Daniel 1:2 - The Holy Bible In Alur (Lur) Revised Orthography

² Man Rwoth umio Yehoiakim m’ubimo mi Yuda i cinge, karacelo kud agulu moko mi ot pa Mungu; man eterogi i ng’om mi Cinar ba ot pa mungu pare; e ekelo agulu i ot kanpiny pa mungu pare.

Daniel 1:2 ပူးပေါင်းရင်းမြစ်များ

Thangambere 10:10

Man thekri mi ker pare en e Babel, man Erek, man Akad, man Kalne, i ng’om Cinar.

Thangambere 11:2

Man etimbre, ka giwotho yo nyangu, nia ginwang’u pambu i ng’om Cinar; e gibedo keca.

2 Ubimo 24:1

I nindo pare Nebukadnezar m’ubimo mi Babeli uidho, man Yehoiakim udoko jatic pare rundi adek: kan elokre ejai ire.

2 Lemkei 36:5

Yehoiakim rundi pare pier ario wi abic kinde m’emaku camu ker; man ecamu ker rundi apar wi acel i Yerusalem: e etimo gin ma rac i wang’ Yehova Mungu pare.

2 Lemkei 36:7

Nebukadnezar utero agulu mi ot pa Yehova bende i Babeli, man ekethogi i hekalu i Babeli.

Ezra 1:7

Kuro m’ubimo bende wodho agulu mi ot pa Yehova woko, ma Nebukadnezar uyaku kud i Yerusalem, man eketho i ot pa mungu pare;

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 42:24

Ng’a m’umio Yakobo mir ayeki, man Israel ni weg ayeki? Yehova timo en ungo? en e ng’atu ma wadubo ire, man ng’atu ma gikwero wotho i yo pare, kadok cik pare de giworo ngo.

Yeremia 25:1

Lembe m’ubino ba Yeremia pi dhanu ceke mi Yuda, i rundi mir ang’wende pa Yehoiakim ma wod Yosia, m’ubimo mi Yuda (ma en e rundi ma kwong’ane pa Nebukadrezar m’ubimo mi Babeli),

Yeremia 27:16

Ayero ni julam bende man ni dhanu maeni ceke, awacu kumae, Yehova wacu kumae: Kud wuwinj lembe mi jubila mu ma giewo iwu giwacu kumae, Nen, fodi nyanok jubidwoko agulu mi ot pa Yehova kud i Babeli; kum giewo ndra iwu.

Yeremia 28:3

Ma fodi rundi ario yul kuthum ungo abikelo agulu ceke mi ot pa Yehova kendo kakeni ma Nebukadnezar m’ubimo mi Babeli yaku ku kakeni, m’etero de i Babeli:

Yeremia 35:11

Ento etimbre, kinde ma Nebukadrezar m’ubimo mi Babeli idho malu i ng’om, nia wawacu kumae, Wubin, man wek waidhu i Yerusalem ni lworo mi njuru asikari mi Jukaldayo, man ni lworo mi njuru asikari mi Jucami; kum kumeno wabedo i Yerusalem.

Yeremia 50:2

Wuyer i kind thek man wurwei, wuketh abera malu de; wurwei, man kud wumung’: wuwac kumae, Jumaku Babeli, junyayu lewic wi Bel, cwiny Merodak ung’abre; junyayu lewic wi ayi gin m’acwia pare, jurwombo mungu m’araga pare piny.

Yeremia 51:44

Man abitimo lembapoka wi Bel i Babeli, e abiwodho gin m’emwonyo woko kud i dhoge; man thek bimol kendo ngo i bang’e; eyo gang’kidi mi Babeli bipodho.

Daniel 5:13

Julund jukelo Daniel i wang’ ubimo. Ubimo yero man ewacu ni Daniel kumae, In i Daniel maeno, mi nyithindho mi ng’eca m’uai i Yuda, ma ubimo ma vwa kelo kud i Yuda?

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Habakuk 1:16

Ka kumeno elamu lam ni voi pare, man ewang’u udok ma ng’wice ng’ar ni voi pare; kum ni kumgi makapiny pare cwe, cemo pare de dupa.

Zekaria 5:11

Man ewacu ira kumae, Nigomo ire ot i ng’om Cinar: man kan ebedo ayika, jubikethe keca i kakare ma dhe.

Poi Mi Cik 32:30

Ng’atu acel copo riemo rubanga nenedi, Man juario tugo rubanga apar ku ng’wec nenedi, Tek Cana migi ku ng’iewogi ngo, Man Yehova miogi ngo?

Jupoklembe 2:14

E ng’ecwiny pa Yehova opo kum Israel, man ekethogi i cing’ junyoth m’unyothogi; man eng’iewogi i cing’ judegi migi m’utiekogi gbur, ketho nia gicopo cungo kendo ngo i wang’ judegi migi.

Jupoklembe 3:8

Ka kumeno ng’ecwiny pa Yehova opo kum Israel, man eng’iewogi i cing’ Kucan-ricathaim m’ubimo mi Mesopotamia: man nyithindho mir Israel utimo ni Kucan-ricathaim rundi abora.

Jupoklembe 4:2

Man Yehova ng’iewogi i cing’ Yabin m’ubimo mi Kanan, m’ucamu ker i Hazor; ma jatel wi udul pare en e Sisera, m’ubedo i Haroceth mi Thekdhanumange.

1 Samwil 5:2

E Jufilisti gamu sanduk pa Mungu, man gitere i ot pa Dagon, man gikethe i ng’et Dagon.