Amos 7:1 - The Holy Bible In Alur (Lur) Revised Orthography

¹ Rwoth Yehova nyutho ira kumeni: man, nen, ecwio bonyo i thekri mi loth mi giratwia ma cen; man, nen, en e giratwia ma cen yo ng’ei nyar m’ubimo nyaru.

Amos 7:1 ပူးပေါင်းရင်းမြစ်များ

Isaya 33:4

Man jubicoko ayeki mu calu ukoko coko: calu bonyo por e dhanu bipor i wie kumeca.

Yeremia 24:1

Yehova nyutho ira, man, nen, katoko ario mi nyingubolo ubedo aketha i wang’ hekalu pa Yehova, yo ng’ei yak ma Nebukadrezar m’ubimo mi Babeli yaku ko Yekonia ma wod Yehoiakim, m’ubimo mi Yuda, ku judongomawijo mi Yuda, ku jubodho man weg uka, kud i Yerusalem, m’eterogi de i Babeli.

Ezekiel 11:25

Alund ayero gin ceke ma Yehova nyutho ira ni ju mi ng’eca.

Yoel 1:4

Maeno m’udong’ ma nyathi bonyo camu ngo bonyo camu; man maeno ma bonyo weko kukun ucamu; man maeno ma kukun uweko nyathin abirbir ucamu.

Yoel 2:25

Man abidwoko iwu rundi ma bonyo camu i ie, ku nyathi bonyo, man nyathin abirbir, ku kukun, njuru asikari para ma dit m’aoro i kindwu.

Amos 4:9

Agoyowu ku motho man laimo: ukoko camu udul pothi mu man podho mir ulok mu ku yendubolo mu man yendulam mu: ento wudwogo ngo i bang’a, Yehova wacu.

Amos 7:4

Rwoth Yehova nyutho kumeni ira: man, nen, Rwoth Yehova lwong’o pi piembri ma ku mac; e ewang’u pi ma dit, man eyenyo ewang’ ng’om kot.

Amos 7:7

Enyutho ira kumeni: man, nen, Rwoth ucungo i ng’et gang’kidi ma jutimo ku thol m’atira, ku thol m’atira i cinge.

Amos 8:1

Rwoth Yehova nyutho ira kumeni: man, nen, katoko mi nying’ cwir.

Zekaria 1:20

Man Yehova nyutho ira jubodho mir umbu ang’wen.

Malaki 3:11

Man abijuko jacam piny piwu, man ebinyotho nying’ ng’om mu ngo; kadok ulok mu de bioyo nyinge ngo i podho ma fodi nindone kutundo ngo, Yehova mir udul uwacu.