Amos 2:4 - The Holy Bible In Alur (Lur) Revised Orthography

⁴ Yehova wacu kumae: Mi gondri adek mi Yuda, eyo mir ang’wen, abiloko masendine cen ungo; kum gikwero cik pa Yehova, man gigwoko cik pare ngo, ndra migi ketho gikier, ma calu kwarugi wotho i ie.

Amos 2:4 ပူးပေါင်းရင်းမြစ်များ

2 Ubimo 17:19

Yuda bende woro lembang’ola pa Yehova Mungu migi ngo, ento giwotho i cik mir Israel ma gitimo gin.

2 Lemkei 25:14

Nie etimbre, yo ng’ei ai ma Amazia ai ko ba nek mi Juedomi, nia ekelo mungu mi nyithindho mi Seir, man ekethogi malu gibed mungu pare, man erum gire i wang’gi, ewang’u udok ma ng’wice ng’ar de igi.

2 Lemkei 30:7

Man kud wubed calu kwaru mu, man calu utumegwu, m’udubo ni Yehova, Mungu pa kwaru migi, ketho emiogi ni nyoth, calu wuneno.

Nehemia 1:7

watimo rac dit i beng’i, man wawolo lembang’ola ngo, kadok cik de, kadi lembapoka, m’ing’olo ni jatic peri Musa.

Nehemia 9:26

Ento giwor ungo, man gijai iri, gibayu Cik peri de i ng’eigi, man ginego jubila peri m’utuco wigi kara gilokgi i beng’i kendo, man gitimo gin ma dit ma nyayu ng’ecwiny.

Isaya 28:15

Kum wuwacu kumae, Watimo lembariba ku tho, man waripo lembe ku liel; kinde ma goc m’ucore bikadhu kud i ie, ebiwok i kumwa ngo; kum waketho ndra ni kapondo mwa, man wapondo the lemndra:

Isaya 44:20

Ecamu vuru; adunde ma jubombo loke cen; e ecopo bodho ng’eyong’ec pare ngo, kadi wacu kumae, Ndra ni i cinga ma yor acwic ungo?

Yeremia 16:11

ilund iwac igi kumae, Kum kwaruwu giweka, Yehova wacu, man giwotho tok mungu mange, man gitimo igi, girwo igi de, man giweka, gitimo cik para de ngo;

Yeremia 16:12

man wun wutimo rac ma sagu kwaruwu; kum, nen, wuwotho kubeng’wu kubeng’wu ng’atuman tok udhuko mir adundene ma rac, ketho nia wuwinjo dwanda ngo:

Yeremia 17:27

Ento tek wubiwinjo dwanda ngo mi dwoko ceng’ sabatu leng’, man mi yeyo ter ungo nilutho i dhugang’ mi Yerusalem i ceng’ sabatu; e abilund cwinyo mac i dhugange, man ebiwang’u udi ma beco mi Yerusalem, e jubinege ngo.

Yeremia 6:19

Winji, E ng’om: nen, abikelo lem ma rac wi dhanu maeni, en e nying’ mi pidoic migi, kum giwinjo lembe para ngo; man cik para, gikwere.

Yeremia 8:2

e gibimoyogi i wang’ ceng’, ku dwi, kud udul m’i polo ceke, ma gimaru, man gitimo igi, man ma gilubo tokgi, man ma giyenyo, man ma girwo i bang’gi: jubicokogi ngo, kadi jubiyikogi de ngo, gibibedo ni weyo i wang’ ng’om.

Yeremia 8:9

Junyayu lewic wi jurieko, cwinygi ng’abre man jumakugi: nen, gikwero lerabe pa Yehova; man rieko ma nedi ma ni i igi?

