man ewacu kumae, Wuwinji, Yuda ceke, man wu ju m’ubedo i Yerusalem, man in i ubimo ma Yehocafat: Yehova wacu iwu kumae, Lworo kud unegwu, kadok cwinywu de kud ung’abre kum udul maeni ma dit; kum lwiny en e mu ngo, ento pa Mungu.
Kum calu thondhpier moko kum dhanu, e aketho ot mi Yuda ku ot mir Israel ceke moko i kuma kumeca, Yehova wacu; kara gibed ira ni dhanu, man ni nying’, ni pak de, man ni dwong’: ento giyenyo ngo giwinji.
Wuwinj lembe pa Yehova, wu nyithindho mir Israel; kum Yehova bedo ku piem ku dhanu m’i ng’om, kum lemandha mbe i ng’om, kadi bero, kadi ng’eyong’ec pa Mungu.
Wuwinj maeni, E wu julam, man wuwinji, E ot mir Israel, man wucik ithwu, E ot p’ubimo; kum lembapoka ni i kumi; kum wubedo ni uwic i Mizpa, man ni voi m’apedha wi Tabor.
Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.
Ka kumeno Yehova wacu kumeni, Nen, apido lembe ma rac kum juot maeni, ma wubikabu ng’utwu ngo kud i bang’e, kadok ku kuhaya de wubiwotho ngo; kum en e nindo ma rac.