Amos 2:7 - The Holy Bible In Alur (Lur) Revised Orthography

⁷ gi ju ma giketho cwinygi kum utur mi ng’om ma wi jucan, man giloko yo mi ju ma mol cen: man ng’atu ma nico ku won gimondo wi nyaku acel kara gicid nyinga ma leng’:

Amos 2:7 ပူးပေါင်းရင်းမြစ်များ

2 Samwil 12:14

Ento, ni kum gin maeni m’itimo imio kaka ma dit ni judegi pa Yehova kara uyer lembacidi, nyathin ma junyolo iri bende bitho andha.

1 Ubimo 21:4

E Ahab ubino i ot pare ku cwinye m’udieng’ ma lembe ton i ie de kum lembe ma Naboth ma Jayezreli yero ire; kum ewacu kumae, Abimio iri aba pa kwara ngo. E evuto piny wi kavuto pare, man eloko wang’e yo woko, man ekwero camu kwen.

Lembrieko 28:21

Bedo tung’ tung’ i wang’ jo e ber ungo; Kum dhanu bikier pi ng’et kwen.

Isaya 10:1

Can wi ju ma ng’olo lembang’ola mi gondri, man ni jugor ma goro lembang’ola ma kite mbe;

Isaya 10:2

kara ulok jacanpiny cen ni pokolembe, man kara ukwal ng’ol migi ba jucan mi dhanu para, kara mon ma coggi tho bed ayeki migi, man kara gidwok kic ni amaci migi!

Isaya 3:14

Yehova bimondo i pokolembe ku judongo mi dhanu pare, man judongomawijone: ebiwacu kumae, En e wun ma wucamu podho mir ulok; ayeki mi can ni i udi mu:

Isaya 3:15

the lembang’o m’uketho wunyono dhanu para, man wung’inyo wang’ jucani? Rwoth, Yehova mir udul uwacu.

Ezekiel 22:11

Man ng’atu acel utimo ginmajudagu ku dhaku pa wadi; man ng’atu mange cido ci wode ku tarwang’; man ng’atu mange, jwigo nyamin mire, ma nya won ii.

Ezekiel 36:20

Man kinde ma gibino ba thek, ka ma gicidho i ie, gicido nyinga ma leng’; kum dhanu wacu pigi kumae, Maeni dhanu pa Yehova, man giwok woko kud i ng’om pare.

Hoseya 4:14

Abisendo nyigwu ngo kinde ma gitimo asara, kadi mugole mu kinde ma gidubri swa; kum co gigi gicidho cen ku weg tarwang’, man gilamu lam karacelo ku weg asara; e jubing’ielo dhanu ma ng’eyothelembe mbe kugi.

Lembe Mi Julawi 18:15

Kud iyab muneru pa ci wodi: en e ci wodi; kud iyab muneru pare.

Lembe Mi Julawi 18:21

Man kud imi nyikwei moko ya ukadh kud i mac ni Molek; kadok nying’ Mungu peri de kud icidi: an a Yehova.

Lembe Mi Julawi 18:8

Muneru pa ci wuru kud iyabi; en e muneru pa wuru.

Lembe Mi Julawi 20:3

An bende abiketho wang’a kum ng’atuca, man abikabe woko ku kind juthugi; kum emio kind nyikwaye ni Molek, kara ecid kamaleng’ para, man kara ecid nyinga ma leng’.

Amos 4:1

Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Amos 5:11

Ka kumeno kum wunyono jacan, man wugamu girawodha mi nganu i bang’e: wugomo udi mi kidi m’apaya, ento wubibedo i igi ngo; wupidho podho mir ulok ma ber, ento wubimadhu pigulokne ngo.

Amos 5:12

Kum ang’eyo maram gondri mu dit ko, man maram dubo mu tek ko, wun ma wusendo ju ma pwe, ma wugamu jamng’om, ma wuroco jacanpiny i dhugang’.

Amos 8:4

Wuwinj maeni, E wun ma wuyenyo wumwony jucanpiny, man wuvoi jucan mi ng’om,

Mika 2:2

E giketho cwinygi kum pothi, man gigamugi; man udi, e gikabugi: e gisendo dhanu ku juode, en e dhanu kud aba pare.

Mika 2:9

Wuriemo mon mi dhanu para woko kud i udi migi ma ber; wukabu dwong’ para ma nja ku ba nyithindho migi m’aradu.

Zefania 3:3

Judongomawijo pare ma ni ie gin umvor m’urundo; jupoklembe pare gin urudi mir uthieno; giweko gin moko ngo mir urwone.

Jurumi 2:24

Kum nying’ Mungu cidre i kind Thekdhanumange kum lembe mu, cil calu egore.

1 Jukorinto 5:1

Lembe yik andha nia tarwang’ ni i kindwu, ma en e tarwang’, ma kadok cil kind Thekdhanumange de embe, ya ng’atu acel m’i kindwu bedo ku ci won.