Amos 7:6 - The Holy Bible In Alur (Lur) Revised Orthography

⁶ Yehova loko cwinye pi maeni: Maeni bende bibedo nuti ngo, Rwoth Yehova wacu.

Amos 7:6 ပူးပေါင်းရင်းမြစ်များ

Thangambere 6:7

E Yehova wacu kumae, Abinyotho dhanu m’acwio kud i wang’ ng’om; dhanu, ku yedi, ku gin ma lak i ng’om, ku winyo ma kor polo; kum alokra rac atimogi.

I Lemkei 21:15

Man Mungu oro malaika ba Yerusalem kara enyothe: e kinde m’eyenyo nyothe, Yehova neno, man elokre kum lembene ma rac, man ewacu ni malaika mi nyothone kumae, Eromo; kawono wek cingi bedi. Man malaika pa Yehova cungo ng’et lelacam pa Oman ma Jayebusi.

Zaburi 106:45

Man epoi kum lembariba pare pigi, Man elokre calkud udul mer mi bero pare.

Zaburi 135:14

Kum Yehova bipoko lembe mi dhanu pare, Man ebilokre gire kum jutic pare.

Zaburi 78:38

Ento en, ma kisa nege, eweko kier migi woko, man enyothogi ngo, Eyo, eloko ng’ecwiny pare cen nindo dupa, Man etugo kwinyo pare ceke ngo.

Zaburi 90:13

Dwogi, E Yehova; rokani? Man ilok cwinyi kum jutic peri.

Ai 32:14

E Yehova lokre ni lem ma rac m’ewacu nia ebitimo kum dhanu pare.

Yeremia 26:19

Hezekia m’ubimo mi Yuda ku Yuda ceke giketho etho? elworo Yehova ngo, man ekwayu bero ba Yehova ngo, e Yehova lokre ngo kum lem ma rac m’eyero i kumgi? Tek kumeno nwang’u watimo lem ma rac dit kum ng’eyong’ec mwa giwa.

Yeremia 42:10

Tek wubibedo i ng’om maeni asu, abilund gomowu, man abiyakuwu ngo, e abipidhowu, man abifudhowu ngo; kum alokra gira kum lem ma rac m’atimo i kumwu.

Yoel 2:13

man wuyec adundewu, kendi mu re ngo, man wulokru ba Yehova Mungu mu; kum en e won bero ku kisa, yo ni ng’ecwiny, man esagre i mer mi bero, man elokre ni dubo.

Amos 7:3

Yehova loko cwinye pi maeni kumae: Ebibedo nuti ngo, Yehova wacu.

Amos 7:7

Enyutho ira kumeni: man, nen, Rwoth ucungo i ng’et gang’kidi ma jutimo ku thol m’atira, ku thol m’atira i cinge.

Yona 3:10

E Mungu neno tic migi, nia gilokri kud i yo migi ma rac; e Mungu loko cwinye kum gin ma rac m’ewacu ebitimo i kumgi; man etime ngo.

Yona 4:2

Man erwo ni Yehova, e ewacu kumae, Akwei, E Yehova, awacu kumeni ngo, ka fodi ani i ng’om ma thuwa? Ka kumeno atimo pio kara apiei i Tarcic; kum ang’eyo nia in i Mungu ma won bero, man ipong’ ku kisa, ibedo yo ni ng’ecwiny, man isegri i mer mi bero, iloko cwinyi de kum gin ma rac.

Jupoklembe 10:16

E gikabu mungu ma juwirok woko kud i kindgi, man gitimo ni Yehova; e cwinye dieng’ kum can mir Israel.

Jupoklembe 2:18

Man ka Yehova ting’o igi jupoklembe, e kinde maeca Yehova bedo karacelo ku japoklembene, man ebodhogi kud i cing’ judegi migi i nindo pa japoklembene ceke: kum kisa nego Yehova kum cur migi ma gicur ko kum ju m’usendogi m’ung’abu cwinygi de.