Amos 4:7 - The Holy Bible In Alur (Lur) Revised Orthography

⁷ Man acero koth bende iwu, ma fodi dwi mi mwoka dong’ adek; man aketho koth ucwi wi adhura acel, e acere ku cwi wi adhura mange: koth ucwi wi ng’et ng’om acel, e ng’et ng’om ma koth ucwi ngo i wie ener.

Amos 4:7 ပူးပေါင်းရင်းမြစ်များ

Ai 10:22

E Musa rieyo cinge yor i polo; man mudho ma bii yutho wi ng’om Misiri ceke ceng’ adek;

Ai 10:23

ginendri ngo, kadok ng’atu moko de mbe m’uai ku i kakare mi ceng’ adek: ento nyithindho mir Israel ceke gibedo ku der i kabedo migi.

Ai 8:22

Man abikoyo ng’om Gocen i ceng’ maeca, ma dhanu para bedo i ie, kara udul ulwang’ni moko kud ubed kuca; kara ing’ei nia an a Yehova i die ng’om.

Ai 9:26

Pei mbe i ng’om Gocen kende, ka ma nyithindho mir Israel ni i ie.

Ai 9:4

E Yehova bikoyo lim mir Israel ku lim mi Misiri; man gin moko mbe ma bitho ma en e mi nyithindho mir Israel.

Isaya 5:6

e abidwoke ni uvuru; jubilwere ngo kadi afura de ngo; ento ucok kud ukudho bitwi: abing’olo ni afuru bende kara ku gikonj koth moko i wie.

Yeremia 14:22

Gin moko nuti i kind gin ma ie nanu mi thek ma copo konjo kothi? kadi polo copo mio koth ma core? in i en ungo, E Yehova Mungu mwa? ka kumeno wabikuri; kum itimo gin maeni ceke.

Yeremia 14:3

Man judongo migi oro nyithindhgi ba pi: gibino ba pi m’atong’a, man ginwang’u pi ngo; gidwogo kud agulu migi ma ie nanu; lewic umakugi man cwinygi ng’abre, man giumo wigi.

Yeremia 14:4

Lewic umaku jufur giumo wigi, kum ng’om ukak, kum koth umbe i ng’om.

Yeremia 3:3

Ka kumeno jucero koth ma core man koth ma cen umbe; ento ibedo ku nyimwang’ pa won asara, ikwero lewic kud unegi.

Yoel 2:23

Ka kumeno anyong’a negwu, wu nyithindho mi Sayuni, man anyong’a negwu kum Yehova Mungu mu: kum emio iwu koth ma kwong’a i mukero ma pwe, man ekonjo koth iwu, koth ma kwong’a man koth ma cen, i dwi ma kwong’ane.

Zekaria 14:17

Man ebibedo, nia ng’atu ma mi juudi ceke mi ng’om ma kuidho malu i Yerusalem ungo nirwo ni Ubimo, Yehova mir udul, koth bicwi i wigi ngo.

Yohana 4:35

Wuwacu ngo, Fodi dwi dong’ ang’wen, ka kakaicam biwoki? nen, awacu iwu kumae, Wung’ai weng’wu malu, wunen pothi, ya gidaru thwo mir akaya.

1 Jukorinto 4:7

Kum ng’a m’uketho idok tung’i? man ke girang’o m’ibedo ko ma k’igamu agama iri ngo? ento tek igamu agama, idong’ iheri nedi calu k’igamu agama ngo e?

Poi Mi Cik 11:17

e ng’ecwiny pa Yehova maru opo i wiwu, man emaru ketho polo kang’, ketho koth ubed umbe, e ng’om de maru cego nyinge ngo; man wumaru nyothru pio kud i ng’om ma ber ma Yehova mio iwu.

Yakobo 5:17

Elia en e ng’atu ma ku kum calu wan, man erwo ma tek ya koth kud ucwi; e koth ucwi ngo i ng’om rundi adek ku dwi abusiel.

Lembanyutha 11:6

Joni gi weg tego ma giciko ko polo, kara koth kud ucwi cil i ceng’ mi lembila migi: man gi weg tego wi pi ma giloko kogi ni rimo, ma gigoyo ko ng’om de ku masendi kubang’gi nzu, ku ba nindo ceke ma giyenyo.