Amos 6:2 - The Holy Bible In Alur (Lur) Revised Orthography

² Wukadh ba Kalne, e wunen; man ugambre kuca wucidh ba Hamath ma dit; wulund wulor piny ba Gath mi Jufilisti: gi ber ma sagu thek maeni? kadi kieu migi dit ma sagu kieu mu?

Amos 6:2 ပူးပေါင်းရင်းမြစ်များ

Thangambere 10:10

Man thekri mi ker pare en e Babel, man Erek, man Akad, man Kalne, i ng’om Cinar.

2 Samwil 8:9

Man kinde ma Toi m’ubimo mi Hamath uwinjo nia Daudi goyo udul ceke pa Hadadezer,

1 Ubimo 8:65

Kum kumeno Suleman uketho agba i nindo maeca, gikud Israel ceke, cokri ma dit, ugambre i kamondo mi Hamath cil kum kulo mi Misiri, i wang’ Yehova Mungu mwa, ceng’ abiro man ceng’ abiro, en e ceng’ apar wi ang’wen.

2 Ubimo 17:24

Man ubimo mir Ascur ugamu dhanu kud i Babeli, man kud i Kutha, man kud i Ava, man kud i Hamath ku Sefarvaim, man ekethogi i adhura mi Samaria, kaka nyithindho mir Israel; e gimwonyo Samaria, man gibedo i adhurane.

2 Ubimo 17:30

E dhanu mi Babeli gitimo Sukoth benoth, man dhanu mi Kuth gitimo Nergal, dhanu mi Hamath de gitimo Acima,

2 Ubimo 18:34

Mungu mi Hamath, man mi Arpad gini kani? mungu mi Sefarvaim, mi Hena, man mi Iva gini kani? gibodho Samaria kud i cinga?

2 Ubimo 19:13

Ubimo mir Hamath eni kani, man ubimo mir Arpad, man ubimo mir adhura mi Sefarvaim, mi Hena, man Iva?

2 Lemkei 26:6

E ewok woko man etimo ali kum Jufilisti, man erwombo gang’kidi mi Gath piny, ku gang’kidi mi Yabne, man gang’kidi mir Acdod; e egomo adhura i ng’om mi Acdod, man i kind Jufilisti.

Yeremia 49:23

Lembe mi Dameski. Junyayu lewic wi Hamath, kud Arpad; kum giwinjo lembe ma rac, giloi: can ni wi nam; ecopo bedo yo ngo.

Nahum 3:8

I ber ma sagu No-amon, ma yang’ ubedo i kind kulo ma dongo, m’ubedo ku pi m’utieke gbur; ma ot ma tek pare en e nam, man gang’ pare en e mi nami?

1 Samwil 17:23

Man kinde ma gibeweco gikugi, nen, jarukara wodhre, ku kind udul Jufilisti, en e Jafilisti ma Gath, ma nyinge Goliath, man eyero calu ebedeyero: e Daudi winjogi.

1 Samwil 17:4

Man jarukara acel uai kud i ka ma Jufilisti gonjo i ie, ma nyinge Goliath, ma Gath, ma kadongone bot abusiel ku katumbla.

1 Samwil 5:10

Kum kumeno gioro sanduk pa Mungu i Ekron. Man etimbre, kinde ma sanduk pa Mungu bino Ekron, nia Juekroni giywak, giwacu kumae, Gikelo sanduk pa Mungu mir Israel i bang’wa, kara unegwa ku dhanu mwa.

1 Samwil 5:8

Ka kumeno gioro kwenda man gicoko judongo ceke mi Jufilisti i bang’gi, man giwacu kumae, Wabitimo ang’o ku sanduk pa Mungu mir Israeli? Man giloko lembe kumae, Wek juter sanduk pa Mungu mir Israel i Gath. Man gitero sanduk pa Mungu mir Israel kuca.