Amos 8:3 - The Holy Bible In Alur (Lur) Revised Orthography

³ Man wer mi hekalu bibedo goyonduru i ceng’ maeca, Rwoth Yehova wacu: avu bibedo dupa; gibibayugi woko ling’ ling’ i kaka ceke.

Amos 8:3 ပူးပေါင်းရင်းမြစ်များ

Zaburi 39:9

Abedo ling’ aalu dhoga ngo; Kum itimo maeni.

Isaya 37:36

E malaika pa Yehova wok woko, man egoyo dhanu rubanga dak acel ku pier abora wi abic i kagonjo mi Juascuri; man kinde ma dhanu ai pir kugweno, nen, maeni ceke gin avu.

Yeremia 22:18

Ka kumeno Yehova wacu kumae pi Yehoiakim ma wod Yosia, m’ubimo mi Yuda: gibiywage ngo, ma giwac kumae, A umira! kadi, A nyamego! Gibiywage ngo, ma giwac ko kumae, A rwoth! kadi, A dwong’ pare!

Ywak 2:10

Judongo pa nya Sayuni bedo wi ng’om, gibedo ling’; Gikiro utur i wigi; gitwiri gigi ku gonia; Nyir ma ng’won mi Yerusalem gikulo wigi i ng’om.

Yoel 1:11

Cwinywu ng’abre, E wu jutipodho, wugoi nduru, E wu jugwok ulok, pi nganu man pi cam; kum mwoka mi podho nyothre.

Yoel 1:13

Wutwi usuba i pierwu, man wuywaki, wu julam; wugoi nduru, wu jutim mi pemblam; wubin, wuvut diewor soro i usuba, wu jutic pa Mungu para: kum girathiera mi mogo ku girathiera m’amadha jucero ni ot pa Mungu mu.

Yoel 1:5

Wuceu, wun andrej giramadha, man wuywaki; wugoi nduru de, wu jumadh pigulok ceke, ni kum pigulok ma lim lim; kum ethumbre woko kud i dhogwu.

Lembe Mi Julawi 10:3

E Musa wacu ni Harun kumae, Maeni en e lembe ma Yehova yero, uwacu kumae, Abibedo leng’ ni kum ju m’ucoro ceng’ni an, man abinwang’u dwong’ i wang’ dhanu ceke. E Harun ubedo ling’.

Amos 4:10

Aoro thong’om i kindwu calu mi Misiri: anego awobi mu ku palamularu, man ayaku riuni mu; man aketho ng’wic piny ma rac mi kagonjo mu idho malu cil i odiumwu: ento wudwogo ngo i bang’a, Yehova wacu.

Amos 5:16

Ka kumeno Yehova, Mungu mir udul, ma Rwoth, uwacu kumae: Ywak bibedo i gengi ceke: man gibiwacu kumae i wang’ayo ceke, Akayo! akayo! man gibilwong’o jatipodho ba ywak man wadi ju ma gi riek ku ywak ni goyonduru.

Amos 5:23

Kab badwal mi wer peri cen kud i kuma; kum akwero winjo badwand dongo mu.

Amos 6:4

gi ju ma givuto wi kavuto mi lakliec, ma girieiri gigi de wi kabedo migi, ma gicamu nyithi rombe de ku i udul, ku nyithi dhiang’ kud i die dwol;

Amos 6:5

ma giwero wer mananu ku badwal mi dongo; man gicwio jamb wer mi badwal igi gigi, calu Daudi;

Amos 6:8

Rwoth Yehova kwong’o kude gire, Yehova, Mungu mir udul, uwacu kumae: Adagu dwong’ pa Yakobo, man adagu udi pare ma beco; ka kumeno abimio adhura ku gin ceke ma ni ie.

Amos 8:10

E abiloko agba mu ni ywak, man wer mu ceke ni goyonduru; man abikelo gonia wi pier ceke, man lunywic i wie kubang’e kubang’e; man abikethe calu ywak mi wodo ma kulong’, man kajikne calu ceng’ ma kec.

Nahum 3:3

idho pa won riuni, man mil mi palamularu, ku rieny mi tong’, man udul mi ju ma junego, udhuru ma dit de mir avu, man kajik mi kum umbe; gipodho wi kumgi;

Zefania 1:7

Bed ling’ i vut Rwoth Yehova; kum ceng’ pa Yehova ni ceng’ni: kum Yehova yiko lam, elonyo welo pare.