Amos 5:5 - The Holy Bible In Alur (Lur) Revised Orthography

⁵ ento kud wuyeny Beth-el, kadi kud wumond i Gilgal, man kud wukadh i Ber-ceba: kum Gilgal bicidho i ng’eca andha, man Beth-el bidoko gin mananu.

Amos 5:5 ပူးပေါင်းရင်းမြစ်များ

Thangambere 21:31

Kum kumeno elwong’o kakeca Ber-ceba; kum gin ario gikwong’o kwong’ keca.

Thangambere 21:33

Man Ibrahim upidho yen i Ber-ceba, man elwong’o nying’ Yehova keca, Mungu mi Nja.

Thangambere 26:23

Man eidho malu ku keca i Ber-ceba.

Thangambere 26:33

Man elwong’e Ceba: ka kumeno nying adhurane en e Ber-ceba cil i ceng’ ma tin.

1 Ubimo 12:28

Kum kumeno ubimo poro lembe, man etimo nyithi dhiang’ ario mi mola ma kwar; man ewacu igi kumae, Idho malu Yerusalem tek iwu: nen mungu peri, E Israel, m’ukeli malu kud i ng’om Misiri.

1 Ubimo 12:29

Man eketho acel i Beth-el, man mucelo eketho i Dan.

2 Ubimo 23:8

Man ewodho julam ceke woko kud i adhura mi Yuda, man ecido ka ma malu ma naka julam wang’u ie udok ma ng’wice ng’ar, ugambre Geba cil kum Ber-ceba; man emoro gang’ mi ka ma malu piny ma gini i kamondo mi dhugang’ pa Yocuwa ma jabim mir adhura, ma gini yo ku cing’ dhanu ma yor acwic ma ni dhugang’ mir adhura.

Kitabu Pa Yob 8:22

Ju m’udegi bironjri ku lewic; E hema mi judubo bibedo mbe kendo.

Zaburi 33:10

Yehova thiro lembapora mi thek; Eketho pidoic mi kodhidhanu doko mananu.

Isaya 29:20

Kum judwoko ng’atu mi ndiri ni gin mananu, e jacac uthum, man jukabu dhanu ceke m’ukio kier cen;

Isaya 8:10

Wupor lembe karacelo, e jubidwoke mananu; wuyer lembe, e ebicungo ngo: kum Mungu ni karacelo kudwa.

Yeremia 48:13

E lewic binego Moab kum Kemoc, calu lewic unego ot mir Israel kum Beth-el ma genogen migi.

Hoseya 10:8

Ka ma malu bende mir Aven, ma dubo mir Israel, jubinyotho: ukudho kud ucok bitwi wi pemblam migi; e gibiwacu ni gudi kumae, Umwa; man ni ungulu gudi kumae, Podh i wiwa.

Hoseya 12:11

Gilead en e kieri? gi gin mi ndra kende; i Gilgal gilamu thwoni dhiang’; eyo, pemblam migi calu udhuru mi thuthu mi podho.

Hoseya 4:15

Kadok in, Israel, itimo tarwang’, ento Yuda kud ukier; man kud wubin i Gilgal, kadok kud wuidh Beth-aven, kadi kud wukwong’ kwong’ kumae, Calu Yehova bedo kwo.

Hoseya 9:15

Dubo migi ceke ni i Gilgal; kum adagugi keca: kum dubo mi tic migi abiriemogi woko kud i ot para; abimarugi kendo ngo; judongomawijo migi ceke gi juco.

Amos 1:5

Man abituro utwindi mi Dameski, man abikabu ng’atu m’ubedo i poga mir Aven woko, ku ng’atu m’umaku uluth mi ker kud i ot mir Aden; e dhanu mi Cami bicidho i ng’eca cil kum Kir, Yehova wacu.

Amos 3:14

Kum i nindo m’abiliewo gondri mir Israel i wie, abiliewo pemblam mi Beth-el bende; man tung pemblamne bithumbre woko, man gibipodho i ng’om.

Amos 4:4

Wubin ba Beth-el, man wudubi; ba Gilgal, man wumed dubo; man wukel lam mu ku ba rupiny ku ba rupiny, man apaje ma ku ba ceng’ adek ku ba ceng’ adek;

Amos 7:10

Amazia ma jalam mi Beth-el ulund uoro kwenda ba Yeroboam m’ubimo mir Israel, ewacu kumae, Amos uthubo ali i kumi i kind ot mir Israel: ng’om copo ciro lembe pare ceke ngo.

Amos 7:13

ento kud ieu lembe mange kendo i Beth-el; kum en e kamaleng’ p’ubimo, man en e odker.

Amos 7:17

ka kumeno Yehova wacu kumae: Cegi bibedo won asara i adhura, man woti ku nyigi bipodho ku palamularu, man jubipoko ng’om peri ku wang’piny; man in giri ibitho i ng’om m’ucido, e jubiyaku Israel kud i ng’om pare andha.

Amos 7:9

man ka ma malu pa Isak bibedo ni uvuru, man jubidwoko kamaleng’ mir Israel ni uvuru; e abiai kum ot pa Yeroboam ku palamularu.

Amos 8:14

Ju ma kwong’o kwong’ ku dubo mi Samaria, man giwacu kumae, Calu mungu peri bedo kwo, E Dan, man, Calu yo mi Ber-ceba bedo kwo; gibipodho, e gibiai kendo ngo.

1 Jukorinto 1:28

man ke gin ma rac m’i ng’om, ku gin ma jucayugi de, e ma Mungu foyo, ku gin ma gimbe de, kara eketh gin ma ginuti gidok mananu:

1 Jukorinto 2:6

Wayero rieko, ento, i kind ju ma wang’gi teng’ni kum lembe: ere rieko m’i ng’om maeni ngo, kadi mi jubim m’i ng’om maeni ngo, ma kakare bibekadhu:

Poi Mi Cik 28:41

Ibinyolo nyithindho ma co ku nyithindho ma nyir, ento gibibedo peri ngo; kum gibicidho i ng’eca.

Yocuwa 5:9

E Yehova wacu ni Yocuwa kumae, I ceng’ maeni ang’ielo lewic mi Misiri kud i kumwu cen. Kum kumeno nying’ ka maeno julwong’o Gilgal, cil i ceng’ maeni.

Lembanyutha 18:17

kum i saa acel thwo lonyo ma rokeni ngi juketho edong’ lwe. Man weg combo ceke kubang’gi, ku dhanu ceke kubang’gi m’uwotho ka moko ku wi pi, ku jutic mi combo, ku dhanu ceke ma ginwang’u kuloka migi ni kum nam, gicungo ku bor,

1 Samwil 11:14

Samwil ulund uwacu ni dhanu kumae, Wubin, man dong’ wacidhu Gilgal, man wadwoku ker nyen keca.

1 Samwil 7:16

Man ecidho ku ba rundi ku ba rundi elworo ko Beth-el, man Gilgal, ku Mizpa, man epoko lembe mir Israel i ka maeno ceke.

1 Samwil 8:2

Nie nying’ kayu pare en e Yoel; man nying’ wode mir arionde, Abija: gi jupoklembe i Ber-ceba.