Amos 5:1 - The Holy Bible In Alur (Lur) Revised Orthography

¹ Wuwinj lembe maeni m’ating’o mi ywak i wiwu, E ot mir Israel.

Amos 5:1 ပူးပေါင်းရင်းမြစ်များ

Yeremia 18:13

Ka kumeno Yehova wacu kumae: Kawono wupenj i kind thek, ya ng’a m’uwinjo wagi ginduni; nyaku ma sumba mir Israel utimo gin ma judagu hai.

Yeremia 7:29

Nyar yukwii, E Yerusalem, man ibaye cen, man iting’ ywak wi ka m’utingre ma lelele; kum Yehova kwero man ekuno dhanum’utuk mi kwinyo pare.

Yeremia 9:10

Abimoc ywak ku goyonduru pi gudi, man awu pi kakwae m’i langa, kum giwang’ kot, ketho nia ng’atu moko kadhu ngo kud i ie; kadi dhanu de copo winjo dwand lim ungo; winyo ma kor polo ku yedi de giringo, gimbe.

Yeremia 9:17

Yehova mir udul uwacu kumae, Iwu pidi, man wulwong’ mon ma juywak, kara gibin; man wulwong’ mon ma riek, kara gibin:

Yeremia 9:20

Ento wuwinj lembe pa Yehova, E wu mon, man wuwek ithwu jol lembe m’i dhoge; man wuponj nyigwu ku goyo nduru, man ku ba dhanu ku ba dhanu ng’atuman uponj wadi ku wejawu.

Yeremia 9:9

Abiliewogi ngo kum gin maeni? Yehova wacu; jubiculo kwor ni ng’eyong’ec para ngo kum wadi thek ma calu maeni?

Ezekiel 19:1

Man kendo, ting’ ywak pi judongomawijo mir Israel,

Ezekiel 19:14

Man mac uai kud i dul mi jange, ewang’u nyinge, ketho nia uluth ma tek umbe kara ubed ni uluthker m’ubim. Maeni ywak, man ebibedo ni ywak.

Ezekiel 26:17

E gibiting’o ywak i wii, man gibiwacu iri kumae, Inyothri mire, in ma naka junam bedo ii, en e adhura ma pire yik, m’ubedo tek i nam, en ku ju m’ubedo i ie de, m’uketho ndiri migi bed wi dhanu ceke m’ubedo kuca!

Ezekiel 27:2

Man in, wod dhanu ting’ ywak wi Turo;

Ezekiel 28:12

Wod dhanu, ting’ ywak wi ubimo mi Turo, man iwac ire kumae, Rwoth Yehova wacu kumae: Imwono ayi kum wel, pong’ ku rieko, man ndhu cu i leng’.

Ezekiel 32:16

Maeni ywak ma gibiywak kudo; nyig thek biywak kudo; wi Misiri, man wi udul pare ceke, gibiywak kudo, Rwoth Yehova wacu.

Ezekiel 32:2

Wod dhanu, ting’ ywak wi Farao m’ubimo mi Misiri, man iwac ire kumae, Jupori ku nyathin umvor m’ara du mi thek; ento in i calu thwol m’i nam; man idhenjri ku kulo ma dongo peri, man idhenyo pi ku tiendi, icido kulo ma dongone de.

Amos 3:1

Wuwinj lembe maeni ma Yehova yero i kumwu, E nyithindho mir Israel, kum juot dho m’awodhowu woko kud i Misiri, ewacu kumae,

Amos 4:1

Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Amos 5:16

Ka kumeno Yehova, Mungu mir udul, ma Rwoth, uwacu kumae: Ywak bibedo i gengi ceke: man gibiwacu kumae i wang’ayo ceke, Akayo! akayo! man gibilwong’o jatipodho ba ywak man wadi ju ma gi riek ku ywak ni goyonduru.

Amos 8:14

Ju ma kwong’o kwong’ ku dubo mi Samaria, man giwacu kumae, Calu mungu peri bedo kwo, E Dan, man, Calu yo mi Ber-ceba bedo kwo; gibipodho, e gibiai kendo ngo.

Mika 2:4

I ceng’ maeca gibiting’o lembabola i kumwu, man gibiywak ku ywak mi can, e gibiwacu kumae, Wanyothra ma gwei: eloko makapiny mi dhanu para: ekabe woko kud i bang’a mire! epoko pothi mwa ni juco.