Amos 3:9 - The Holy Bible In Alur (Lur) Revised Orthography

⁹ Wurwei lembe i udi mi ker mi Acdod, man i udi mi ker mi ng’om Misiri, man wuwac kumae, Wucokru giwu wi gudi mi Samaria, man wunen maram yakni bedo ko dit i ie, man maram masendi bedo ko i kinde.

Amos 3:9 ပူးပေါင်းရင်းမြစ်များ

2 Samwil 1:20

Kud wuyer pire i Gath, Kud wurweye i gengi mi Ackelon; Anyong’a maru nego nyig Jufilisti, Nyig ju ma yaa mbe i kumgi maru sagu.

Lembrieko 1:13

Wabinwang’u piny ma pire tek ceke; Wabipong’o udi mwa kud ayeki;

Lembrieko 11:16

Dhaku mi bero nwang’u yung; Man dhanu ma jurop nwang’u piny.

Eklizia 4:1

Alund adwogo man aneno masendi ceke ma jutimo the ceng’: man, nen, piwang’ mi wadi ju ma jusendogi, man jajuk moko mbe igi; man tego nuti yo ba jusend migi; ento jajuk moko mbe igi.

Yeremia 31:5

E ibipidho podho mir ulok wi gudi mi Samaria kendo; jupidh bipidho, e anyong’a binegogi kum nyinge.

Yeremia 46:14

Wuyer i Misiri, man wurwei i Migdol, man wurwei i Memfis, man i Tapanhes: wuwac kumae, Cungi, man iyikri; kum palamularu camu i ng’eti gbur.

Yeremia 50:2

Wuyer i kind thek man wurwei, wuketh abera malu de; wurwei, man kud wumung’: wuwac kumae, Jumaku Babeli, junyayu lewic wi Bel, cwiny Merodak ung’abre; junyayu lewic wi ayi gin m’acwia pare, jurwombo mungu m’araga pare piny.

Ezekiel 36:8

Ento wun, E gudi mir Israel, wubilodho jengwu, man wubicego nyingwu ni dhanu para Israel, kum gini ceng’ni ku bino.

Ezekiel 37:22

man abidwokogi ni thek acel i ng’om, wi gudi mir Israel; man ubimo acel bibedo ubimo migi ceke; e gibibedo thek ario kendo ngo, kadi gibipokri ker ario kendo ki ngo;

Hoseya 7:1

Kinde m’adwoko ng’eca mi dhanu para, kinde m’ayenyo acang Israel, e kier pa Efraim uyabre, man dubo mi Samaria; kum gitimo ndra, e jakwo mondo i ie, man njuru weg ayeki nyotho piny yo woko.

Amos 1:8

Abikabu ng’atu m’ubedo i Acdod, man ng’atu m’umaku uluth mi ker kud i Ackelon; man abiloko cinga kum Ekron; man dong’ Jufilisti m’udong’ binyothre, Rwoth Yehova wacu.

Amos 4:1

Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Amos 5:11

Ka kumeno kum wunyono jacan, man wugamu girawodha mi nganu i bang’e: wugomo udi mi kidi m’apaya, ento wubibedo i igi ngo; wupidho podho mir ulok ma ber, ento wubimadhu pigulokne ngo.

Amos 6:1

Can wi ju m’ubedo yo i Sayuni, man ni ju m’ubedo museme kum got mi Samaria, dhanu ma pigi yik mi thek ma kwong’a, ma ot mir Israel ubino i bang’e!

Amos 6:3

wun ma wucoro ceng’ ma rac bor, man wuketho kom mi rop ubino ceng’ni;

Amos 8:6

kara wang’ieu jucan ku mola ma tar, man jucanpiny ku wara ario, man walok cung’ nganu?

Mika 6:10

Fodi kakanpiny mi dubo nuti i ot pa jadubo, man katoko m’urem ma en e ginmajudagu?

1 Samwil 5:1

Nwang’u Jufilisti giyaku sanduk pa Mungu, man gitere ku i Eben-ezer ba Acdod.