Yeremia 9:14

ento giwotho tok udhuko mir adundegi gigi, man tok Balim, ma weggi ponjo kogi;

Ezekiel 13:22

Kum ku ndra wunyayu can i adunde ju ma pwe, m’aketho can uneggi ngo, man wumio tego ni cing’ jadubo, kara kud edwog kud i yo pare ma rac, man kud eboth ma kwo;

Ezekiel 20:13

Ento ot mir Israel ujai ira i langa: giwotho i cik para ngo, man gikwero lembapoka para, ma tek dhanu woro, ebibedo kwo ni kumgi; man gicido ceng’ sabatu para dit. Alund awacu nia abikonjo kwinyo para i wigi i langa, kara adargi.

Ezekiel 20:16

kum gikwero lembapoka para, man giwotho i cik para ngo, gicido ceng’ sabatu para de: kum adundegi lubo tok mungu m’araga migi.

Ezekiel 20:18

Man awacu ni nyithindho migi i langa kumae, Kud wuwoth i cik mi kwaruwu, kadi kud wutim lembapoka migi, kadi kud wucidru giwu ku mungu m’araga migi.

Ezekiel 20:24

kum gitimo lembapoka para ngo, ento gikwero cik para, man gicido ceng’ sabatu para, man wang’gi lubo tok mungu m’araga pa kwarugi.

Ezekiel 20:30

Kum kumeni wac ni ot mir Israel kumae, Rwoth Yehova wacu kumae: Wucidru giwu tok kura mi kwaruwu? man wutimo asara tok ginmajudagu migi?

Ezekiel 22:28

Man jubilane gifuyo pigi kud uza, ma gineno ko ginmawokiwang’ mi ndra, ku ewo girang’eya mi ndra igi, ma giwacu ko kumae, Rwoth Yehova wacu kumae, ma Yehova ke kuwacu ngo.

Ezekiel 22:8

Icayu gin ma leng’ para, man icido ceng’ sabatu para.

Hoseya 12:2

Yehova bedo ku piem bende ku Yuda, man ebisendo Yakobo calku yo pare; e ebiculo ire calku giratima pare.

Hoseya 12:3

Emaku ufunytiend umin kud i ic; e i awobi pare ebedo ku tego ku Mungu;

Hoseya 6:11

E Yuda, juketho mwoka bende iri.

Amos 1:3

Yehova wacu kumae: Mi gondri adek mi Dameski, eyo, mir ang’wen, abiloko masendine cen ungo; kum gifodo Gilead ku jamfodo mi nyunyu.

Amos 3:2

Ang’eyowu wu kendwu i kind juudi ceke m’i ng’om: ka kumeno abiliewo kier mu ceke i kumwu.

Mika 6:12

Kum dhanu m’ulonyne gipong’ ku rop, man ju m’ubedo i ie giyero ndra, man lebgi en e jamb abombi i dhoggi.

Habakuk 2:18

Ayi gin m’acwia m’apaya kulokane ang’o, ma jabodhone ng’ike; ayi gin m’acwia m’atwaga, cil japonji mi ndra, nia ng’atu m’utimo ayine gene, kara etim mungu m’araga ma weco ngo?

Jurumi 1:25

kum giloko lemandha pa Mungu ku ndra, man girwo ni giracwia pa Mungu gitimo ire de kaka Jacwic, ma Jamugisa mi nja. Amen.

1 Jutesaloniki 4:8

Ka kumeno ng’atu m’ukwero, meca ekwero dhanu ngo, ento Mungu, m’emio Tipo Maleng’ pare iwu.

1 Petro 1:18

ma wung’eyo ko nia juwaruwu, ku gin ma nyothre ngo, ku mola ma tar kadi mola ma kwar de ngo, kud i kura mi bedo mu ma kite mbe ma wunwang’u ba kwaruwu;

Jupoklembe 10:6

E nyithindho mir Israel utimo gin ma rac kendo i wang’ Yehova, man gitimo ni Balim, ku Actaroth, man mungu mi Cami, man mungu mi Sidon, ku mungu mi Moab, man mungu mi nyithindho mir Amon, man mungu mi Jufilisti; e giweko Yehova, man gitimo ire ngo.