Amos 7:10 - The Holy Bible In Alur (Lur) Revised Orthography

¹⁰ Amazia ma jalam mi Beth-el ulund uoro kwenda ba Yeroboam m’ubimo mir Israel, ewacu kumae, Amos uthubo ali i kumi i kind ot mir Israel: ng’om copo ciro lembe pare ceke ngo.

Amos 7:10 ပူးပေါင်းရင်းမြစ်များ

Thangambere 37:8

E utumin mire wacu ire kumae, Ibibimo wiwa andha? kadi ibicamu ker i wiwa andha? Man gidage kendo m’usagu kum lek pare, man kum lembe pare.

1 Ubimo 13:33

Yo ng’ei gin maeni Yeroboam ulokre kendo ngo kud i yo pare ma rac, ento etimo julam kendo mi ka ma malu ku kind dhanu ceke: ng’atu ma tek uyio, ekethe, kara julam mi ka ma malu bed nuti.

1 Ubimo 18:17

Man etimbre, kinde ma Ahab uneno Elia, nia Ahab uwacu ire kumae, En e in, in i jasend Israeli?

Yeremia 18:18

Gilund giwacu kumae, Wubin, man wek wapor lembapora kum Yeremia; kum cik birwinyo ni jalam ungo, kadi lembapora de ni jarieko, kadi lembe ni jabila. Wubin, man wek wagoyue ku leb, man ku waketh cwinywa kum lembe pare moko.

Yeremia 36:16

Nie etimbre, kinde ma giwinjo lembe ceke, gilokri ku lworo man ba wadi man ba wadi, e giwacu ni Baruc kumae, Wabiyero ni ubimo andha pi lembe maeni ceke.

Yeremia 38:4

Judongomawijo lund uwacu ni ubimo kumae, Wakwei, wek juneg ng’atu maeni; kum ekwio cing’ dhanu mir ali m’udong’ i adhura maeni, ku cing’ dhanu ceke, ku yero wadi lembe maeni igi: kum ng’atu maeni yenyo bedober mi dhanu maeni ngo, endre lem ma rac.

Amos 1:1

Lembe pa Amos, ma ni i kind jukwac mi Tekoa, m’eneno pir Israel i nindo pa Uzia m’ubimo mi Yuda, man i nindo pa Yeroboam ma wod Yoac m’ubimo mir Israel, rundi ario ma fodi digidi kuwok ungo.

Amos 3:14

Kum i nindo m’abiliewo gondri mir Israel i wie, abiliewo pemblam mi Beth-el bende; man tung pemblamne bithumbre woko, man gibipodho i ng’om.

Amos 5:10

Gidagu ng’atu m’ujuko i dhugang’ man gidagu ng’atu ma weco atira.

Amos 5:5

ento kud wuyeny Beth-el, kadi kud wumond i Gilgal, man kud wukadh i Ber-ceba: kum Gilgal bicidho i ng’eca andha, man Beth-el bidoko gin mananu.

Amos 7:11

Kum Amos uwacu kumae, Yeroboam bitho ku palamularu, e jubiyaku Israel kud i ng’om pare andha.

Matayo 21:23

E kinde m’emondo i hekalu, julam ma dongo ku judongo mi dhanu gibino i bang’e kan ebeponjo, man giwacu kumae, Itimo gin maeni ku ng’ol manedi? ng’a m’umio iri ng’ol maeni?

Luka 23:2

E gimaku dote, giwacu kumae, Wanwang’u ng’atu maeni beroco thek mwa, man ebekwero ya ku jumi ajok ni Kaisari, ewacu de nia en e m’e Kristu m’ubimo.

Tic Mi Jukwenda 24:5

Kum wanwang’u ng’atu maeni en e jaganda, e jathub ali i kind Juyahudi ceke i ng’om ngung’, man en e jatel wi weg pokri mi Junazareti:

Tic Mi Jukwenda 5:28

ewacu kumae, Wang’olo iwu ma tek ya kud wuponj ku nying’ maeni: nen, wuromo Yerusalem ceke ku ponji mu, wuyenyo wukel rimb ng’atuno i wiwa de.

Tic Mi Jukwenda 7:54

E ka giwinjo gin maeni ethumo adundegi, man ging’enjo lakgi i kume.