Amos 4:1 - The Holy Bible In Alur (Lur) Revised Orthography

¹ Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Amos 4:1 ပူးပေါင်းရင်းမြစ်များ

1 Ubimo 16:24

Man eng’iewo ungulu got ma Samaria ba Cerner mi talanto mi mola ma tar ario; man egomo wi ungulu gode, e elwong’o nying adhurane m’egomo, calku nying’ Cerner, ma won ungulu gode, ma Samaria.

Kitabu Pa Yob 20:19

Kum esendo man ekuno jucan; Eyaku ot ku rop, m’egomo ngo.

Kitabu Pa Yob 24:4

Giloko jacanpiny kud i yo: Jucan ceke m’i ng’om pondo gigi,

Zaburi 12:5

Kum masendi pa jacan, kum cur pa jacanpiny, Abiai kawono, Yehova wacu; Abikethe i kaboth m’eyenyo.

Zaburi 140:12

Ang’eyo nia Yehova bicungo kum lembe mi ju ma jusendogi, Man pokolembe mi jucanpiny.

Zaburi 22:12

Thwoni dhiang’ dupa gitieka, Thwoni dhiang’ ma tek mi Bacan gitieka gbur.

Lembrieko 22:7

Jalonyo bimo wi jacan; Man jagam banja en e jatic ni jami banja.

Eklizia 4:1

Alund adwogo man aneno masendi ceke ma jutimo the ceng’: man, nen, piwang’ mi wadi ju ma jusendogi, man jajuk moko mbe igi; man tego nuti yo ba jusend migi; ento jajuk moko mbe igi.

Eklizia 5:8

Tek ineno send ma jusendo ko jacan, man jurop ma kabu pokolembe ku lembe ma pwe i ng’om moko, ii kud uwang’ lii kum lembene: kum ng’atu ma malu ma sagu ju ma malu eneno; man ju ma ni malu nuti ma sagu gin.

Isaya 28:1

Can ni jamkermiwic mi kuhaya mi ju m’umer ku kong’o mir Efraim, man ni thiuboko m’uner mi bero pare mi dwong’, man ni wi wie mi poga ma mio mi ju ma pigulok uvoyogi mire ma!

Isaya 5:8

Can ni ju ma eoro ot kum ot wadi, ma ketho podho kum podho wadi, maram kinde moko mbe ma dong’, e juketho wubed kendwu i die ng’om!

Isaya 56:12

Wubin, giwacu, abikelo pigulok, man wabiyengra giwa ku giramadha ma lake tek; e urwo bibedo calu ceng’ maeni, ceng’ ma dit ma sagu mukero.

Isaya 58:6

Kwirocam m’afoyo e eni ngo: ya jugony twic mi dubo, jugony twic mi mberembere, man jugony ju ma jusendogi, man nia jutur mberembere ceke kubang’e kubang’e?

Yeremia 50:11

Kum wubedo ku mutoro, kum anyong’a negowu, E wun ma wuyaku aba para, kum wucwe calu rwaya m’uyoko cam, man wuywak calu riuni ma tek;

Yeremia 50:27

Wuneg thwoni dhiang’ pare ceke; wek gilor piny ba nek: can i wigi! kum ceng’ migi tundo, en e nindo mi lieu migi.

Yeremia 51:34

Nebukadrezar m’ubimo mi Babeli cama, man enyona, edwoka ni agulu ma ie nanu, emwonya calu nyang’, epong’o ie ku gin ma mit para; ebaya woko.

Yeremia 6:6

Kum Yehova mir udul uwacu kumae, Wung’ol yedhi piny, man wudhur ng’om kum Yerusalem: maeni adhura mi lieu; en e rop alikali i kinde.

Yeremia 7:6

tek wusendo umondo ngo, ku tic, ku dhaku ma cware tho, man wucwiro rimo m’umbe dubo ngo i ka maeni, kadi wuwotho tok mungu mange ngo ni can mu giwu:

Ezekiel 18:12

man etimo rac kum jacan ku jacanpiny, egamu de ku kuvuga, man edwoko mukwatu de ngo, man eting’o wang’e malu ba mungu m’araga, etimo ginmajudagu,

Ezekiel 22:12

Gigamu jamblembe mi cwiro rimo ii; igamu kuloka ku nyai, man igamu kuloka ba wedu ma kisa mbe, man wii wil pira, Rwoth Yehova wacu.

Ezekiel 22:27

Judongomawijone gi calu urudi m’ubeyeco yec i kinde, mi cwiro rimo, man mi nyotho ng’eyong’ec; kara ginwang’ kuloka mi gondri.

Ezekiel 22:29

Dhanu m’i ng’om gitimo rop, man gitimo ayeki; eyo, gisendo jacan ku jacanpiny, man gitimo umondo rac ma lembe mbe.

Ezekiel 22:7

Gicayu weggi ku meggi ii; giyenyo umondo ku rop i kindi; man gitimo kic ku dhaku ma cware tho rac i kindi.

Ezekiel 34:16

Abiyenyo maeno m’urwinyo, man abidwoko maeno ma juriemo woko, man abitwio maeno m’utur, man abimio tego ni maeno ma kume lith; ento m’ucwe ma jutego de abinyotho; abikakugi ku pokolembe.

Ezekiel 39:18

Wubicamu ring’o mi jutego, man wubimadhu rimo mi judongomawijo m’i ng’om, mi nyogi rombe, mi nyithi rombe, man mi diegi, mi thwoni dhiang’, kagi ceke lim ma mio mi Bacan.

Yoel 3:3

e gigoyo jara pi dhanu para, man gimio nyathin ma nico pi won asara, giloko nyathin ma nyaku de ku pigulok, kara gimadhi.

Amos 3:1

Wuwinj lembe maeni ma Yehova yero i kumwu, E nyithindho mir Israel, kum juot dho m’awodhowu woko kud i Misiri, ewacu kumae,

Amos 3:3

Juario biwotho karacelo, tek gikuripo pire ngo?

Amos 5:11

Ka kumeno kum wunyono jacan, man wugamu girawodha mi nganu i bang’e: wugomo udi mi kidi m’apaya, ento wubibedo i igi ngo; wupidho podho mir ulok ma ber, ento wubimadhu pigulokne ngo.

Amos 6:1

Can wi ju m’ubedo yo i Sayuni, man ni ju m’ubedo museme kum got mi Samaria, dhanu ma pigi yik mi thek ma kwong’a, ma ot mir Israel ubino i bang’e!

Amos 6:6

ma gimadhu pigulok i tabu, ma giwiri gigi de ku mo m’usagu; ento can unegogi ngo kum masendi pa Yusuf.

Malaki 3:5

E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Kitabu Mir Ang’wende Pa Musa Wel 21:33

Man gilokri giidho malu ku yo mi Bacan; e Og m’ubimo mi Bacan uwok woko i wigi, en ku dhanu pare ceke, ku lwiny i Edrei.

Poi Mi Cik 24:14

Kud isend jamiru ma mi sukulia ma jacan man jacanpiny, tek ebedo kind utumeru, kadi kind umondo peri ma gini i ng’om peri yo i dhugang’ peri:

Poi Mi Cik 28:33

Nying’ ng’om peri, ku tic mi muli peri ceke, thek m’ing’eyo ngo bicamu; e jubinuri ru anura man jubidii thiri thiri;