Amos 5:7 - The Holy Bible In Alur (Lur) Revised Orthography

⁷ Wun ma wuloko pokolembe ni yendadra, man wubayu bedopwe i ng’om.

Amos 5:7 ပူးပေါင်းရင်းမြစ်များ

Zaburi 125:5

Ento ni wadi ju m’ulokri cen ba yo migi mi gondri, Yehova bitelo wigi karacelo ku jutimkier. Kwiocwiny ubed wi Israel.

Zaburi 36:3

Lembe mi dhoge gikier man abombi: Eweko bedo riek man timo ber.

Lembrieko 21:7

Rop mi judubo biyweyogi woko, Kum gikwero timo lembapoka.

Isaya 1:23

Judongomawijo peri gijai, man gi juwadi jukwo; kubang’gi kubang’gi ng’atuman umaru jamng’om, man elubo tok sukulia: e gipoko lembe mi kic ungo, kadok lembe pa dhaku ma cware tho de wok i bang’gi ngo.

Isaya 10:1

Can wi ju ma ng’olo lembang’ola mi gondri, man ni jugor ma goro lembang’ola ma kite mbe;

Isaya 46:12

Wuwinja, wu ju ma cwinywu tek, ma wu bor ku bedopwe:

Isaya 5:20

Can ni ju ma lwong’o dubo ya ber, man gin ma ber ya dubo; ma ketho mudho ni der, man der ni mudho; ma ketho gin ma kec ni gin ma mit, man gin ma mit ni gin ma kec!

Isaya 5:7

Kum podho mir ulok pa Yehova mir udul en e ot mir Israel, man dhanu mi Yuda gi yen m’apidha pare ma ber: man egeno pokolembe, ento, nen, dim; egeno bedopwe, ento, nen, ywak.

Ezekiel 18:24

Ento kinde ma ng’atu ma pwe lokre cen kud i bedopwe pare, man etimo kier, etimo calku ginmajudagu ceke ma jadubo timo, ebibedo kwo? Jubipoi ungo pi tic pare ma pwe moko m’etimo: i kier pare m’ekier, man i dubo pare m’edubo, ebitho i igi.

Ezekiel 3:20

Kendo, kinde ma ng’atu ma pwe lokre ku ba bedopwe pare, man etimo kier, man aketho gin ma jukier i kume i wang’e, ebitho: kum ipoye ngo, ebitho i dubo pare, man tic ma pwe m’etimo jubipoi pire ngo; ento abilwong’o rimo pare i cingi.

Ezekiel 33:18

Kinde ma ng’atu ma pwe lokre cen ku bedopwe pare, man etimo kier, ebitho i ie.

Hoseya 10:4

Giweco lembe mananu, ma gibekwong’o kwong’ mi ndra i timo lembariba: ka kumeno lembapoka wodhre calu yen ma kec i thuthu mi podho.

Amos 2:3

man abikabu japoklembe kud i kinde, man abinego judongomawijone karacelo kude, Yehova wacu.

Amos 3:10

Kum ging’eyo timo ber ungo, Yehova wacu, gi ju ma gikanu rop kud ayeki i udi mi ker migi.

Amos 6:12

Riuni biringo wi cana? ng’atu moko bifuro kuca ku koni dhiang’i? ma nia wulok pokolembe ni ulecu, man nying’ bedopwe ni yendadra;

Mika 3:9

Wuwinj maeni, akwayuwu, wu juwic mi ot pa Yakobo, man jubim mi ot mir Israel, ma wudagu pokolembe, man ma wuroco lem m’atira ceke.

Habakuk 1:4

Ka kumeno cik ukwio, man pokolembe wok ki ngo; kum judubo gitieko weg bedopwe; ka kumeno pokolembe wok woko m’egondre.

Zefania 1:6

ku ju m’udok cen kum lubo Yehova; ku ju m’uyenyo Yehova ngo, kadi m’upenje de ngo.

Poi Mi Cik 29:18

kara ng’atu moko kud ubed i kindwu, ng’atu ma nico, kadi dhaku, kadi juot, kadi suru, ma adundene lokre cen tin ku ba Yehova Mungu mwa, kara ecidh etim ni mungu mi thek maeno; kara ulag piny kud ubed i kindwu ma cego adra ku sengi;