Amos 3:8 - The Holy Bible In Alur (Lur) Revised Orthography

⁸ Umvor rundo; ng’a ma lworo binege ngo? Rwoth Yehova yero; ng’a ma kueu lembe ngo?

Amos 3:8 ပူးပေါင်းရင်းမြစ်များ

Isaya 21:10

E in girafoda para, man cam mi lela para mire! maeno m’awinjo ba Yehova mir udul, Mungu mir Israel, ayero iri.

Isaya 31:4

Kum Yehova wacu ira kumae, Calu umvor ku nyathin umvor twak wi ayeki pare, tek julwong’o udul jukwac i kume, cwinye bing’abre ngo kum dwandgi, kadi ebijwigre gire de ngo ni kum badwandgi; e Yehova mir udul biloro piny kara ekied wi got Sayuni kumeca, man wi ungulu gode.

Yeremia 20:9

Man tek awacu kumae, Abiweco pire ngo, kadi yero kendo ngo ku nyinge, elund ebedo calu mac m’uwang’ yor i adundena ma juciko bang’e yor i cogona, man aol ku twiocwiny, e acopo ciro ngo.

Yeremia 26:12

Yeremia lund uyero ni judongomawijo ceke man ni dhanu ceke, ewacu kumae, Yehova ora kara aeu lembe ceke kum ot maeni man kum adhura maeni ma wuwinjo.

Ezekiel 29:21

I ceng’ maeca abiketho tung kudo ni ot mir Israel, man abimio iri ng’amudhok i kindgi; e gibing’eyo nia an a Yehova.

Amos 1:2

Man ewacu kumae, Yehova birundo kud i Sayuni, man ebiwodho dwal kud i Yerusalem; man kwac mi jukwac biywak, man wi Karmel biner.

Amos 2:12

Ento wumio pigulok ni Junaziri gimadhi, man wung’olo ni jubila, wuwacu kumae, Kud wueu.

Amos 3:4

Umvor birundo i luli, kinde ma amaci moko mbe kude? nyathin umvor biywak kud i ode, tek k’egamu gin moko ngo?

Tic Mi Jukwenda 4:20

kum wacopo weko yero pi gin ma waneno ku ma wawinjo de ngo.

Tic Mi Jukwenda 5:20

Wucidh wucung i hekalu wuyer lembe ceke ni dhanu pi Kwo maeni.

Tic Mi Jukwenda 5:29

Ento Petro giku jukwenda wagi de giloko lembe giwacu kumae, Wakoworo Mungu be ma sagu woro dhanu.

1 Jukorinto 9:16

Kum tek ayero lembanyong’a ma juboth ko, gin moko mbe i bang’a m’alula i kume; kum juketho lembene i kora; kum can i wia, tek ayero lembanyong’a ma juboth ko ngo.

Lembanyutha 5:5

man ng’atu acel ma kind judongo wacu ira kumae, Kud iywaki: nen, Umvor ma en e mi suru pa Yuda, Ulag Daudi, eloyo m’eyabu ko kitabune kud ayine abiro de.