Amos 9:9 - The Holy Bible In Alur (Lur) Revised Orthography

⁹ Kum, nen, abing’olo, man abiyeko ot mir Israel i kind thek ceke, calu juyeko cam i jambyeko, ento nying’ cam acel bipodho wi ng’om ungo.

Amos 9:9 ပူးပေါင်းရင်းမြစ်များ

Isaya 27:12

Man ebitimbre i ceng’ maeca, nia Yehova biteng’o nyinge ugambre i cori mi Kulo, cil kum kulo mi Misiri; e jubicokowu acel acel, E wu nyithindho mir Israel.

Isaya 28:28

Cam mi kwen jurego; kum ebibefode nja ngo: man kadok ukobre mi magali pare ku riuni pare gikethe, erege ngo.

Isaya 30:28

man yuyo pare calu kulo m’ucoro piny, m’utundo cil kum ng’ut, kara uyek thek ku jambyeko mi nyoth: man jamtwiny ma ketho jukier bibedo i lwokni mi kodhidhanu.

Yeremia 31:36

Tek lembapoka maeni ai kud i wang’a, Yehova wacu, e kodhi mir Israel bende bidong’ bedo thek ungo i wang’a mi nja.

Yeremia 46:28

Lworo kud unegi, E Yakobo ma jatic para, Yehova wacu; kum wanuti wakudi: kum abijigo wi thek ceke m’ariemoi i ie; ento abijigo wii ma gwei ngo, ento abiponji ku pokolembe, man abiweki ngo ma ponji mbe.

Yeremia 49:36

Man abikelo yamu ang’wen wi Elam kud i gund polo ang’wen, man abilalugi yo ba yamu maeno ceke; man thek moko bibedo umbe ma ju ma juriemo kubitundo i ie ngo.

Ezekiel 20:38

man abihvoko ju ma jai kud i kindwu, ku ju m’udubo ira; abiwodhogi woko kud i ng’om ma gibedo i ie, ento gibimondo i ng’om mir Israel ungo: e wubing’eyo nia an a Yehova.

Ezekiel 36:19

man akethogi i kind thek, e julalugi i kind ng’om mba mba: apoko lembe migi calku yo migi man calku giratima migi.

Ezekiel 39:28

E gibing’eyo nia an a Yehova Mungu migi, kum aketho gicidho i ng’eca i kind thek, man acokogi ba ng’om migi ma dhe; man abiweko moko m’i kindgi kuca kendo ngo;;

Ezekiel 5:10

Ka kumeno wego bicarou wodo i kindi, man wodo bicamu weggi; man abitimo lembapoka i kumi; man dongi m’udong’ dho abilalu ba yamu ceke.

Ezekiel 5:12

Ng’eti mir adege bitho ku thong’om, man gibithum i kindi ku ndru; man ng’eti mir adege bipodho ku palamularu i ng’eti gbur; man ng’eti mir adege abiketho ba yamu ceke, man abiwodho palamularu i tokgi.

Lembe Mi Julawi 26:33

E abikethowu i kind thek, man abirieyo palamularu i tokwu: man ng’om mu bibedo ni nyoth, adhura mu de bibedo ni uvuru.

Luka 22:31

Simon, Simon, nen, Jok upenjo nia ebed kudi, kara epiedhi pami nganu:

Poi Mi Cik 28:64

E Yehova bikethi i kind kodhidhanu ceke, ugambre i kajik mi ng’om acel cil kum kajik mi ng’om mucelo; e ibitimo ni mungu mange kuca, ma fodi k’ing’eyo ngo, in kadi kwaru, en e mi yen man kidi.