Amos 5:3 - The Holy Bible In Alur (Lur) Revised Orthography

³ Kum Rwoth Yehova wacu kumae: Adhura ma wok woko rubanga donge bidong’ dak, man ma wok woko dak donge bidong’ apar, ni ot mir Israel.

Amos 5:3 ပူးပေါင်းရင်းမြစ်များ

Zaburi 144:14

Kinde ma ter ni wi koni dhiang’ mwa; Kinde ma juturo ngo mi mondo man juwok woko de ngo, Man ywak de mbe i gengi mwa:

Isaya 1:9

Tek Yehova mir udul kuweko iwa nyathi dong’ dhanu moko ngo, kuno di wabedo calu Sodoma, kuno di wabedo calu Gomora.

Isaya 10:22

Kum kadok dhanu peri, ma Israel, bedo calu kwio mi nam, donge kende e ma gibidwogo: jukeco nyoth, m’upong’ hau ku bedopwe.

Isaya 6:13

Man tek fodi apaje ni i ie, en bende jubiwang’e: calu yen ma nok, man calu bongu, ma dunde dong’, kinde ma juredhogi piny; e kumeca kodhi ma leng’ en e dunde.

Ezekiel 12:16

Ento abiweko dhanu ma nyanok m’i kindgi ni palamularu, man ni ndru, man ni thong’om; kara giyer pi ginmajudagu migi ceke i kind thek ka ma gicidho i ie; e gibing’eyo nia an a Yehova.

Amos 6:9

Man ebitimbre, tek dhanu ma co apar udong’ i ot acel, nia gibitho.

Jurumi 9:27

Isaya bende ekok pir Israel kumae, Tek wel mi nyithindho p a Israel ubedo calu kwio ma dhu nam, donge e ma biboth:

Poi Mi Cik 28:62

E welwu bidong’ nok, ento nwang’u wubedo calu cero m’i polo ni udul; kum iwinjo dwand Yehova Mungu peri ngo.

Poi Mi Cik 28:63

Man ebitimbre, nia, calu anyong’a nego Yehova i kumwu kara etimwu ber, man emedwu, e anyong’a binego Yehova i kumwu kumeca m’erwiny kowu, man m’enyoth kowu de; e jubiyakuwu kud i ng’om m’imondo i ie nimwonye.

Poi Mi Cik 4:27

E Yehova bikethowu i kind kodhidhanu, man wel mu bidong’ nok i kind thek, ka ma Yehova biterowu i ie cen.