Amos 2:8 - The Holy Bible In Alur (Lur) Revised Orthography

⁸ man givuto gigi piny i ng’et pemblam kubang’e kubang’e wi kendi ma gigamu ni mukwatu; man i ot pa Mungu migi gimadhu pigulok mi wadi ju ma juketho giculo.

Amos 2:8 ပူးပေါင်းရင်းမြစ်များ

Ai 22:25

Tek imio sente moko ni banja ni dhanu para moko ma ni karacelo kudi ma en e jacan, kud ibed ire calu jarabanja; kadi kud imed kuloka i wie.

Isaya 57:7

Iketho kavuto peri wi got ma wiu m’utingre de; iidho kuca bende kara ilam lam.

Ezekiel 18:12

man etimo rac kum jacan ku jacanpiny, egamu de ku kuvuga, man edwoko mukwatu de ngo, man eting’o wang’e malu ba mungu m’araga, etimo ginmajudagu,

Ezekiel 18:7

man etimo rac kum ng’atu moko ngo, ento edwoko mukwatu pare ba jabanja, man egamu gin moko ngo ku kuvuga, emio kwen pare de ba ng’atu ma kec unege, man eumo jamuneru ku kendi;

Ezekiel 23:41

man ijany wi kavuto mi dwong’, ku mesa m’ubedo ayika i wang’e, m’iketho udok ma ng’wice ng’ar para ku mo para i wie.

Hoseya 4:8

Gikakri ku dubo mi dhanu para, man giketho adundegi kum kier migi.

Hoseya 7:14

Man giywak ira ngo kud adundegi, ento gigoyo nduru wi kavuto migi: gicokri gigi pi cam ku pigulok ma nyasa; gijai ira.

Amos 3:14

Kum i nindo m’abiliewo gondri mir Israel i wie, abiliewo pemblam mi Beth-el bende; man tung pemblamne bithumbre woko, man gibipodho i ng’om.

Amos 4:1

Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Amos 6:4

gi ju ma givuto wi kavuto mi lakliec, ma girieiri gigi de wi kabedo migi, ma gicamu nyithi rombe de ku i udul, ku nyithi dhiang’ kud i die dwol;

Amos 6:6

ma gimadhu pigulok i tabu, ma giwiri gigi de ku mo m’usagu; ento can unegogi ngo kum masendi pa Yusuf.

1 Jukorinto 10:21

Wucopo madhu kikombe pa Rwoth, ku kikombe mi pajogi de ngo: wucopo ng’wenyo ngo wi par pa Rwoth, ku wi par mi pajogi de.

1 Jukorinto 10:7

Kadi kud wubed ju ma rwo ni ayi gin m’acwia, calu jumoko m’i kindgi; calu egore kumae, Dhanu gibedo piny nicamu nimadhu de, man giai malu nituko.

1 Jukorinto 8:10

kum tek ng’atu moko neni m’i won ng’eyong’ec m’ibedo dhu cemo i hekalu mir ayi gin m’acwia, e ng’atu ma tek e ng’ic nica pidocwinye bidoko tek m’ecamu ko gin ma julamu ni ayi gin m’acwia ca ngo?

Jupoklembe 9:27

E gicidho woko i podho, man gicoko nyingulok migi, man gibio nyingulokne, e giketho ceng’ ma dit, man gimondo i ot pa mungu migi, e gicamu gimadhu de, man gilamu Abimelek.