Amos 1:6 - The Holy Bible In Alur (Lur) Revised Orthography

⁶ Yehova wacu kumae: Mi gondri adek mi Gaza, eyo, mir ang’wen, abiloko masendine cen ungo; kum giyaku dhanu dho ni ng’eca, kara gimigi ni Edom.

Amos 1:6 ပူးပေါင်းရင်းမြစ်များ

2 Lemkei 28:18

Jufilisti bende giyaku adhura mi poga, man ma yor ariwa ma piny ni Yuda, man gimaku Beth-cemec, ku Aijalon, man Gederoth, ku Soko karacelo ku pacune de, man Timna ku pacune de, man Gimzo bende ku pacune de: e gibedo keca.

Yeremia 47:1

Lembe pa Yehova m’ubino ba Yeremia ma jabila pi Jufilisti, ma fodi Farao kugoyo Gaza ngo.

Ezekiel 35:5

Kum ibedo kud adegi ma thum ungo, man imio nyithindho mir Israel ba tego wi palamularu i nindo mi ruvwa migi, i nindo mi kier mi kajik;

Yoel 3:4

Eyo, man wun ang’o ira, E Turo, man Sidon, ku ng’om ceke mi Filistia? wubiculo ira? man tek wuculo ira, abidwoko cul mu i wiwu tho man pio.

Yoel 3:6

man wuloko nyithindho pa Yuda ku nyithindho mi Yerusalem ni wot Juyunani, kara wucorgi bor cen ku kieu migi;

Amos 1:11

Yehova wacu kumae; Mi gondri adek mir Edom, eyo, mir ang’wen, abiloko masendine cen ungo; kum eriemo umin ku palamularu, man ebayu ngisi ceke cen, man ng’ecwiny pare yeco thiri thiri, ekanu kwinyo pare de mi nja.

Amos 1:3

Yehova wacu kumae: Mi gondri adek mi Dameski, eyo, mir ang’wen, abiloko masendine cen ungo; kum gifodo Gilead ku jamfodo mi nyunyu.

Amos 1:7

Ento abioro mac wi gang’kidi mi Gaza, man ebiwang’u udi mi kerne.

Amos 1:9

Yehova wacu kumae: Mi gondri adek mi Turo, eyo, mir ang’wen, abiloko masendine cen ungo; kum gimio dhanu dho ni Edom, man gipoi ungo kum lembariba mir umego.

Obadia 1:11

I ceng’ m’icungo ie lokaca, i ceng’ ma juwirok gitero ie piny pare cen, man juwirok gimondo i dhugola pare, man gigoyo jara wi Yerusalem, in de i calu acel m’i kindgi.

Zekaria 9:5

Ackelon binene, man lworo binege; Gaza bende, e can binege dit; man Ekron, kum genogen pare jubidwoko ni lewic; man ubimo binyothre kud i Gaza, man jubibedo i Ackelon ungo.

Tic Mi Jukwenda 8:26

Ento malaika pa Rwoth uyero ni Filipo, ewacu kumae, Ai malu, ici yor ariwa ma piny ba yo m’uai Yerusalem uloro Gaza: ng’ombe ng’om ngele.

1 Samwil 6:17

Man maeni gi vur mi mola ma kwar ma Jufilisti gidwoko ni girathiera mi kier ba Yehova: mi Acdod acel, mi Gaza acel, mi Ackelon acel, mi Gath acel, mi Ekron acel;