumae,

Ezra 3:7

Gimio sente bende ni jutong’kidi, man ni jubodho mi bau; man cemo, ku giramadha, ku mo, ni dhanu mi Sidon, man ni dhanu mi Turo, kara gikel musonge kud i Lebanon giter i nam, ba Yopa, calku lembang’ola ma gigamu ba Kuro m’ubimo mir Ajemi.

Ezra 4:3

Ento Zerubabel, man Yecuwa, ku dong’ wi udi pa wego mir Israel, giwacu igi kumae, Lem mu mbe i bang’wa kum gomo ot ni Mungu mwa; ento wan karacelo giwa wabigomo ni Yehova, Mungu mir Israel, calu ubimo Kuro m’ubimo mir Ajemi ng’olo iwa.

Ezra 4:5

man gilonyo juporlembe i kumgi, kara girany lembe ma igi keco, i nindo ceke pa Kuro m’ubimo mir Ajemi, cil i nindo mi camuker pa Dario m’ubimo mir Ajemi.

Ezra 6:14

Man judongo mi Juyahudi gigomo man lembe bedo miero igi, ni kum lembaewa pa Hagai ma jabila man Zekaria ma wod Ido. E gigomo gidare de, calku lembang’ola pa Mungu mir Israel, man calku cik pa Kuro, ku Dario, man Artacacta gi ju m’ubimo mir Ajemi.

Ezra 6:3

I rundi ma kwong’ane pa Kuro m’ubimo, Kuro m’ubimo timo ng’ol kumae: Pi ot pa Mungu i Yerusalem, dong’ ot ugombre, ka ma gimio ie lam, man wek jugom there tek; kadongone bot pier abusiel, kalacne de bot pier abusiel;

Isaya 44:28

m’abiwacu pi Kuro kumae, En e jakwac para, man ebitimo gin ceke m’amaru, m’ebiwacu cil pi Yerusalem kumae, Jubigome; man pir hekalu kumae, Jubiketho theri.

Daniel 1:17

Nie pir awobi ang’wen maeni, Mungu mio igi ng’eyong’ec ku bodho i ponji ku rieko ceke: man Daniel ubedo ku ng’eyothelembe mi ginmawokiwang’ ku lek de.

Daniel 1:21

Man Daniel ubedo cil i rundi ma kwong’ane p’ubimo Kuro.

Daniel 1:7

Man jego mi judongo ecaku nying’gi; pa Daniel ecaku Beltecazar; man pa Hanania ecaku Cadrak; man pa Micael ecaku Mecak; man pa Azaria ecaku Abed-nego.

Daniel 10:14

Kawono abino kara aketh ing’ei gin ma biwok ma cen kum juthu; kum ginmawokiwang’ne fodi en e mi nindo dupa.

Daniel 11:2

Man kawono abinyutho iri lemandha. Nen, fodi ubimo adek bicungo i Ajemi; man mir ang’wende bilony ma sagugi ceke: man kan enwang’u tego ni kum lonyo pare, ebithubo dhanu ceke kum ker mi Yunani.

Daniel 12:4

Ento in, E Daniel, cik dhu lembene, man imwon ayi kum kitabu, cil i nindo mi kajikne: dupa biringo kun ku kun, man ng’eyong’ec bimedre.

Daniel 12:9

Man ewacu kumae, Cidh i yo peri, Daniel; kum lembene juciko dhoge man jumwono ayi i kume cil i nindo mi kajikne.

Daniel 2:21

Man eloko nindo ku oro; ekabu ju m’ubimo, man eketho ju m’ubimo; emio rieko ni jurieko, man ng’eyong’ec ni ju ma ng’eyothelembe ni kugi;

Daniel 4:8

Ento ma cen Daniel umondo i wang’a, ma nyinge Beltecazar, calku nying’ mungu para, ma tipo mi mungu ma leng’ ni i ie: e ayero lekne i wang’e, awacu kumae,

Daniel 5:12

kum tipo ma ber hai, ku ng’eyong’ec, ku ng’eyothelembe, ku ewo the lek, ku nyutho lembe ma tek, ku daru lembe ma jiji, unwangre i Daniel maeni, m’ubimo caku nyinge Beltecazar. Nie wek julwong’ Daniel, e ebiewo there.

Daniel 5:17

Daniel ulund uloko lembe man ewacu i wang’ ubimo kumae, Wek giramia peri bed iri giri, man imi sukulia peri ni ng’atu mange; ento abisomo lembagora maeno ni ubimo, man abiketho eng’eyo there.

Daniel 6:28

Kum kumeno Daniel maeno lembe bedo ire miero i camuker pa Dario, man i camuker pa Kuro ma Jaajemi.

Daniel 8:16

E awinjo dwand dhanu i kind ng’et kulo Ulai, m’ulwong’o, m’uwacu kumae, Gabriel, keth ng’atu maeni ung’ei ginmawokiwang’.

Daniel 8:26

Man ginmawokiwang’ mir uthieno ku kugweno ma juyero en e andha: ento cik ginmawokiwang’; kum en e mi ceng’ dupa ma bibino.

Luka 1:20

Nen, ibibedo ajuba ibicopo weco de ngo, cil i ceng’ ma gin maeni bitimbre i ie, kum iyio lem para ngo, ma bitimbre kakare i nindone.

Lembanyutha 19:9

Man ewacu ira kumae, Kieu kumae, Mugisa ni ju ma julwong’ogi ni cemo mir uthieno mir ambadha pa Nyathi Rombo. Man ewacu ira kumae, Maeni lemandha pa Mungu.