Amos 1:1 - The Holy Bible In Alur (Lur) Revised Orthography

¹ Lembe pa Amos, ma ni i kind jukwac mi Tekoa, m’eneno pir Israel i nindo pa Uzia m’ubimo mi Yuda, man i nindo pa Yeroboam ma wod Yoac m’ubimo mir Israel, rundi ario ma fodi digidi kuwok ungo.

Amos 1:1 ပူးပေါင်းရင်းမြစ်များ

2 Samwil 14:2

Man Yoab uoro kwendai i Tekoa, man egamu dhaku ma riek ku kuca, man ewacu ire kumae, Akwei, peli giri nia in i jaywak, man ikend kendi mi ywak, akwei, man kud iwiri ku mo, ento ibed calu dhaku m’ugamu ywak con kum dhanu pare m’utho:

1 Ubimo 19:19

Kum kumeno eai kukuca, man enwang’u Elica ma wod Cafat, m’ubefuro fur, ku koni dhiang’ ma ku mberembere apar wi ario i wang’e, man en karacelo kud apar wi arionde: e Elia kadhu lokaca i bang’e, man ebolo kanzu pare i kume.

2 Ubimo 14:21

E dhanu ceke pa Yuda gigamu Azaria, ma rundi pare apar wi abusiel, man gidwoke ni ubimo ka pa won mire ma Amazia.

2 Ubimo 14:23

I rundi apar wi abije pa Amazia ma wod Yoac m’ubimo mi Yuda, Yeroboam ma wod Yoac m’ubimo mir Israel umaku camu ker i Samaria, man ecamu ker rundi pier ang’wen wi acel.

2 Lemkei 11:6

Egomo Beth-lehem, man Etam, ku Tekoa,

2 Lemkei 20:20

E giai pir kugweno, man gicidho woko i langa mi Tekoa: e kinde ma gicidho woko, Yehocafat ucungo man ewacu kumae, Koiwinja, E Yuda, man wu ju m’ubedo i Yerusalem: wuyi Yehova Mungu mu, e wubicungo; wuyi jubila pare, e lembe mu bibedo miero.

Ai 3:1

Nwang’u Musa bekwayu udul rombe pa Yethro ma jalkwaru mire, ma jalam mi Midian: man etelo wi udul rombe yo ng’ei langa, man ewok kum got pa Mungu, kum Horeb.

Isaya 1:1

Ginmawokiwang’ pa Isaya ma wod Amoz, m’eneno pi Yuda ku Yerusalem, i nindo pa Uzia, ku Yotham, man Ahaz, ku Hezekia, ma gin ubimo mi Yuda.

Yeremia 1:1

Lembe pa Yeremia ma wod Hilkia, ma kind julam ma ni i Anathoth i ng’om Benyamin:

Yeremia 28:8

Jubila m’ular uwok ira man iri ma con giewo lembe kum ng’om dupa, man kum ker ma dit, mir ali, man mi lem ma rac, man mi thong’om.

Yeremia 6:1

Wuring kara wubothi, wu nyithindho pa Benyamin, kud i die Yerusalem, man wukudh agwara i Tekoa, wuting’ lembanyutha de wi Beth-hakerem; kum lem ma rac uneno ku yor ariwa ma malu, ku nyoth ma dit.

Yeremia 7:27

Man ibiyero lembe maeni ceke igi; ento gibiwinji ngo: e ibilwong’ogi bende; ento gibiloko iri lembe ngo.

Hoseya 1:1

Lembe pa Yehova m’ubino bang’ Hoseya ma wod Beri, i nindo pa Uzia, ku Yotham, kud Ahaz, man Hezekia, gi ju m’ubimo mi Yuda, man i nindo pa Yeroboam ma wod Yoac, m’ubimo mir Israel.

Amos 7:14

Amos ulund uloko lembe, man ewacu ni Amazia kumae, An a jabila ngo, kadok wod jabila de ngo; ento an a jakwac, man jalwer kum duru;

Mika 1:1

Lembe pa Yehova m’ubino ba Mika ma Jamoracti i nindo pa Yotham, kud Ahaz, man Hezekia, ma gin ubimo mi Yuda, m’eneno pi Samaria ku Yerusalem.

Zekaria 14:5

Man wubiringo kud i poga mi got para; kum poga mi got bitundo kum Azel; eyo, wubiringo, calu wuringo kud i wang’ digidi i nindo pa Uzia m’ubimo mi Yuda; e Yehova Mungu para bibino, ku ju ma leng’ ceke gikugi.

Matayo 4:18

E kan ebewotho dhu nam Galilaya, eneno utumego ario, Simon ma julwong’o Petro, kud Andrea m’umin mire, m’ubebolo voi i nam; kum gi junam.

1 Jukorinto 1:27

ento Mungu foyo gin ma kitgi mbe i ng’om, kara eketh lewic umak ju ma gi riek; man Mungu foyo gin ma ng’ic m’i ng’om, kara eketh lewic umak weg tego;