Daniel 1:17 - The Holy Bible In Alur (Lur) Revised Orthography

¹⁷ Nie pir awobi ang’wen maeni, Mungu mio igi ng’eyong’ec ku bodho i ponji ku rieko ceke: man Daniel ubedo ku ng’eyothelembe mi ginmawokiwang’ ku lek de.

Daniel 1:17 ပူးပေါင်းရင်းမြစ်များ

1 Ubimo 3:12

nen, atimo calku lembe peri: nen, amio iri adunde mi ng’eyong’ec mi rieko; kum kumeno ng’atu moko mbe ma fodi uwok ma calu in, kadok yo ng’ei de ng’atu moko mbe ma biwok ma calu in.

1 Ubimo 3:28

E Israel ceke winjo pi lembapoka m’ubimo poko; e gilworo ubimo: kum gineno nia rieko pa Mungu ni i ie, kara utim lembapoka ma pwe.

2 Lemkei 1:10

Kawono mi ira rieko ku ng’eyong’ec, kara awok woko amond de i wang’ dhanu maeni; kum ng’a ma copo poko lembe ni dhanu peri maeni, ma en e dit kumeni?

2 Lemkei 1:12

rieko ku ng’eyong’ec umire iri; man abimio iri lonyo, ku piny, man yung, wadi m’ubimo moko mbe m’ular uwok i weng’i bedo ko; kadok moko ma bibedo ku ma kumeno yo ng’ei de mbe.

2 Lemkei 26:5

E ekethre gire ya eyeny Mungu i ceng’ pa Zekaria, m’ebedo ku ng’eyong’ec i ginmawokiwang’ pa Mungu: man i nindo m’eyenyo ie Yehova ceke, Mungu ketho lembe pare bedo miero.

Kitabu Pa Yob 32:8

Ento tipo nuti i dhanu, Man yuyo pa Jategokpo mio igi ng’eyolembe.

Lembrieko 2:6

Kum Yehova mio rieko; Ng’eyong’ec ku ng’eyothelembe ai kud i dhoge:

Eklizia 2:26

Kum Mungu mio rieko ku ng’eyong’ec man mutoro ni ng’atu ma nyayu mutoro i ie; ento ni jadubo emio sendri, kara ucok man umed, kara emi ni ng’atu ma nyayu mutoro i Mungu. Maeni bende en e gin ma ie nanu man kethocwiny kum yamu.

Isaya 28:26

Kum Mungu pare ponje atira, man etwinye.

Ezekiel 28:3

nen, i riek ma sagu Daniel; lembamung’a moko mbe m’upandre iri;

Daniel 1:18

Man ka ceng’ne thum m’ubimo ng’olo ya juroigi, jego mi judongo kelogi i wang’ Nebukadnezar.

Daniel 1:20

Man ku ba lembe ceke mi rieko ku ng’eyothelembe, m’ubimo penjo kogi, enwang’u nia gisagu weg ajoga ku juwodhtho ma ni i ker pare ceke wang’ apar.

Daniel 1:4

awobi ma poyo mbe i kumgi, ento ma cu, man ma riu i rieko ceke, ma ng’eyong’ec de ni kugi, ma ng’eyo girang’eya de, man wagi dhanu ma copo cungo i odker p’ubimo; man kara eponjgi ponji ku dhu Jukaldayo.

Daniel 10:1

I rundi mir adege pa Kuro m’ubimo mir Ajemi gin moko nyuthre ni Daniel, ma julwong’o nyinge Beltecazar; ginduni en e andha, en e ali ma dit: man eng’eyo ginduni, man eng’eyo ginmawokiwang’.

Daniel 2:19

E lembamung’ane lund unyuthre ni Daniel i ginmawokiwang’ ku diewor. Daniel ulund umio mugisa ni Mungu m’i polo.

Daniel 2:21

Man eloko nindo ku oro; ekabu ju m’ubimo, man eketho ju m’ubimo; emio rieko ni jurieko, man ng’eyong’ec ni ju ma ng’eyothelembe ni kugi;

Daniel 2:23

Afoi, man apeki, E in i Mungu pa kwara, m’imio ira rieko ku tego, man kawono iketho ang’eyo lembe ma wakwayu i beng’i; kum iketho wang’eyo lembe p’ubimo.

Daniel 2:30

Ento pira, lembamung’a maeni nyuthre ira ngo, kum rieko moko m’abedo ko ma sagu jumange ma kwo, ento kara there ng’eire ni ubimo, man kara ing’ei pidoic mir adundeni.

Daniel 4:6

Ka kumeno atimo cik kara akel jurieko ceke mi Babeli i bang’a, kara giketh ang’ei the lekne.

Daniel 5:14

Awinjo piri, nia tipo mi mungu ni ii, man nia der ku ng’eyothelembe man rieko ma ber hai unwangre ii.

Daniel 7:1

I rundi ma kwong’ane pa Belcazar m’ubimo mi Babeli Daniel uneno lek ku giranena m’uwok i wie wi kavuto pare: elund egoro lekne man eyero min giki maeni.

Daniel 8:1

I rundi mir adege mi camuker p’ubimo ma Belcazar ginmawokiwang’ uwok i wang’a, cil i bang’a, an a Daniel, yo ng’ei maeno m’uwok ma kwong’a.

Kitabu Mir Ang’wende Pa Musa Wel 12:6

Man ewacu kumae, Dong’ wuwinj lembe para: tek jabila ni i kindwu, an a Yehova abiketho wang’eira kude i ginmawokiwang’, wabiweco wakude de ku wang’ lek.

Luka 21:15

kum abimio iwu dhok man rieko, ma judegi mu ceke bicopo piemo ngo kadi ajaya de.

Tic Mi Jukwenda 6:10

E dhoggi thwo kau kum rieko ku Tipo de m’eyero kudo.

Tic Mi Jukwenda 7:10

elare de kud i can pare ceke, man emio ire bero ku rieko i wang’ Farao m’ubimo mi Misiri; man edwoke ni jabim wi Misiri ku wi ot pare de ceke.

Tic Mi Jukwenda 7:22

Man juponjo Musa ku rieko ceke mi Jumisiri; ebedo dwong’ de i lembe pare i tic pare de.

Jukolosai 1:9

Kum lembe nini wan bende, ugambre i ceng’ ma wawinjo, waweko ki ngo nirwo ku kwayu kwac piwu, kara ng’eyong’ec mi yeny ma ie yenyo uromwu i rieko ceke ku ng’eyong’ec mi tipo bende,

Yakobo 1:17

Giramia ceke ma ber kubang’gi kubang’gi man giramia ceke ma ndhu cu kubang’gi kubang’gi, uai malu, uloro piny ku ba Wego mi der, ma lokri rr umbe kude, kadok tipopiny ma podho kum lokri rr.

Yakobo 1:5

Ento tek ng’atu moko m’i kindwu rieko mbe kude, wek ekwai Mungu, ma mio ni dhanu ceke ku berocwinye, egamugi ku dhau de ngo; man ebimire ire.