Amos 3:7 - The Holy Bible In Alur (Lur) Revised Orthography

⁷ Andha Rwoth Yehova bitimo gin moko ngo, tek k’enyutho lembamung’a pare ngo ni jutic pare ma jubila.

Amos 3:7 ပူးပေါင်းရင်းမြစ်များ

Thangambere 18:17

Man Yehova wacu kumae, Abimung’o gin m’atimo ni Ibrahim;

Thangambere 6:13

Man Mungu wacu ni Noa kumae, Kajik mi weg kum ceke wok i wang’a; kum ng’om upong’ ku rop ni kumgi; man, nen, abinyothogi karacelo ku ng’om.

2 Ubimo 22:13

Wucidhi, wupenj Yehova pira, man pi dhanu ku pi Yuda ceke, pi lembe mi kitabu maeni ma junwang’u; kum kwinyo pa Yehova e dit ma jucwinyo i kumwa, kum kwaruwa winjo lembe mi kitabu maeni ngo, kara gitim calku gin ceke m’ugore piwa.

2 Ubimo 22:20

Ka kumeno, nen, abicoki ba kwaru peri, man jubicoki ba liel peri, ma cwinyi kwio, kadok weng’i de bineno lembe ma rac ceke m’abikelo wi ka maeni ngo. E gikelo lembe bang’ ubimo kendo.

2 Ubimo 6:12

E ng’atu acel ma kind jutic pare wacu kumae, Ungo, rwoth para, E ubimo; ento Elica, jabila ma ni i kind Israel, eyero ni ubimo mir Israel lembe m’iweco ku i kusika mi kavuto peri.

Zaburi 25:14

Lembapora pa Yehova ni ba ju m’ulwore; Man ebinyutho igi lembariba pare,

Isaya 18:4

Kum Yehova wacu ira kumae, Abibedo ling’, man abineno ku i kabedo para, calu lietho m’ulero i derceng’, calu afuru mi thoi i lietho mi mwoka.

Yeremia 23:22

Ento tek gicungo i lembapora para, kuno di giketho dhanu para winjo lembe para, man kuno di gilokogi kud i yo migi ma rac, man kud i dubo mi giratima migi.

Ezekiel 29:21

I ceng’ maeca abiketho tung kudo ni ot mir Israel, man abimio iri ng’amudhok i kindgi; e gibing’eyo nia an a Yehova.

Daniel 10:21

Ento abiyero iri maeno m’ukieure i lembagora mi lemandha: man ng’atu moko mbe m’ubedo ku tegocwiny karacelo kuda kum ju maeni ndhu Mikael ma jaditmawijo mu.

Daniel 11:2

Man kawono abinyutho iri lemandha. Nen, fodi ubimo adek bicungo i Ajemi; man mir ang’wende bilony ma sagugi ceke: man kan enwang’u tego ni kum lonyo pare, ebithubo dhanu ceke kum ker mi Yunani.

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Yohana 15:15

Ugambre kawono alwong’owu jumiru ngo; kum jamiru ng’eyo ngo gin ma Rwoth pare timo: ento alwong’owu jurimo; kum gin ceke m’awinjo ba Vwa aketho wung’eyo.

Lembanyutha 1:1

Lembanyutha pa Yesu Kristu, ma Mungu mio ire enyuth ni jumiru pare, cil gin ma fodi nyanok bikotimbre be: man eoro enyuthe ku malaika pare ni jatic pare Yohana;

Lembanyutha 1:19

Ka kumeno kieu gin m’ineno man gin ma tic, ku gin ma bitimbre macen;

Lembanyutha 10:7

ento i ceng’ mi dwand malaika mir abirone, kinde m’eyenyo ekudh agwara, e giramung’a pa Mungu lund uthum, calku lembanyong’a m’eyero ni jumiru pare ma jubila.

Lembanyutha 4:1

Yo ng’ei gin maeni aneno, man nen, dhugola yabre i polo, e dwal ma kwong’a m’awinjo, dwalne calu mir agwara m’ubeweco kuda, acel m’ubewacu kumae, Idh malu kue, man abinyutho iri gin ma bikotimbre be macen.

1 Samwil 9:15

Nwang’u Yehova nyutho ni Samwil ma fodi Saul kuwok ungo ceng’ acel, ewacu kumae,