Amos 9:1 - The Holy Bible In Alur (Lur) Revised Orthography

¹ Aneno Rwoth ucungo ng’et pemblam: man ewacu kumae, Goi lak akara, kara kamondo yengre; man iturgi nziki nziki i wigi kagi ceke; e abinego donge m’udong’ ku palamularu: ng’atu moko mbe mi kindgi ma bipiei, man ng’atu moko mbe mi kindgi ma biboth.

Amos 9:1 ပူးပေါင်းရင်းမြစ်များ

Zaburi 68:21

Ento Mungu bing’enyo wi judegine, Dend yukwic pa wadi ng’atu ma wotho asu ku dubo pare.

Lembanyutha 1:17

E kan anene, apodho the tiende pami ng’atu m’utho. Man eketho cinge ma yor acwic i kuma, ewacu kumae, Lworo kud unegi; an a ma kwong’a ku ma cen de,

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Habakuk 3:13

Iwok ni both mi dhanu peri, Pi both pa ng’atu m’iwiro; Itong’o lero kud i ot pa jadubo, M’iyabu mbegi cil i ng’ut. Sela.

Amos 3:14

Kum i nindo m’abiliewo gondri mir Israel i wie, abiliewo pemblam mi Beth-el bende; man tung pemblamne bithumbre woko, man gibipodho i ng’om.

Isaya 6:1

I rundi ma Uzia m’ubimo tho, aneno Rwoth m’ujany wi komker, malu malu man m’utingre; e dhu kendi pare pong’o hekalu.

Yohana 1:32

Yohana de nyutho lembe, ewacu kumae, Aneno Tipo ai i polo loro piny pamir akuru; ebedo de i wie.

Zefania 2:14

Man udul lim bivuto i dierene, yedi ceke mi thek: alungu ku ceu gibigonjo i wie; dwandgi biwer i wang’ot; uvuru bibedo nuti dhugola: kum eyabu tic mi musonge.

Ezekiel 10:4

Man dwong’ pa Yehova idho malu ku ba kerubine, man ecungo wi riu mi dhugola mi ot; e ode pong’ kud afuru, man lelagang’ de pong’ ku rieny mi dwong’ pa Yehova.

Ezekiel 9:2

Man nen, dhanu abusiel ubino m’uai yo dhugang’ ma yo malu, m’ulokre yor ariwa ma malu, ku ba dhanu ku ba dhanu ng’atuman jambali pare mi nek ni i cinge; man ng’atu acel m’i kindgi bedo aronya ku bongu ma nwang’, ku tung mi vino pa jagor i ng’ete. E gimondo, man gicungo ng’et pemblam mi mola.

Ezekiel 1:28

Calu nen mi danyu ma ni i afuru i ceng’ mi koth, e nen mi rieny ma gbur ubedo kumeca. Maeni en e nen mir ayi mi dwong’ pa Yehova. Man kinde m’aneno maeni, apodho arieba wang’a, man awinjo dwand ng’atu m’uyero.

Yeremia 48:44

Ng’atu m’uringo ni lworo bipodho i vur; man ng’atu m’uai kud i vur jubimake i uwic; kum abikelo i wie, en e Moab, rundi mi lieu migi, Yehova wacu.

Isaya 30:16

ento wuwacu kumae, Ungo, kum wabiringo ku wi riuni; ka kumeno wubiringo: man, Wabiringo wi jung’wec; ka kumeno ju m’uriemowu bibedo jung’wec.

2 Lemkei 18:18

E Mikaya wacu kumae, Ka kumeno wuwinj lembe pa Yehova: Aneno Yehova bedo malu wi komker pare, man udul m’i polo ceke cungo yo ku cinge ma yor acwic man ma yor acam.

Tic Mi Jukwenda 26:13

dieceng’ ma ling’, E ubimo, aneno i yo der m’uai i polo, ma sagu rieny mi ceng’, m’erieny i kuma i kum ju ma wawotho wakugi de.

Lembanyutha 8:3

Man malaika mange bino cungo nyim pemblam, m’ebedo ku tabu mi mola ma kwar mir udok ma ng’wice ng’ar; man jumio ire udok ma ng’wice ng’ar dupa, kara emede ku rwo mi jumaleng’ ceke wi pemblam mi mola ma kwar, ma ni i nyim komker.

Zaburi 68:22

Rwoth uwacu kumae, Abikelo kendo kud i Bacan, Abikelogi kendo kud i thuth mi nam;

Yeremia 11:11

Ka kumeno Yehova wacu kumae, Nen, abikelo lem ma rac i wigi, ma gibicopo both i ie ngo; e gibiywak i bang’a, ento abiwinjogi ngo.

Yeremia 42:16

ebilund timbre, nia palamularu, ma wulworo, birubowu kuca i ng’om Misiri; man ndru, ma wulworo, bilubo tokwu kuca i Misiri; e wubitho kuca.

Ezekiel 15:7

Man abiketho wang’a i kumgi; gibiai kud i mac, ento mac biwang’ugi; e wubing’eyo nia an a Yehova, kinde m’aketho wang’a i kumgi.

Amos 7:17

ka kumeno Yehova wacu kumae: Cegi bibedo won asara i adhura, man woti ku nyigi bipodho ku palamularu, man jubipoko ng’om peri ku wang’piny; man in giri ibitho i ng’om m’ucido, e jubiyaku Israel kud i ng’om pare andha.

Zefania 1:12

Man ebitimbre i nindo maeca, nia abiyenyo i Yerusalem ku thala; man abisendo dhanu ma gigwokri gigi, ma giwacu yor i adundegi kumae, Yehova bitimo ber ungo, kadok rac de ebitimo ngo.

Yocuwa 10:18

Man Yocuwa wacu kumae, Wung’iel kidi ma dit dhu odng’om, man wuketh dhanu i kume kara gikurgi:

Amos 7:9

man ka ma malu pa Isak bibedo ni uvuru, man jubidwoko kamaleng’ mir Israel ni uvuru; e abiai kum ot pa Yeroboam ku palamularu.