Amos 5:2 - The Holy Bible In Alur (Lur) Revised Orthography

² Nyaku ma ng’won mir Israel upodho; ebiai kendo ngo: juredhe piny wi ng’om pare; ng’atu moko mbe m’uting’e malu.

Amos 5:2 ပူးပေါင်းရင်းမြစ်များ

2 Ubimo 15:29

I nindo pa Peka m’ubimo mir Israel, Tiglat-pileser m’ubimo mir Ascur ubino, man emaku Ijon, kud Abelbeth-maka, man Yanoa, man Kedec, ku Hazor, man Gilead ku Galilaya, man ng’om ceke pa Naftali; e eyakugi ni ng’eca i Ascur.

2 Ubimo 17:16

E giweko lembang’ola ceke pa Yehova Mungu migi, man gitimo igi ayi gin m’acwia m’atwaga, en e nyithi dhiang’ ario, e gitimo mungu m’araga, man girwo ni udul ceke m’i polo, man gitimo ni Bal.

Isaya 14:21

Wuyik nek ni nyithindho pare kum kier mi kwarugi, kara ku giai, gimwony ng’om de, man gipong’ wang’ ng’om kud adhura.

Isaya 24:20

Ng’om bimiel calu ng’atu m’umer ku kong’o, man ebiyengre calu voi; man gondrine bibedo pek i wie, e ebipodho, man ebiai kendo ngo.

Isaya 3:8

Kum Yerusalem unyothre, man Yuda podho; kum lebgi ku giratima migi en e kum Yehova, kara unyai ng’ecwiny i wang’ dwong’ pare.

Isaya 37:22

maeni lembe ma Yehova yero pire: Nyasayuni ma ng’won ucei man eng’ieri hai; Nyayerusalem uyengo wie i kumi.

Isaya 43:17

en e ng’atu m’uwodho magali ku riuni, man njuru asikari ku ng’atu ma jarukara (givuto piny karacelo, gibiai ungo; gimbe, junegogi calu bonguthala):

Yeremia 14:17

Man ibiwacu lembe maeni igi kmnae, Wek wang’a mol piwang’ diewor ku dieceng’, man ku gicoki; kum nya dhanu para ma sumba tur ku tur ma dit, ku lero ma rac dit.

Yeremia 18:13

Ka kumeno Yehova wacu kumae: Kawono wupenj i kind thek, ya ng’a m’uwinjo wagi ginduni; nyaku ma sumba mir Israel utimo gin ma judagu hai.

Yeremia 2:27

m’uwacu ni dundyen kumae, In i vwa; man ni kidi kumae, Inyola: kum giloko ng’eigi ira, wang’gi re ngo; ento i nindo mi can migi gibiwacu kumae, Ai, man ibodhwa.

Yeremia 31:4

Abigomi kendo, e ibigombri, E nyaku ma sumba mir Israel: ibibedo aruka ku jambruko peri kendo, man ibiwok woko i miel mi ju m’utimo mutoro.

Yeremia 4:20

Jukok pi nyoth wi nyoth; kum judwoko ng’om dho ni uvuru: hema para nyothre pio, man bongu m’ang’aba para i nindo ma nyagwil.

Yeremia 50:32

E ng’atu ma jakuhaya bikier man ebipodho, man ng’atu moko mbe ma biting’e malu; e abicwinyo mac i adhura pare, man ebiwang’u ceke m’utieke gbur.

Yeremia 51:64

man ibiwacu kumae, Babeli bimwony kumeni, man ebiai kendo ngo kum lem ma rac m’abikelo i kume; man gibiol. Lembe pa Yeremia tundo kumeni.

Yeremia 8:4

Mange ke ibiwacu igi kumae, Yehova wacu kumae: Dhanu bipodho, man gibiai kendo ngo? ng’atu moko bilokre cen, man ebidwogo ngo?

Yeremia 9:21

Kum tho idho malu i wang’ udi mwa, emondo i udi ma beco mwa; kara ukab nyithindho ku woko, man awobi kud i gengi.

Yeremia 9:9

Abiliewogi ngo kum gin maeni? Yehova wacu; jubiculo kwor ni ng’eyong’ec para ngo kum wadi thek ma calu maeni?

Ywak 2:13

Abituco ang’o iri? abipori kud ang’o? E nya Yerusalemi? Abipori kud ang’o, kara ajuki, E nyaku ma ng’won ma nya Sayuni? Kum giratura peri e dit calu nam: ng’a ma copo cengi?

Hoseya 14:1

E Israel, dwog ba Yehova Mungu peri; kum ipodho kum kier peri.

Hoseya 6:2

Yo ng’ei ceng’ ario ebiketho wacer: i ceng’ mir adege ebiting’owa malu, man wabikwo i wang’e.

Amos 8:14

Ju ma kwong’o kwong’ ku dubo mi Samaria, man giwacu kumae, Calu mungu peri bedo kwo, E Dan, man, Calu yo mi Ber-ceba bedo kwo; gibipodho, e gibiai kendo ngo.

Amos 9:11

I ceng’ maeca abiting’o hema pa Daudi m’upodho, man abiculo ka in’umome; man abiting’o gire m’ubam malu, e abigome calu i ceng’ ma con;