Amos 1:2 - The Holy Bible In Alur (Lur) Revised Orthography

² Man ewacu kumae, Yehova birundo kud i Sayuni, man ebiwodho dwal kud i Yerusalem; man kwac mi jukwac biywak, man wi Karmel biner.

Amos 1:2 ပူးပေါင်းရင်းမြစ်များ

Zaburi 29:4

Dwand Yehova tek; Dwand Yehova pong’ ku gin ma ng’oyo ndiri.

Zaburi 46:6

Kwinyo nego thek, man cwiny ker uringo: Ewodho dwande e ng’om uloi.

Lembrieko 20:2

Ndiri ubimo en e calu rundo mir umvor: Ng’atu m’unyayu ng’ecwiny i ie nwang’u etimo kwo pare gire rac.

Isaya 33:9

Ng’om uywak man evoc; lewic umaku Lebanon man ener woko; Caron calu ng’omngele; man Bacan ku Karmel giteng’o ithgi.

Isaya 35:2

Ebithiwo dit, man anyong’a binege cil ku mutoro man wer; jubimio ire dwong’ mi Lebanon, dwong’ mi Karmel ku Caron: gibineno dwong’ pa Yehova, dwong’ pa Mungu mwa.

Isaya 42:13

Yehova biwok woko calu jarukara; ebithubo ngiri pare calu won ali: ebiywak, eyo, ebikok ma tek; ebitimo ku kero kum judegi pare.

Yeremia 12:4

Ng’om biywak rokani, man uboko m’i ng’om dho bineri? kum dubo mi ju m’ubedo i ie, yedi thum, ku winyo de; kum giwacu kumae, Ebineno kajik mwa ngo.

Yeremia 14:2

Yuda ywak, man dhugang’ne voc, gibedo ku kendi ma col wi ng’om; e ywak mi Yerusalem idho malu.

Yeremia 25:30

Ka kumeno cu lembe maeni ceke i kumgi, man iwac igi kumae, Yehova birundo ku malu, man ebiwodho dwande ku i kabedo pare ma leng’; ebirundo ma tek kum kwac pare; ebikok, calu ju m’unyono nyingulok, kum dhanu ceke m’ubedo wi ng’om.

Yeremia 28:8

Jubila m’ular uwok ira man iri ma con giewo lembe kum ng’om dupa, man kum ker ma dit, mir ali, man mi lem ma rac, man mi thong’om.

Yeremia 50:19

E abikelo Israel kendo i kakwae pare, man ebicamu wi Karmel ku Bacan, man ng’eyong’ec pare biyeng’ wi ungulu gudi mir Efraim man i Gilead.

Hoseya 11:10

Gibiwotho tok Yehova, ma birundo calu umvor; kum ebirundo, e nyithindho bibino ku yo reto ma kumgi miel.

Hoseya 13:8

abirombo kugi calu wai ma jumayu nyithindhe, man abiyeco bor mir adundegi; e abicamugi kuca calu min umvor; yedi m’i thim biyecogi.

Yoel 1:19

E Yehova, alwong’o i beng’i; kum mac uwang’u kakwae mi langa, man lebmac uwang’u yedhi ceke m’i thim.

Yoel 2:11

Man Yehova wodho dwande wang’ udul asikari pare; kum kagonjo pare e dit apila; kum e tek m’etimo lembe pare; kum ceng’ pa Yehova e dit man eng’oyo ndiri ma dit; man ng’a ma copo cire?

Yoel 3:16

Man Yehova birundo kud i Sayuni, man ebiting’o dwande kud i Yerusalem; man polo ku ng’om biyengre: ento Yehova bibedo ni kapondo ni dhanu pare, man ka ma tek ni nyithindho mir Israel.

Amos 9:3

Man kadok gipondo wi usimbru Karmel, abiyenyo man abikabugi ku kuca; man kadok gipondo ni wang’a the nam, abing’olo ni thwol ku kuca, e ebitong’ogi.

Nahum 1:4

Ejuko nam, man edwone, man edwono kulo ma dongo ceke: Bacan ubedo ng’ic, ku Karmel de; man thiuboko mi Lebanon ubedo ng’ic.

1 Samwil 25:2

E ng’atu moko nuti i Maon, ma piny pore ni i Karmel; e ng’atuno dwong’ dit, man rombe pare rubanga adek, diegi pare ke rubanga acel: man ebenyaru yuk rombe i Karmel.