Amos 4:5 - The Holy Bible In Alur (Lur) Revised Orthography

⁵ man wuthier lam mi foc mi gin ma ie ju thobi, man wuyer pi lam mi berocwiny man wurwei pigi: kum maeni nyayu mutoro i iwu, E nyithindho mir Israel, Rwoth Yehova wacu.

Amos 4:5 ပူးပေါင်းရင်းမြစ်များ

Zaburi 81:12

Kum kumeno aweko gilub tok lembe ma adundegi yenyo, Kara giwoth ku lembapora migi gigi.

Isaya 1:1

Ginmawokiwang’ pa Isaya ma wod Amoz, m’eneno pi Yuda ku Yerusalem, i nindo pa Uzia, ku Yotham, man Ahaz, ku Hezekia, ma gin ubimo mi Yuda.

Isaya 1:11

Udul lam mu en e ang’o ira? Yehova wacu: lam m’awang’a mi nyogi rombe, ku mio mi lim ma jukakugi ku cam uroma; man anyong’a nega ngo kum rim thwoni dhiang’, kadi mi nyithi rombe, kadi mi nyogi diegi.

Yeremia 7:10

man wubibino wubicungo i wang’a i ot maeni, m’ulwongre ku nyinga, man wubiwacu kumae Waboth; kara wutim ginmajudagu maeni ceke?

Yeremia 7:9

Wubikwalu, ku negonek, ku dubri swa, ku kwong’o ku ndra, man wang’u udok ma ng’wice ng’ar ni Bal, ku wotho tok mungu mange ma fodi wukung’eyo ngo,

Hoseya 9:1

Anyong’a kud unegi, E Israel, ni mutoro, calu kodhidhanu; kum itimo tarwang’, m’iweko ko Mungu peri; imaru sukulia wi lelacam kubang’e kubang’e.

Hoseya 9:10

Anwang’u Israel calu nyingulok i langa; aneno kwaruwu calu nyingyen ma kwong’a i kind yendubolo i nindo pare ma kwong’a: ento gibino ba Bal-peor, man githieri gigi ni gin mi lewic, e gidoko ni ginmajudagu calu gin ma gimaru.

Lembe Mi Julawi 23:17

Wukel kwen m’ang’ina ario m’awira mi ng’ete mir apaje ario ma i katoko ku i kabedo mu: gibibedo mi mogo ma yom, jubitedogi ku thobi, ni nying’ ma kwong’a ni Yehova.

Amos 5:21

Adagu, acayu agba mu, man anyong’a binega ki ngo kum cokri mu mi rwo.

Amos 5:22

Eyo, kadok wuthiero ira lam m’awang’a mu ku lam mi mogo mu, abijologi ngo; kadok lam mi kwiocwiny mu mi lim mu m’ucwe de abiparu pire ngo.

Matayo 15:9

Ento girwo i bang’a mananu, Ma giponjo ko cik mi dhanu ni ponji migi.

Matayo 23:23

Can i wiwu, jugorcik ku Jufarisayo, weg ambili! kum wumio apaje mir ukuju, ku thoki, man atingli, man wuweko gin ma pek mi cik, ku pokolembe ma pwe, man kisa, ku yioyic: ento emaku wutim gin maeni, man kud wuwek timo gin maeni de.

Matayo 6:2

Ka kumeno kinde m’imio giramia kud ikudh agwara i weng’i, calu weg ambili timo i kacokri kud i gengi de, kara ginwang’ dwong’ ba dhanu. Awacu iwu andha kumae, Gidaru maku sukulia migi.

Jurumi 1:28

Man cil calu gikwero bedo ku Mungu i ng’eyong’ec migi, Mungu kuriogi ni pidoic ma rac, ma gitimo ko gin ma maku ku jutim;